लूका 1:35 - राना थारु नयाँ नियम

³⁵ स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

परमेस्वर को सच्चो वचन

³⁵ स्वर्गदूत बाकै जबाब दई, “पवित्र आत्मा तेरे ऊपर उतरैगी, और परमप्रधान परमेस्वर की सामर्थ्य तेरे ऊपर आबैगी; जौ बजह से पवित्र बालका कै परमेस्वर को लौड़ा कहो जागो।

लूका 1:35 Iomraidhean Croise

मत्ती 1:18

येशू ख्रीष्टको जनम होनसे पहिले जा प्रकारसे भओ: बाकी अइया, मरियमकी मंगनी योसेफके सँग भइ रहए। बिनको बेहा होनसे अग्गु मरियम पबित्र आत्माकी शक्तिसे गरबबती भइ रहए।

मत्ती 1:20

तओ योसेफ, अइसो बातको बिचार करत पेती, स्वर्गदूत सपनामे दिखानो और कही, “योसेफ, राजा दाऊदको पिढी, मरियमके अपनी बैयर बनानके मत् डराए, काहेकी जो बोके गरबमे हए, बो पबित्र आत्मा कि शक्तिसे हए।

मत्ती 14:33

नैयाँमे होन बारे बाके आराधना करीं, और कहीं, “नेहात्तओ तुम परमेश्वरको लौंणा हओ।”

मत्ती 27:54

जब कप्तान और जो बोके सँग चौकीदारी करत रहए, तओ भुकम्प और जो कुछ भओ रहए, बो देखके बहुत डराइगए, और कहीं, “नेहात्तओ जा परमेश्वरको लौंणा रहए।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

मर्कूस 1:1

परमेश्वरको लौंणा, येशू ख्रीष्टके बारेमे अच्छो समाचार जा प्रकारसे सुरु होतहए:

मर्कूस 1:24

बो अइसे कहात चिल्लान लागो, “हे नासरत गाउँको येशू, तुम हमके काहे परेसान करत हओ? का तुम हमके सत्यानाश करन आए हओ। मए तुमके चिनत हओं, तुम परमेश्वरको पबित्र सेवक हओ, जो परमेश्वरके घेनसे हओ।”

लूका 1:27

बो, एक कन्या-लौंणीयाके ठिन गओ जौनको मंगनी राजा दाऊदके घरानाको योसेफ कहान बारो एक आदमीसे भओ रहए। बो कन्याको नाउँ मरियम रहए।

लूका 1:34

मरियम स्वर्गदूतसे कही, “जा कइसे होबैगो, मए हबए एक कन्या हओं।”

लूका 1:36

सुन, तिर नातेदार एलीशिबा फिर, बुढेम गरब रहए, और जो बाँझी कहीगइ रहए, हबए बक पेटमे छय महिनाको बच्चा हए।

यूहन्ना 1:34

और मए देखो हओं, और मए तुमसे फिर सच्चो कहात हओं, कि बहे परमेश्वरको लौंणा हए।”

यूहन्ना 1:49

नथानेल येशूसे कही, “गुरुजी, तुम परमेश्वरको लौंणा हओ; तुम इस्राएल देशके राजा हओ।”

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।