मर्कूस 10:52 - राना थारु नयाँ नियम

⁵² तओ येशू बोसे कही, “मए तोके अच्छो कर रहो हओं काहेकी तए मोए मे बिश्वास करत हए। तभीमारे अब तए घर जाए सकत हए।” तओ बो तुरन्त देखन बारो भओ, और डगरमे येशूके पिच्छु-पिच्छु नेँगन लागो।

परमेस्वर को सच्चो वचन

⁵² ईसु बासे कही, “चले जा, तेरो बिस्वास तोकै अच्छो करी है।” बौ तुरंत देखन लगो, और रस्ता मैं बाके पच्छू हुई लई।

मर्कूस 10:52 Iomraidhean Croise

मत्ती 11:5

अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए।

मत्ती 12:22

तओ येशूके ठिन भुत लागो एक आदमीके ल्याइं, बो अन्धरा और गुँगा रहए। येशू बोके अच्छो करी, हियाँतककी, गुँगो आदमी मस्कन और देखनके लागो।

मत्ती 15:28

तओ येशू बोसे कही, “ए नारी, तेरो बिश्वास बडो हए। तिर इच्छा अनुसार तोके होबए।” तओ बोकी लौंणीया बहेबेरा अच्छी हुइगै।

मत्ती 21:14

अन्धरा और लंगणा यरूशलेमको मन्दिरमे बाके ठिन आए, और बा बिनके अच्छो करी।

मत्ती 8:3

येशू अपन हात फैलाएके कोढ रोग लागो भओके छुइ और कही, “मए चाँहत हओं, कि तए अच्छो हुइजा।” तओ तुरन्त बोको कोढ रोग अच्छो हुइगओ।

मत्ती 9:22

फन्नसे घुमके येशू बो बैयरके देखी, और कही, “ए लौंणीया, बिश्वास कर, तेरो बिश्वास तोके अच्छो करीहए।” बहेबेरा बो बैयर तुरन्त अच्छी हुइगइ।

मर्कूस 1:31

येशू बक ढिँगै आएके बोको हात पकणके उठाइ, और बो तुरन्त ठिक हुइगइ, तओ बो येशूको सेवा करी।

मर्कूस 5:34

तओ येशू बोसे कही “ए लौंणीया, तए अच्छो भओ हए काहेकी तए बिश्वास करोहए, कि मए तोके अच्छो करडारंगो, अब शान्तिसे जा। तिर रोग अच्छो हुइगओ हए।”

मर्कूस 8:25

तओ येशू फिर दुबारा बक आँखीमे हात धरी। तओ बो आदमी अपनी आँखी खोली और अच्छो हुइगओ रहए और अब बो सब कुछ स्पष्ट देखलेत रहए।

लूका 7:50

पर येशू बैयरसे कही, “परमेश्वर तोके बचाएलैहए, काहेकी तए मिर उपर बिश्वास करोहए, शान्तिसे जा।”

लूका 9:48

और बिनसे कही, “जौन मिर नाउँमे जा बालकाके ग्रहण करैगो, बो मोके ग्रहण करैगो, जौन मोके ग्रहण करैगो, बो मोके पठान बारोके ग्रहण करैगो। काहेकी तुमर मैसे जौन सबसे छोटो हए, बहे बडो हुइहए।”

यूहन्ना 9:32

जबसे संसारको उत्पत्ति भओ, तबसे हबएतक, जल्मतको अन्धराके कोइ फिर चंगाइ करी हए करके कभी फिर नाए सुनोगओ हए।

यूहन्ना 9:39

तओ फिर येशू कही, “मए जा संसारमे न्यायके ताहीं आओ हओं, ताकी जो आदमी नाए देख पातहएं, बे देखन बारे होमएं, और जो आदमी देख पातहएं बे अन्धरा हुइजाएं।”

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’