यूहन्ना 4:48 - राना थारु नयाँ नियम

⁴⁸ येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।”

परमेस्वर को सच्चो वचन

⁴⁸ ईसु बासे कही, “जबले तुम चिन्ह और अचम्मे काम ना देखैगे तौले तुम कतई बिस्वास ना करैगे।”

यूहन्ना 4:48 Iomraidhean Croise

मत्ती 16:1

फरिसीनको समुह और सदुकीनको समुह आए, और बाको जाँच करन स्वर्ग मैसे एक शक्तिशाली चमत्कार दिखाएदे करके बासे माँग करीं।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 27:42

“जा औरेनके त बचाइ, पर अपनएके नाए बचाए पाइ। जा इस्राएल देशको राजा हए कहेसे हबए क्रूससे तरे उतरके अबए, तओ हम बिश्वास करंगे।

मर्कूस 13:22

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

लूका 16:31

तओ अब्राहाम बोसे कही, ‘अगर मोशाको नियम कानुन और अगमबक्तनको आज्ञा नाए मनेहए तओ, अगर मरे भए मैसे कोइ फिर जिन्दा हुइके जाएसे फिर, बे बिश्वास नाए करंगे।’”

यूहन्ना 12:37

येशू आदमीनके अग्गु इतनो शक्तिशाली चमत्कार करके दिखाइ, तहुँफिर आदमी बाके उपर बिश्वास नाए करीं।

यूहन्ना 15:24

अगर कोइ नाए करपान बारो चमत्कार काम, मए बिनके बीचमे नाए करतो कहेसे बे पापके दोषी नाए हुइते। पर मिर करोभओ अचम्मोको काम देखेके फिर बे मोके और मिर दौवाके समेत हेल्हा करत हए।

यूहन्ना 2:18

तओ यहूदीनको समुह येशूसे कहीं, “जा काममे अपन अधिकार साबित करनके ताहीं तुम हमके का शक्तिशाली चमत्कार दिखाबैगे?”

यूहन्ना 20:29

तओ येशू बोसे कही, “तए त मोके देखके बिश्वास करो हए। पर धन्य हएं बे, जौन मोके नाए देखके फिर बिश्वास करीं।”

यूहन्ना 4:49

राजाके करमचारी येशूसे कही, “हे प्रभु, मिर लौंणा मरनेसे अग्गु तुम आएदेबओ।”

प्रेरित 14:3

तहुँफिर पावल और बारनाबास बो सहरमे बहुत दिनतक बैठे। और प्रभुके भरोसामे सहासके साथ बात करत रहएं: और बा उनके हातसे करेभए चिन्हा और चमत्कारको काम कर्बाएके बे साबित करीं, कि जा अनुग्रहके बारेमे उनको सन्देश सच्चो रहए।

प्रेरित 15:12

तओ सारा सभा चुपचाप हुइके बारनाबास और पावलको बातके सुनीं, कि परमेश्वर उनके द्वारा गैर-यहूदीनमे कैसे-कैसे चिन्हा, और चमत्कारको काम दिखाइ।

प्रेरित 2:19

और बादर उपर मए अचम्मोको काम और पृथ्वी तरे खुन, आगी, और धुवाँको बद्रिमे अचम्मोको चिन्हा दिखामंगो।

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

प्रेरित 2:43

यरूशलेम सहरमे सबए आदमी अचम्मो मानके डर अनुभब करीं और चुनेभए चेलनसे बहुत अचम्मोके काम और चिन्हा भए।

प्रेरित 4:30

और अच्छो करनके ताहीं अपनो हात बढाओ ताकी चमत्कारी चिन्हा और चमत्कारको काम तुमर पबित्र सेवक येशूके द्वारा करे जाएं।”

प्रेरित 5:12

अब चुनेभए चेलनके द्वारा बहुत चिन्हा और चमत्कारको काम जन्तनके बीचमे दिखाए जात रहएं, और ख्रीष्टमे बिश्वास करन बारे सबए एक मनके हुइके सोलोमनके बरन्डामे जमा होत रहएं।

प्रेरित 6:8

स्तिफनस अनुग्रह और शक्तिसे भरके आदमीनके बीचमे बणे-बणे चमत्कारको काम और चिन्हा दिखाओ करत रहए।

प्रेरित 7:36

जहे आदमी मिश्रदेशमे, लाल समुन्दरमे और चालिस वर्षभर जंगली इलाकामे चमत्कारको काम और चिन्हा करत बिनके बाहिर लाइ।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

1 कोरिन्थी 1:22

जा यहूदीनके ताहीं मुरख जैसो लगत हए काहेकी बे स्वर्गसे एक शक्तिशाली काम चाँहत हएं जौन जा साबित करनके ताहीं, कि जा सत्य हए और ग्रीक भाषा मस्कन बारे आदमी फिर जौन मानबिय ज्ञानके ढुणत हएं।

2 कोरिन्थी 12:12

नेहात्तओ सच्चे येशूसे चुनेभए चेलाके लक्षण पुरा धैर्यसे, चिन्हा चमत्कार और शक्तिशाली काम द्वारा तुमर बीचमे प्रकट करेगए रहएं।

2 थेसलोनिकी 2:9

दुष्ट आदमी शैतानको शक्तिके सँग आत हए बो सब मेलके झुठे चमत्कारको चिन्हा और अदभुत काम करैगो जोसे आदमी जा सोँचत लगंगे, कि जा परमेश्वर कररहो हए।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।