यूहन्ना 8:38 - राना थारु नयाँ नियम

³⁸ मए बे बातके बारेमे बताए रहो हओं, जौनन्के मए देखो, जब मए अपन दौवाके सँग रहओं। और तुम बहे करत हओ जो तुम अपनो दौवासे सुनत हओ।”

परमेस्वर को सच्चो वचन

³⁸ मैं बहे कहथौं, जो अपने दऊवा के हिंयाँ पर देखो हौं; और तुम बहे करत रहथौ जो तुम अपने दऊवा से सुने हौ।”

यूहन्ना 8:38 Iomraidhean Croise

मत्ती 3:7

तओ फरिसीनको समुह और सदुकीनको समुह मैसे बहुत जनै बप्तिस्मा लेन आत देखके बिनसे बो कही, “तुम आदमी जहेरिले साँप कता दुष्ट हओ, आन बारो दण्डसे भाजन कौन तुमके चेतावनी दइ?

यूहन्ना 14:10

का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए।

यूहन्ना 14:24

जो मोके प्रेम नाए करत हए, बो मिर बचनके आज्ञापालन नाए करत हए और जो बचन तुम सुनत हओ बे मए अपनएसे नाए कहो हओं पर मोके पठान बारो दौवासे आओ हए।”

यूहन्ना 17:8

जहेमारे जो सन्देश तुम मोके पुगाए हओ, मए उनके ठिन पुगाएदओ हओं। और आदमी तुमर सन्देशमे बिश्वास करीं और जानीगए हएं, कि मए तुमर घेनसे आओ हओं, और जा बिश्वास करी हएं, कि तुमही मोके पठाए हओ।

यूहन्ना 3:32

जो कुछ बे देखीं, और सुनिहएं, बहेको गवाही बे देत हएं, तहुँफिर बहुत कम आदमी बाको गवाही ग्रहण करीं।

यूहन्ना 5:19

जहेमारे येशू बिनसे कही, “मए तुमसे नेहात्तओ कहात हओं, मए लौंणा अपनए कुछु नाए करपात हओं, काहेकी दौवा जो करत हए, लौंणा फिर बहे करत हए।

यूहन्ना 5:30

“मए अपनए कुछु नाए करपात हओं। दौवा परमेश्वर जैसी मोसे कहात हए, बहे अनुसार मए आदमीनको न्याय करत हओं। और मए करन बारो न्याय ठिक हए; काहेकी मए अपने इच्छासे नाए, पर मोके पठान बारोकी इच्छा चाँहत हओं।”

यूहन्ना 8:26

तुमर बारेमे मोके बहुत कुछ कहान और तुमर न्याय करनके ताहीं बहुत कुछ कहानके हए, पर मोके पठान बारो सत्य हए। बासे सुनो भओ बात इकल्लो मए संसारके आदमीनके सुनात हओं।”

यूहन्ना 8:41

तुमर बानी तुमर दौवा कता हए।” जा बातमे बे बाको बिरोध करन लागे, “हम व्यभिचारीसे नाए जन्मे हएं! हमर सिरफ एकए दौवा हए और बा परमेश्वर हए।”

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।