लूका 18:23 - राना थारु नयाँ नियम

²³ पर जा बात सुनके बो सासक बेढम उदास भओ, काहेकी बो गजब धनी रहए।

परमेस्वर को सच्चो वचन

²³ लेकिन जौ सुनकै बौ आदमी को मन दुखी हुई गौ, काहैकि बौ आदमी भौत सेठ रहै।

लूका 18:23 Iomraidhean Croise

मत्ती 19:22

जब बो जवान जा बात सुनी, बो दु:खित हुइके गइ भओ, काहेकी बोके ठिन बहुत धनसम्पति रहए।

मर्कूस 10:22

जब बो आदमी येशूके जा बात कहात सुनी, तओ बो दुखी हुइके गइ भओ, काहेकी बक सँग बहुत धनसम्पति रहए।

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

लूका 18:22

जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

लूका 18:24

तओ येशू बक देखके कही, “धनसम्पति होन बारेके परमेश्वरको राज्य भितर प्रबेश करन बेढम अग्ठो हए,

लूका 19:8

जखायस प्रभु येशूके अग्गु ठाणके कही, “हे प्रभु, देख, मए अपन आधो सम्पति गरीबनके दइदेहओं, और अगर मए कोइसे अन्याय करके लओहुइँहओं, तओ मए बिनके चार गुणा लौटार देहओं।”

लूका 21:34

येशू कही, “जहेमारे होसियार रहियओ, अइसे तुमर मनको लापरबाही, दरोहपान और जीबनको चिन्तासे तुमर मन सुस्त नाए होबए, और बो दिन तुमर उपर इक्बरी फन्दा जैसो नाए आए।

लूका 8:14

काँटोको बीचमे पणन बारे बेही हएं, जौन बचन सुनत हएं, पर पिच्छु जा जीबनको चिन्ता, धन, सुखमे पणके बढनाए पातहएं, और बे फरा नाए फरए पातहएं।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

1 यूहन्ना 2:15

संसार और संसारके चीजके प्रेम मत् करओ। कोइ संसारके चीजसे प्रेम करैगो कहेसे बो, दौवा परमेश्वरके प्रेम नाए करत हए।