लूका 18:32 - राना थारु नयाँ नियम

³² काहेकी बा अन्यजातिक हातमे सौँपोजाबैगो, और बे बाको गिल्ला करंगे, और बासे दुरब्यवहार करंगे, और बक उपर थुकंगे।

परमेस्वर को सच्चो वचन

³² बाकै गैर यहूदि कै सौंप दौ जागो, जो बाको मजाक उड़ांगे, बाकी बेजती करंगे और बाके ऊपर थूकंगे।

लूका 18:32 Iomraidhean Croise

मत्ती 16:21

येशूके कैसे यरूशलेम सहरमे जानपणैगो, और यहूदी अगुवनको समुह और मुखिया यहूदी पुजारी और मोशाको नियम कानुन सिखान बारेसे बहुत कष्ट भोगन पणैगो, मरन पणैगो और तिसरो दिनमे जिन्दा हुइके उठन पणैगो करके येशू बहे बेरासे अपन चेलनके बातनलागो।

मत्ती 20:19

बोके गिल्ला करके, कोर्रा लगए हएं, और क्रूसमे टाँगए करके बे अन्यजातिनके हातमे सौपंगे, और तीन दिनमे बो जिन्दा हुइके उठजए हए।”

मत्ती 22:6

और दुस्रे आदमी बक बचेभए नोकरनके पकणके बिनके दुरव्यहार करीं और बिनके मारडारीं।

मत्ती 26:67

तओ बे येशूके मुँहुँमे थुकके मुक्का मारीं, और कोइ-कोइ अइसे कहात थप्पड मारीं,

मत्ती 27:2

और बे येशूके बाँधके लैगए, और हाकिम पिलातस ठिन सौँपदइं।

मर्कूस 14:65

और कोइ-कोइ बाके थुकनलागे, और बाको मुँहुँ तोपके थप्पड मारन लागे और ठट्ठा करके कहान लागे, “अगर तए अगमबक्ता हए कहेसे, हमके बता, कि तोए कौन मारी।” तओ पिच्छु लखबारिया बाके अपन जिम्मामे लइं, और बाके मुक्का मारीं।

मर्कूस 15:1

सुबेरे बहुत जल्दी मुखिया यहूदी पुजारी, यहूदी अगुवनको समुह, मोशाको नियम कानुन सिखान बारे और जम्मए यहूदी सभाघरके सब सदस्य आपसमे सल्लाह करके येशूके साँकरसे बाँधके लैगए, बे बाके जाँचनके ताहीं रोमको बडो-हाकिम पिलातसके घरमे लैगए।

लूका 18:33

बे बाके कोर्रा लगामंगे और मारङगे, और फिर तीन दिनमे बा फिर मरके जिन्दा हुइके उठैगो।”

लूका 23:1

तओ पिच्छु यहूदी सभाघरके सब सदस्य येशूके बडो हाकिम पिलातसके ठिन लैगए।

लूका 23:11

तओ राजा हेरोद अपन सिपाहीनसे मिलके बाको अपमान करी, और बे बाके खिसबाइं। जाके पिच्छु बो बाके राजाके लगान बारो लत्ता पैँधाएके पिलातसके ठिन घुमाएदइं।

लूका 23:35

आदमी ठाणके देखत रहएं, और सासक बासे ठट्ठा करत कही, “जा औरनके बचाइ, जा परमेश्वरको ख्रीष्ट और बाको चुनो भओ जन हए कहेसे जा अपनएके बचाबए।”

यूहन्ना 18:22

जब येशू जा बात कही, तओ मन्दिरको पहेरेदार मैसे एक जो बाके ठिन ठाणो रहए, येशूके पहरेदार मैसे एक जनै अइसो कहात येशूके थप्पड मारके कही, “का तए प्रधान यहूदी पुजारीके अइसे जबाफ देतहए?”

यूहन्ना 18:28

और बे येशूके, कैयाफाके ठिनसे पिलातसको महलको आँगनमे लैगए जो रोमको बडो हाकिम रहए। और सुबेरेको समय रहए, यहूदी समुहके अगुवा महलमे नाए कुचे। काहेकी यहूदीनको निस्तार तेवहारको भोज खानके ताहीं बे अपनएके शुद्ध करनके चाँहत रहएं।

यूहन्ना 18:30

बे एकए अबाजमे बोके जबाफ दइं, “अगर जा आदमी दोषी नाए हुइतो त तुमर ठिन काहे लैते?”

यूहन्ना 18:32

जा जहेमारे भओ, कि येशूकी बो बात पुरा होबए जो बा जा संकेत दइके कही रहए, कि बाको मृत्यु कौन तरिकासे हुइहए।

यूहन्ना 18:35

पिलातस जबाफ दइके कही, “का तुम मोके यहूदी सम्झत हओ? तुमर जाति और मुखिया यहूदी पुजारी तुमके मेरे हातमे सौँपदइं हएं, तुम का अपराध करेहओ?”

प्रेरित 2:23

परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

प्रेरित 3:13

अब्राहाम, इसहाक और याकूबको परमेश्वर, हमर पुर्खाको परमेश्वरए अपनो सेवक येशूके आदर करी, पर तुम बाके मारनके ताहीं यहूदी अगुवनको हातमे सौँपदए, और जब पिलातस बाके छोडनके बिचार करी, तओ तुम बोके अग्गु अस्वीकार करे।