मर्कूस 10:39 - राना थारु नयाँ नियम

³⁹ बे येशूसे कहीं, “हम तयार हएं।” तओ येशू उनसे कही, “तुमके सताओ जाबैगो जैसे मोके सताओ जएहए। तुमके मारो जएहए जैसे मोके मारो जाबैगो।

परमेस्वर को सच्चो वचन

³⁹ बे बासे कहीं, “हमसे हुई सकथै।” ईसु उनसे कही, “जो कटोरा मैं पीन बारो हौं, तुम पीबैगे; और जो बपतिस्मा मैं लेन बारो हौं, बाकै लेगे।

मर्कूस 10:39 Iomraidhean Croise

मत्ती 10:25

चेला अपन गुरु जैसो होन जरुरी हए। और कमैया अपन मालिक जैसो होन जरुरी हए। अगर बे मालिकके सँग खराब ब्यबहार करके ‘शैतानको राजा’ कहात हएं, तओ बे मालिकके कमैयनके सँग फिर खराब ब्यबहार करंगे।”

मत्ती 3:6

और अपन गलत काम स्वीकार करत यर्दन नदीयामे बिनसे बप्तिस्मा लेन लागे।

मर्कूस 14:31

तओ बो और जोडसे कही, “तुमर सँग मोके चहुँ मरन पणए, तहुँफिर मए कभीनाए कहाँगो कि ‘मए तोके नाए जानतहओं।’” और बे सब अइसियए कहीं।

मर्कूस 14:36

और बा कही, “हे अब्बा, हे दौवा, तुमर ताहीं सब बात सम्भब हए। अगर तुमर इच्छा हए, तओ जा दुखसे मोए बचाएलेओ। तहुँफिर, जैसे मए चाँहत हओं उइसो नाए, पर जो तुम चाँहत हओ बहे होबए।”

यूहन्ना 13:37

पत्रुस येशूसे कही, “हे प्रभु, मए हबए तुमर पिच्छु काहे नाए आए पएहओं? तुमर ताहीं मए मरनके फिर तयार हओं।”

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

यूहन्ना 17:14

मए तुमर सन्देश उनके पुगाएदओ हओं, और संसारके आदमी सन्देशके हेल्हा करीं, काहेकी जैसे मए संसारसे सम्बन्धित नाए हओं, उइसीयए बे फिर संसारसे सम्बन्धित नाए हएं।

प्रेरित 12:2

राजा हेरोद चुनो भओ चेला यूहन्नाको ददा याकूबके तरवारसे मारदइ।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।