यूहन्ना 10:14 - राना थारु नयाँ नियम

^14-15 “मए बो बकरेहेरा हओं, जैसी दौवा मोके चिन्त हए और मए दौवाके चिन्त हओं। उइसीयए जौन अपन भेंणनके चिन्त हए और मिर अपने भेंणा मोके चिन्त हएं। मए अपने भेंणाके ताहीं मरनके तयार हओं।”

परमेस्वर को सच्चो वचन

¹⁴ अच्छो बरदिया मैं हौं; मैं अपनी भेंड़न कै जानथौं, और मेरी भेंड़ौं मोकै जानथैं।

यूहन्ना 10:14 Iomraidhean Croise

यूहन्ना 10:11

मए बो बकरेहेरा हओं, जौन अपन भेंणनके बचानके ताहीं ज्यान देनके फिर तयार होत हए।

यूहन्ना 10:13

बो केबल कमैया हए। बोके भेंणनको वास्ता नाए होत हए, तभीमारे बो भागत हए।”

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 17:8

जहेमारे जो सन्देश तुम मोके पुगाए हओ, मए उनके ठिन पुगाएदओ हओं। और आदमी तुमर सन्देशमे बिश्वास करीं और जानीगए हएं, कि मए तुमर घेनसे आओ हओं, और जा बिश्वास करी हएं, कि तुमही मोके पठाए हओ।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

इफिसियों 1:17

मए प्राथना करत हओं कि परमेश्वर, हमर प्रभु येशू ख्रीष्टको महिमामय दौवा, तुमके आत्मिक ज्ञान और समझ देबैगो और बोके औ जद्धा रुपसे चिन्हन्मे मदत करैगो, कि परमेश्वरके चिन्हन्को का अर्थ हए।

इफिसियों 3:19

तुम जान सकत हओ, कि ख्रीष्ट हमके कित्नो प्रेम करत हए ताकी परमेश्वर तुमके अपनो स्वभाबसे भर पाबए।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 2:19

मए पता हए, कि तए कैसे कडा मेहेनत करत हए, तए एकदुस्रेनके प्रेम करत हए और तिर बिश्वास मोएमे मजबुत हए। और मोके पता हए, कि तए एकदुस्रेनके कैसे मदत करत हए, तोएमे सहानको क्षमता हए। मोके पता हए, कि तए पहिले मोएमे बिश्वास करो समयसे अभए जे अच्छे काम करनडटो हए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।

प्रकाश 3:1

येशू मोसे अइसेफिर कही, “सार्डिस सहरके मण्डलीके स्वर्गदूतके जा सन्देश लिख: मए बहे हओं जौन अपनो हातमे सात तारा पक्णे हओं और जौन परमेश्वरको सात आत्माके बाहिर पठातहए। बा अइसे कहान डटो हए: मोके पता हए, कि तए कैसो कडा मेहेनत करत हए। तए मोके बिश्वास करो कता करत हए पर खासमे तए नेहात्तओक तए मिर अनुसरण नाए करत हए।

प्रकाश 3:15

मोके पता हए तए कैसो कडा मेहेनत करत हए, तए बहे पानी कता हए जो नए तत्तो नए ठन्डो हए। मए चाँहत हओं, कि अगर तए मेरे पिच्छु नेँगैगो कहेसे, नेहात्तओक नेँग, अगर नाए निँगेहए कहेसे पिच्छु मतलग।

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।