यूहन्ना 5:15 - राना थारु नयाँ नियम

¹⁵ बोके अच्छो करन बारो त येशू हए, करके बो आदमी जाएके यहूदी समुहके अगुवासे अइसे कहीदइ, “जौन मोके रोगसे अच्छो करीहए, बा येशू हए।”

परमेस्वर को सच्चो वचन

¹⁵ बौ आदमी जाएकै यहूदि अधिकारिन से कह दई कि जो मोकै अच्छो करी है, बौ ईसु है।

यूहन्ना 5:15 Iomraidhean Croise

मर्कूस 1:45

तओ पिच्छु बो कोढ लागो आदमी चलोगओ, और बो बहुत आदमीनके बताइ, कि येशू बोके अच्छो करीहए। तभीमारे, येशू सहरमे खुल्ला रुपमे आदमीनके बीचमे नाए जाएपाइ। नगरसे बाहिर, बा अइसो ठाउँमे रहए जहाँ एकौ मनै नाए रहएं। तहुँफिर बहुत ठाउँसे आदमी बाके ठिन आतए रहे।

यूहन्ना 1:19

बप्तिस्मा देन बारो यूहन्नाको गवाही जहेहए, जब यहूदी अगुवाको नेता यरूशलेम सहर मैसे यहूदी पुजारी और लेबीनके बप्तिस्मा देन बारो यूहन्ना ठिन जा पुछनके पठाइ कि “तुम कौन हओ?”

यूहन्ना 4:29

“आओ, एक आदमीके देखओ, जौन मए करोभओ सब कामके बारेमे मोके बताए दइ। कहुँ बहेता ख्रीष्ट नाएहए?”

यूहन्ना 5:10

जौन दिन बो रोगसे अच्छो भओ रहए, बो पबित्र दिन रहए। जहेमारे यहूदी समुहके अगुवा रोगसे अच्छो भओ मनैसे कहान लागे, “मोशाको नियम कानुन अनुसार आज पबित्र दिन हए, तोके गुन्द्री बोकनके उचित नाएहए।”

यूहन्ना 5:12

बे रोगसे अच्छो भओ आदमीसे पुछीं, “कौन हए बा आदमी जौन तोसे कही, ‘अपन गुन्द्री उठाएके नेँग?’”

यूहन्ना 5:16

जहेमारे बो दिनसे यहूदी समुहके अगुवा येशूके सतान लागे, काहेकी येशू बो कामके पबित्र दिनमे करी रहए।

यूहन्ना 5:18

तभीमारे जब येशू जा बात कही तओ यहूदी समुहके अगुवा औ जद्धा येशूके मारनके बिचार करन लागे, काहेकी बा पबित्र दिनको नियमके तोणी रहए, और परमेश्वरके मेरो दौवा कहिके अपनएके परमेश्वरके बराबर मानत रहए।

यूहन्ना 9:15

फरिसीनको समुह बोसे पुछीं, “तए कैसे देखन बारो भओ।” बो उनसे कही, “येशू मिर आँखीमे मट्टी गमजके लगाए दइ, फिर मए मिर आँखीमे लागो भओ मट्टी धोओ और देखन बारो हुइगओ।”

यूहन्ना 9:25

बो जबाफ दइके कही, “बा पापी हए या नाए हए, मए नाए जानत हओं! पर एकए बात मए जनत हओं, कि मए अन्धरा रहओं, पर अब देखन बारो हुइगओ हओं।”

यूहन्ना 9:30

तओ बो आदमी जबाफ दइके कही, “जा कैसो अचम्मोकी बात! बा मिर आँखीके चंगाइ करदइ। बा कहाँको आदमी हए, तुमके पता नाए हए?

यूहन्ना 9:34

बे बोको जबाफ दइके कहीं, “तए पापमे जनमो और पापमे बढो भओ आदमी हमके सिखान चाँहत हए?” तओ यहूदी समुहके अगुवा बो आदमीके यहूदी सभाघरसे बाहेर निकार दइं।