यूहन्ना 1:44 - राना थारु नयाँ नियम

⁴⁴ अन्द्रियास और पत्रुस बेथसेदा सहरमे बैठन बारे आदमी रहएं और फिलिप फिर बहे सहरको रहए।

परमेस्वर को सच्चो वचन

⁴⁴ फिलिप्पुस, अन्द्रियास और पतरस बैतसैदा सहर के रहन बारे रहैं।

यूहन्ना 1:44 Iomraidhean Croise

मत्ती 10:3

फिलिप और बारथोलोमाइ, थोमा और कर उठान बारो मत्ती, अल्फयसको लौंणा याकूब और थेदियस,

मत्ती 11:21

“परमेश्वर तुमके दण्ड देहए बे आदमी, जो खोराजीन सहरमे रहात हँए! परमेश्वर तुमके दण्ड देहए बे आदमी, जो बेथसेदा सहरमे रहात हएं। काहेकी तुमरमे करोभओ शक्तिशाली चमत्कारको काम तुम टुरोस और सिदोन सहरमे करेभए होते, तओ बे बोराको लत्ता लगाएके अपनमे भुवा घिसलित्ते, जा दिखानके ताहीं, कि बे अपन मन बदलके पाप करन बन्द करदइ हएं।

मर्कूस 3:18

अन्द्रियास, फिलिप, बारथोलोमाइ, मत्ती, थोमा, अल्फयसको लौंणा याकूब, और थेदियस, सिमोन कनानी

मर्कूस 6:45

तुरुन्त, येशू अपने चेलनसे कही कि बे अपनी नैयाँमे चढजामएं और बासे पहिले बेथसेदा गाउँ घेन चलेजामएं, जबतककी बा पिच्छु रुकके भिडमे भए आदमीनके बिदा करत हए।

मर्कूस 8:22

तओ येशू और बाके चेला बेथसेदा गाउँमे आए, और आदमी एक अन्धराके बक ठिन लाइं, और बक छुइदे करके बिन्ती करीं।

लूका 10:13

“ए खोराजीन सहरमे बैठन बारे आदमी! परमेश्वर तुमके दण्ड देहए। ए बेथसेदा सहरमे बैठान बारे आदमी! परमेश्वर तुमके फिर दण्ड देहए। काहेकी तुमरमे करोभओ शक्तिशाली चमत्कारको काम टुरोस और सिदोन सहरमे करे हुइते कहेसे, बे तभीयए, बोराको लत्ता लागएके अपनमे भुवा घिसलित्ते। जा दिखानके ताहीं, कि बे पाप करन छोडके परमेश्वर घेन घुमीगए हएं।

लूका 6:14

सिमोन, जौनके बा पत्रुस नाउँ दइ, और बोको भइया अन्द्रियास, याकूब और यूहन्ना, फिलिप और बारथोलोमाइ।

लूका 9:10

जब बे चुनेभए चेला, जौननके येशू पठाइ रहए, बे लौटके आए, और बे जो-जो करी रहएं और सिखाइ रहएं सब येशूके बताए दइं। तओ येशू बिनके सँगए लैके बेथसेदा कहान बारो बजारमे अलग लैके गओ।

यूहन्ना 1:43

दुस्रो दिन फिर येशू गालील परदेशमे जानके पक्का करी। और फिलिपसे भेँटके येशू कही, “मिर चेला बननके ताहीं मिर पिच्छु लाग।”

यूहन्ना 1:45

फिलिप नथानेलके भेँटके कही, “हमके बा आदमी भेँट हुइगओ हए, जौनके बारेमे मोशाको नियम कानुन और परमेश्वरके अगमबक्ता फिर लिखी रहएं, कि बा नासरत गाउँको योसेफको लौंणा येशू हए।”

यूहन्ना 1:46

नथानेल बोसे कही, “का कोइ अच्छी बात नासरत गाउँसे फिर आएसकत हए?” फिलिप बोसे कही, “आएके देखओ।”

यूहन्ना 1:48

नथानेल बासे पुछी, “तुम मोके कैसे चिनलए?” येशू बक जबाफ दइके कही, “फिलिप तोके बुलानेसे अग्गु, अञ्‍जीरको रुखा तरे मए तोके देखो रहओं।”

यूहन्ना 12:21

बे गालील परदेशके बेथसेदा गाउँके रहान बारे फिलिपके ठिन आएके अइसे कहिके बिन्ती करीं, “देखओ सँगी, हम येशूके भेँटन चाँहत हएं।”

यूहन्ना 12:22

फिलिप जाएके अन्द्रियाससे कही, और अन्द्रियास और फिलिप, दोनौ जाएके येशूके जा बात सुनाए दइं।

यूहन्ना 6:5

जब येशू अपन चारौ घेन देखी तओ बा एक बहुत भरी भिड अपने घेन आत देखी, तओ फिलिपसे कही, “इनके खबानके ताहीं हम कहाँसे रोटी किनएं?”

यूहन्ना 6:7

फिलिप येशूके जबाफ दइ, “हिना भए सब आदमीनके थोरी-थोरी रोटी इकल्लो देहएं कहेसे फिर हमके आठ महिनाको देहाणी (दुई सओ चाँदीको सिक्का) से फिर नाए पुगैगो।”

प्रेरित 1:13

और जब यरूशलेम सहरमे पुगे तओ बे घरको उपरको कोठामे गए। जो आदमी हुवाँ उपस्थित रहएं, बे जे रहएं; पत्रुस, यूहन्ना, याकूब, अन्द्रियास, फिलिप और थोमा, बारथोलोमाइ और मत्ती, अल्फयसको लौंणा याकूब और उग्रपन्थी दलको सिमोन कनानी और याकूबको लौंणा यहूदा रहएं।