लूका 12:42 - राना थारु नयाँ नियम

⁴² प्रभु कही, “बो बिश्वासी और बुध्दिमानी भण्डारे कौन हए, जौन बक मालिक अपन परिवारके ठिक समयमे उनको भागमे पणन बारो भोजन देन ताहीं खटाबैगो?

परमेस्वर को सच्चो वचन

⁴² प्रभु जबाब दई, “बौ बफादार, अकलदार और भरोसेमंद प्रबंधक कौन है? जोकै बाको मालिक, घर चलान के ताहीं और सेवक के झुंड मैं से एक कै सई समय मैं खानु देन ताहीं सरदार बनाबै।

लूका 12:42 Iomraidhean Croise

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

मत्ती 20:8

संझाके अंगुरको बारीको जमिनदार अपने मुन्सीसे कही, “मजदुरनके बुलाएके सबसे पिच्छु काम करन आन बारेनसे लैके सुरुसे काम करन आन बारेनके सबके उनको देहाणी देओ।”

लूका 12:43

बो कमैया धन्यको हए, जो बक मालिक आत पेती उइसी करत पाबैगो।

लूका 7:13

बोके देखके प्रभुको ह्रदय दयासे भरीगओ और कही, “तुम मत् रोबओ।”

लूका 7:19

यूहन्ना अपन चेलन मैसे दुई जनैके, प्रभु ठिन जा पुछन पठाइ, “का तुम बहे ख्रीष्ट हओ, जोके पठानके बचा परमेश्वर करी रहए? कि हम कोइ औके आसरा करएं?”

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

1 तिमोथी 3:15

कि अगर मए आनमे देर करदेमओं कहेसे, हम जौन जिन्दा परमेश्वरके मण्डली हएं, हमके परमेश्वरको परिवारको सदस्यके रुपमे अपन जीबन कैसे जीइन पणत हए कहिके तए जानजैए। जैसे घरको जग और खम्मा घरके सहारा देत हए और बोके मजबुत बनाए रखात हए, उइसीयए मण्डलीके बिश्वासी सच्चो शिक्षाके सहारा देत हएं और मजबुत बनाए रहात हएं।

1 तिमोथी 5:17

कोइ फिर मण्डलीके अगुवनके ठिक सम्मान देन पणत हए, जौन अपन कामके अच्छेसे करत हएं। और खास करके उनके, जो परमेश्वरको सन्देशके सिखानके ताहीं और परचार करनके ताहीं कर्रो मेहेनत करत हएं।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

हिब्रू 13:7

अपन अगुवाको याद करओ, जौन परमेश्वरको बचन तुमके सुनाइ हए। बिचार करओ, कि बे कैसे जीबन बिताइं और मरे, तुम फिर उन्हीनकता परमेश्वर प्रतिको बिश्वास दिखाओ।

हिब्रू 3:5

मोशा परमेश्वरको घरको सब आदमीनसे बिश्वासयोग्य भओ। और पिच्छु, मोशाको करोभओ काम भबिष्यमे परमेश्वरके बोलन सच्चो बातको सच्चो उदाहरण रहए।

1 पतरस 4:10

हर आदमी परमेश्वरसे बरदान पाइहए और बे बो बरदान औरेनके मदत करन प्रयोग करन पणत हए। बे अपनो बरदानके परमेश्वरके दास कता अच्छेसे प्रयोग करन पणत हए।