मत्ती 6:1 - राना थारु नयाँ नियम

¹ होसियार रहियओ! तुम आदमीनके दिखानके ताहीं भले काम मत् करओ। नत स्वर्गमे होन बारो तुमर दौवासे तुम कुछु इनाम नाए पएहओ।

परमेस्वर को सच्चो वचन

¹ सावधान रहबौ, “परमेस्वर चाहथै कि धार्मिकता के काम लोगन सामने दिखाबा के ताहीं मत करौ न तौ तुम स्वर्गिय दऊवा से बाको प्रतिफल नाय पागे।”

मत्ती 6:1 Iomraidhean Croise

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 16:6

येशू बिनसे कही, “ध्यान देओ, फरिसीनको समुह और सदुकीनको समुहको खमिरसे होसियार रहियओ।”

मत्ती 23:13

“हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम आदमीनके, स्वर्गके राज्यमे प्रबेश करनके अनुमति नाए देत हओ, नए त तुम अपनए बोमे घुसत हओ, नए घुसन बारेके घुसन देत हओ।

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

मत्ती 5:46

काहेकी अगर तुमरसँग प्रेम करन बारेनके प्रेम करैगे तओ परमेश्वर का तुमके इनाम देहए? का कर उठान बारे फिर अइसियए नाए करत हएं?

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:9

तुम अइसे परमेश्वरसे प्राथना करओ: “हे हमर दौवा, जो स्वर्गमे हए; तुमर नाउँ पबित्र होए।

मर्कूस 8:15

येशू चेलनके होसियारीसे चेतावनी दइ, “फरिसीनको समुहको खमिर और राजा हेरोदके खमिरसे होसियार रहियओ।”

लूका 11:35

जहेमारे होसियार रहओ, तुमरमे जो उजियारो हए, बो कभी फिर अंधियारो नाए होबए।

लूका 12:1

जहे बीचमे जब हजारौँ मनैको भिड जमा भओ, हियाँतककी एकदुस्रेके चिबदानलागे, तओ येशू पहिले अपन चेलासे कहान लागो, “तुम फरिसीनको समुहको खमिरसे होसियार बैठओ!” कहाइको अर्थ हए, “बिनको कपटीपनसे होसियार रहाओ, बो खमिर बिनको खराब बानी हए।”

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

यूहन्ना 12:43

काहेकी बिनके त परमेश्वरसे जद्धा आदमीनसे पान बारो प्रसंसा अच्छो लगत रहए।

यूहन्ना 5:44

पर तुम मिर उपर बिश्वास नाए करपए हओ, काहेकी तुम एकदुस्रेसे प्रसंसा चाँहत हओ, और तुम परमेश्वरसे प्रसंसा पानके कोसिस नाए करत हओ।”

प्रेरित 3:12

जा देखके पत्रुस आदमीनसे कही, “इस्राएल देशके आदमी, तुम जा बातमे काहे अचम्मो मानत हओ? हमर अपनो शक्ति और भक्तिसे हम जाके नेँगन बारो बनाए कता, तुम हमर घेन अचम्मो मानके काहे देखतहओ?

गलातियों 6:12

यहूदी आदमीनके खुसी बनानके ताहीं बे तुमके खतना करनके दबाब करत हएं। बे जा करत हएं, ताकी ख्रीष्ट येशू क्रूस मरो, जा बातमे बिश्वास करके इकल्लो मुक्ति पातहएं करके परचार करनको कारण बिनके नाए सतामएं।

हिब्रू 11:26

मिश्रदेशको धनसम्पतिसे ख्रीष्टके ताहीं निन्दित होनके बो महिँगी सम्पति मानी। काहेकी बो अपनो इनाम पानको डगर देखन डटो रहए।

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

2 यूहन्ना 1:8

जहेमारे तुमके होसियार रहानके चाहो, कि कहुँ जे आदमी तुमके धोखा नाए देमएं। ताकी परमेश्वरको सेवाके ताहीं तुमर द्वारा करेगए कोसिस बेकाममे नाए जाएं, पर तुमके बे सब आशिष मिलैगो, जौनको प्रतिज्ञा परमेश्वर तुमसे करीहए।