यूहन्ना 4:14 - राना थारु नयाँ नियम

¹⁴ पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

परमेस्वर को सच्चो वचन

¹⁴ लेकिन जो कोई बौ पानी मैं से पीबैगो जोमैं बाकै दुंगो, बौ फिर कहु ना प्यासो होबैगो; और जो पानी मैं बाकै दुंगो, बौ बामै एक सोता बन जाबैगो, जो अनंत जिंदगी ले उमड़त रहगो।”

यूहन्ना 4:14 Iomraidhean Croise

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

मत्ती 5:6

धन्य हएं बे आदमी, जौन धार्मिकताको जीबन जीइनके ताहीं भुँखे हएं, काहेकी परमेश्वर उनको इच्छा पुरा करैगो।

यूहन्ना 10:10

“चोर त भेंणाके चुरान, मारन और नाश करनके ताहीं आत हए। पर मए त जाकेमारे आओ हओं, कि बे पुरा रुपसे जीबन पामएं।

यूहन्ना 11:26

और जो कोइ मोएमे जीइत हए और मोएमे बिश्वास करत हए बो कभीनाए मरैगो। का तए जा बातमे बिश्वास करत हए?”

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

यूहन्ना 4:11

बो बैयर येशूसे कही, “हजुर, तुमरसँग पानी भरन बारो बर्तन कुछु फिर नाएहए, और कुँइयाँ फिर बहुत गहिरी हए। तओ तुमर ठिन बो पानी कहाँसे अएहए जौन पानी जीबन देत हए?

यूहन्ना 4:13

येशू बोके जबाफ दइ, “जौन कोइ जा पानी पिइहए, बोके फिरके प्यास लगजए हए,

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

यूहन्ना 6:35

येशू बिनसे कही, “मए बो रोटी हओं जो कभी फिर अन्त नाए होन बारो जीबन देत हए, मेरे जौँणे आन बारे भुँखे नाए रएहएं, और मिर उपर बिश्वास करन बारे कभु प्यासे नाए हुइहएं।

यूहन्ना 6:58

स्वर्गसे आन बारो रोटी जहेहए। जा तुमर पुर्खा खाइभइ रोटी जैसो नाए हए। बे रोटी खाइं तहुँफिर मरिगए। पर मए दओ भओ रोटी खान बारे आदमी सदादिन जिइबैगो।”

यूहन्ना 7:37

अब तेवहारको अन्तिम दिन और तेवहारको मुख्य दिनमे, येशू ठाणके सबए सुनपामएं करके चिल्लाएके कही, “अगर कोइ प्यासो हए तओ बा मिर ठिन अबए और पिबए।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

2 कोरिन्थी 1:22

और बा हमर उपर अपन छाप लगाइ हए, और हमर ह्रदयमे बैनाके रुपमे पबित्र आत्मा दइ हए।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

प्रकाश 7:16

बे अबसे कभु भुँखे और प्यासे नाए होमंगे; और अब बे सूर्यसे या कोइ फिर गरमाहटसे जलाए नाए जामंगे।

प्रकाश 7:17

काहेकी थुमा, जो सिंहासनके बीचमे हए, उनकी रेखदेख करैगो। उइसीयए, जैसे एक बकरेहेरा अपने भेंणाके रेखदेख करत हए। और बा उन्हएं ताजा पानी पिनके ताहीं लैजाबैगो जो आदमीनके जीबन देतहए। और परमेश्वर उनकी आँखीसे सब आँसु पोँछ डारैगो।”