मर्कूस 10:14 - राना थारु नयाँ नियम

¹⁴ तओ जा देखके येशू गुस्साइगओ और उनसे कही, “छोटे बालकनके मेरे ठिन आनदेओ, बिनके मत् रोकओ, काहेकी परमेश्वरको राज्य उनके ताहीं हए, जौन जे बालका कता बिश्वासयोग्य और नम्र हएं।

परमेस्वर को सच्चो वचन

¹⁴ ईसु जौ देखकै गुस्सा हुईकै चेलन से कही, “बालकन कै मेरे झोने आनदेयौ उनकै रोकौ मत्ती, काहैकि परमेस्वर को राज्य ऐसियनै को है।

मर्कूस 10:14 Iomraidhean Croise

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

मत्ती 18:4

जौन जा छोटो बालका जैसो अपनएके नम्र बनएहए, बहे स्वर्ग राज्यमे सबसे बडो हुइहए।

मत्ती 19:14

तओ येशू कही, “बालकनके मिर ठिन आनदेओ, बिनके मत् रोकओ। काहेकी स्वर्गको राज्य अइसिनको हए।”

मत्ती 5:10

धन्य हएं बे, जौन धार्मिकताके जीबन जिनके ताहीं सताए जात हएं, काहेकी स्वर्गको राज्य बिन्हिको हए।

मत्ती 5:3

“धन्य हएं बे, जौनके परमेश्वरको जरुरत हए, काहेकी स्वर्गको राज्य बिन्हिको हए।

मर्कूस 3:5

बिनको हृदयको कठोरतामे येशू गुस्साइगओ, और बा बिनके सबके देखके बहुत दुखी भओ और लुला हात भओ मनैसे कही, “अपन हात फैला।” बो हात फैलाइ और बक हात अच्छो हुइगओ।

मर्कूस 8:33

पर येशू पिच्छु मुणो और चेलाके देखी और फिर पत्रुसके डाँटी, “ए शैतान, मोसे दुर जा! तए परमेश्वरके जैसो नाए, बल्कि आदमीके जैसो सोँच रहो हए।”

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

प्रेरित 2:39

काहेकी प्रतिज्ञा तुमर ताहीं, तुमर सन्तानके ताहीं और दुर-दुरमे रहान बारो सबके ताहीं हए, जौनके प्रभु हमर परमेश्वर अपने ठिन बुलाबैगो।”

प्रेरित 3:25

तुम सब बेहीं अगमबक्तनको और बहे करारके सन्तान हओ, जौन करार परमेश्वर तुमर पुर्खा अब्राहामसे अइसो करके बाँधी रहएं, ‘तेरे लौंणाके द्वारा पृथ्वीके सब परिवार आशिष पामंगे।’

रोमियों 11:16

अगर मणो भओ चुनको पहिलो भाग परमेश्वरके देनसे पबित्र हुइजात हए तओ पुरो मणो भओ चुन फिर पबित्र हुइजात हए। और जब जर पबित्र हए तओ हँगा फिर पबित्र होतहए।

रोमियों 11:28

यहूदी परमेश्वरके दुस्मन हएं, काहेकी बे अच्छो समाचारमे बिश्वास नाए करन चाँहत हएं, और जाके ताहीं तुमर फाइदा हुइगओ हए। पर परमेश्वर उनके प्रेम करत हए काहेकी बा उनके अपने ताहीं चुन्लै हए। जहे बातके बे उनको पुर्खासे बाचा करी रहए।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 7:14

काहेकी अगर तुम एक बिश्वासी बैयर हओ जो गैर-बिश्वासी लोगाके सँग रहात हओ, तओ तुमर लोगा फिर तुमर बिश्वासके कारण प्रभुको हए। और अगर तुम एक अइसे बिश्वासी पुरुष हओ जो गैर-बिश्वासी बैयरके सँग रहात हओ, तओ तुमरी बैयर फिर तुमर बिश्वासको कारण प्रभुकी हए। अगर जा सच्चो नाए हुइतो, कि तुमरी गैर-बिश्वासी बैयर या लोगा परमेश्वरके हएं। तओ तुमर बच्चा फिर अशुद्ध हुइते। पर अब तुमर बच्चा फिर परमेश्वरके हएं।

इफिसियों 4:26

अगर तुम गुस्साए जाबैगे तओ ध्यान देओ, कि तुम पाप नाए करओ। सुनिश्चित करओ, कि दिन खतम होनसे पहिले तुम गुस्सानके बन्द करदेबओ।

2 तिमोथी 1:5

मोके, तिर सच्चो येशू ख्रीष्टमे बिश्वासको सम्झना आत हए, जो पहिले तेरी दादी लोइस, और तेरी अइया युनिसमे रहए। और मोके बिश्वास हए, कि तोएमे फिर ख्रीष्टको बिश्वास हए।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

प्रकाश 14:5

बे कभी फिर नाए ठगी हएं, बे निर्दोष हएं।