यूहन्ना 5:25 - राना थारु नयाँ नियम

²⁵ नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

परमेस्वर को सच्चो वचन

²⁵ मैं तुमसे सच-सच कहथौं बौ समय आए गौ है, और अभै है, जहे बजह से मरे भै परमेस्वर के लौड़ा की अबाज सुनंगे, और जो सुनंगे बे जिंदे होमंगे।

यूहन्ना 5:25 Iomraidhean Croise

लूका 15:24

काहेकी जा मिर लौंणा मरो कता रहए, पर फिर जिन्दा भओ हए, हरानो रहए अब मिलिगओ हए।’ तओ बे आनन्द मनानलागे।”

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

लूका 9:60

येशू बोसे कहीं, “जौन आदमी मरो आदमी कता हए, उनके अपन आदमीके मरनको आसरा देखनदेओ। पर तुम जाएके परमेश्वरको राज्यको अच्छो समाचार परचार करओ।”

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

यूहन्ना 17:1

येशू अपने चलनसे जा बात कहेडारी तओ बा स्वर्ग उपर देखके कही, “हे दौवा, बो समय आइगओ हए, अपन लौंणासे महिमा प्रकट करदेओ ताकी लौंणा फिर तेरी महिमा करए।

यूहन्ना 4:21

येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे।

यूहन्ना 4:23

पर बो बेरा आएरहो हए, बो बेरा हबैयए हए, जब सच्चा आराधक, दौवा परमेश्वरके आत्मा और सत्यतामे आराधना करंगे। काहेकी दौवा अपने अइसियए आराधकके ढुणत हए।

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

यूहन्ना 5:28

“जामे अचम्मो मत् मानओ; काहेकी बेरा आइगओ हए, जब बे सब आदमी शरीरमे मरिगए हएं बे मिर अबाज सुनंगे।

यूहन्ना 6:60

जा सुनके येशूके चेला मैसे बहुत कहीं, “जा शिक्षा त बहुत अग्ठो हए, कौन जा शिक्षा सुनपएहए?”

यूहन्ना 8:43

जो मए कहात हओं बो बात तुम काहे नाए बुझत हओ? काहेकी जो मए बोलत हओं, बोके तुम स्वीकार करन नाए चाँहत हओ।

यूहन्ना 8:47

जौन कोइ परमेश्वर सँग सम्बन्धमे रहात हए, बो परमेश्वरको बात सुन्तहए; और तुम जाकेमारे नाए सुन्त हओ कि तुम परमेश्वर सँग सम्बन्धमे नाए हओ।”

यूहन्ना 9:27

बो बिनके जबाफ दइके कही, “मए तुमसे अग्गुए कहिडारो, पर तुम नाए सुने। फिर अब बहे बात काहे सुननके चाँहत हओ? का तुमके फिर बाको चेला होनके बिचार हए?”

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

इफिसियों 2:1

पहिले जब तुम ख्रीष्टमे बिश्वास नाए करे रहओ, बो समयमे तुम मरे आदमीन कता रहओ। तुमर ठिन बो जीबन नाए रहए, जौन जीबन परमेश्वरके घेनसे मिलत हए। काहेकी तुम पाप करे और परमेश्वरके आज्ञाके पालन नाए करे।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

इफिसियों 5:14

जहेमारे अइसो एक कहाइ हए, “हे सुनन बारे जगओ और मरेभएन् मैसे जीइउठओ; तओ ख्रीष्ट तुमके ज्योती देबैगो।”

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

प्रकाश 3:1

येशू मोसे अइसेफिर कही, “सार्डिस सहरके मण्डलीके स्वर्गदूतके जा सन्देश लिख: मए बहे हओं जौन अपनो हातमे सात तारा पक्णे हओं और जौन परमेश्वरको सात आत्माके बाहिर पठातहए। बा अइसे कहान डटो हए: मोके पता हए, कि तए कैसो कडा मेहेनत करत हए। तए मोके बिश्वास करो कता करत हए पर खासमे तए नेहात्तओक तए मिर अनुसरण नाए करत हए।