मर्कूस 16:16 - राना थारु नयाँ नियम

¹⁶ जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

परमेस्वर को सच्चो वचन

¹⁶ जो बिस्वास करैगो और बपतिस्मा लेगो बाको उद्धार होगो, लेकिन जो बिस्वास नाय करैगो बाकी बुराई करी जागी।

मर्कूस 16:16 Iomraidhean Croise

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मर्कूस 1:15

येशू कही, “परमेश्वर जौन समय तोकी रहए, बो ढिँगै आइगओ हए। पाप करन छोडके परमेश्वर घेन घुमओ, और अच्छो समाचारमे बिश्वास करओ।”

लूका 8:12

अगर कोइ दुस्रे जनैके बचन सुनात हए कहेसे, बो किसानदारके बिज छिँटनो हानी हए। कोइ मनै बो डगर कता हएं, जोमे कोइ बिज गिरे होत हएं। जब बे बचन सुनत हएं, तओ शैतान आत हए और उनको मन मैसे सुनो भओ बचनके लैचलो जातहए। तभीमारे बे बिश्वास नाए करत हएं और बचे नाए जातहएं।

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

यूहन्ना 6:29

येशू बिनसे कही, “परमेश्वरको काम जा हए, कि तुम मोएमे बिश्वास करओ जौनके बा पठाइ हए।”

यूहन्ना 6:35

येशू बिनसे कही, “मए बो रोटी हओं जो कभी फिर अन्त नाए होन बारो जीबन देत हए, मेरे जौँणे आन बारे भुँखे नाए रएहएं, और मिर उपर बिश्वास करन बारे कभु प्यासे नाए हुइहएं।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

यूहन्ना 8:24

जहेमारे मए तुमसे कहात हओं, कि ‘तुम लगातार पाप करनसे तुम मरजाबैगे,’ काहेकी अगर तुम ‘मए जो हओं बहे हओं’ कहिके बिश्वास नाए करैगे तओ तुम मरजाबैगे, और तुमर पाप क्षमा नाए करोजाबैगो।”

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 13:39

येशू ख्रीष्टमे बिश्वास करन बारे सब पापसे छुटकारा पाएके परमेश्वरके अग्गु ठिक ठहिरत हएं। जा छुटकारा मोशाको नियम कानुनसे तुमर ताहीं सम्भब नाए रहए।

प्रेरित 13:46

तओ पावल और बारनाबास नाए डराएके कहीं, “परमेश्वरको बचन सबसे पहिले तुमके सुनान जरुरी रहए, पर तुम सुनन नाए मानत हओ। तुम अपनएके कभी फिर नाश नाए होन बारो जीबनको अयोग्य ठहिरे हओ। जहेमारे अब हम गैर-यहूदीनके ठिन जामंगे।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 2:41

जो कुछ पत्रुस कही, और जौन बोके बातमे बिश्वास करीं बे सब बप्तिस्मा लैं। बो दिन बिश्वासीन्को बो समुहसे लगभग तीन हजार आदमी बढिगए।

प्रेरित 22:16

तए अब काहे देर करत हए? उठ और बप्तिस्मा ले, और अप्नो पापको क्षमा पानके ताहीं बाको नाउँ ले।’

रोमियों 3:6

नाए! बिरकुल नाए! अगर परमेश्वर हम यहूदीनको न्याय करनमे सही नाए हए, तओ बा संसारके आदमीनको न्याय कैसे करपाबैगो?

रोमियों 4:24

बल्कि हमर ताहीं फिर लिखोगओ हए, जौन हमर प्रभु येशूके मरे मैसे फिरसे जीबन देन बारो परमेश्वरमे बिश्वास करी हएं। जहे बिश्वासके कारणसे हम फिर परमेश्वरके अग्गु धर्मी घोषित करेजामंगे।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

2 थेसलोनिकी 2:12

और परमेश्वर बे सब आदमीनको न्याय करैगो, जो येशू ख्रीष्टको सच्चो सन्देशमे बिश्वास नाए करत हएं और दुष्टके कामके प्रेम करत हएं।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”