यूहन्ना 14:20 - राना थारु नयाँ नियम

²⁰ जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं।

परमेस्वर को सच्चो वचन

²⁰ बौ दिन तुम जानैगे कि मैं अपने दऊवा मैं हौं, और तुम मेरे मैं, और मैं तुम मैं।

यूहन्ना 14:20 Iomraidhean Croise

यूहन्ना 10:38

पर अगर बे काम मिर दौवासे हएं कहेसे, मोके बिश्वास नाए करेसे फिर कमसेकम मिर काम देखके त बिश्वास करओ। तओ तुम जानैगे, कि दौवा मोएमे हए और मए दौवामे हओं।”

यूहन्ना 14:10

का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए।

यूहन्ना 14:11

मोके बिश्वास करओ, कि मए दौवामे हओं, और दौवा मोएमे। नत, जो शक्तिशाली चमत्कार मए करो हओं बहीं काम देखके बिश्वास करओ।

यूहन्ना 16:23

जौन समय तुम मोके दुबारा देखैगे तओ तुम मोसे कुछ नाए पुँछैगे, नेहात्तओ मए तुमसे कहात हओं अगर दौवासे कुछ माँगैगे तओ बा मेरे नाउँमे तुमके देबैगो।

यूहन्ना 16:26

बो समय तुम मेरे नाउँसे प्राथनामे जो कुछ फिर माँगैगे, और मोके अपन दौवासे कहानकी जरुरी नाए होबैगो, कि दौवा बहे करैगो, जो तुम मागत हओ।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 17:7

अब बे जानीगए हएं, कि जो कुछु फिर तुम मोके दएहओ, सब तुमरी घेनसे हएं।

यूहन्ना 6:56

मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।

रोमियों 16:7

भइया एन्ड्रोनिकस और बहिनीया युनियस जो मेरे यहूदी सँगी हएं, और मेरे सँग कैदी रहएं और ख्रीष्टसे चुनेभए चेला द्वारा बे बहुत सम्मानित हएं, और मए बिश्वासी बननसे पहिले बे बिश्वासी बने गए रहएं, उनके मिर नमस्कार हए।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

2 कोरिन्थी 12:2

ख्रीष्टमे मए एक जनै आदमीके चिन्हत हओं, जो चौधा बर्ष अग्गु स्वर्गतक उठाओ लैगओ। जा घटना घटत पेती बो अभौफिर शरीरमे रहए कि नाए रहए कहिके सो मए नाए जानत हओं, पर परमेश्वर पक्का करके जानत हए।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

2 कोरिन्थी 5:19

अर्थात् ख्रीष्टको करोभओ सब काम द्वारा परमेश्वर संसारको सबए आदमीनके मेलमिलापमे लानके ताहीं एक डगर बनान डटो रहए और आदमीनको पापको लेखा नाए लैके मेलमिलाप करनके बारेमे बाको सन्देशके परचार करनके ताहीं हमके सौँपदइ हए।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

कलस्सी 1:19

काहेकी दौवा परमेश्वरको खुसी जहेमे हए, कि परमेश्वरको पुरो सृष्टि ख्रीष्टमे बास करए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 2:9

काहेकी जब ख्रीष्ट आदमी बनो, तओ बा पुरो रुपसे परमेश्वर रहए। तभीमारे तुम जे आदमीनसे अपनएके धोखा मतदेओ,

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।