याकूब 3:15 - राना थारु नयाँ नियम

¹⁵ जा बुद्धि परमेश्वरसे नाए आओ हए। पर जा त संसारिक स्वार्थसे भरो हए, और शैतानके घेनसे आत हए।

परमेस्वर को सच्चो वचन

¹⁵ जौ ग्यान बौ नाय, जो ऊपर से उतरथै लेकिन सांसारिक, सारीरिक, और सैतानी है।

याकूब 3:15 Iomraidhean Croise

लूका 16:8

मालिक बो अधर्मी ब्यवस्थापकको तारिफ करी, कि बो चलाकीसे काम करीहए; काहेकी अइसियए दुनियाके आदमी, अपने पिढीके आदमी सँग ब्यबहार करत ज्योतिके आदमीसे औ जद्धा चलाँक हएं।

यूहन्ना 3:17

काहेकी परमेश्वर अपन लौंणाके संसारमे जाकेमारे पठाइ, कि संसारके आदमीनके उपर दण्डको आज्ञा देनके नाए, बल्कि संसारके आदमीनके उद्धार दइपाबए।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

प्रेरित 13:10

“तए शैतानको लौंणा, सारा धार्मिकताको दुस्मन, और खराब बातसे भरोहए। का तए प्रभुको सुध डगरके टेणो करन कब्ही नाए छोडैगो?

रोमियों 1:22

बे अपनएके बुद्धिमान हुइके दाबी करेसे फिर मुरखए बनिगए।

1 कोरिन्थी 1:27

बल्कि, परमेश्वर अइसे आदमीनके चुनी, जौनके संसार मुरख सम्झत हए, ताकी बे आदमीनके सरमबाए देबए जो सोँचत हएं, कि बे ज्ञानवान हएं। और परमेश्वर अइसे आदमीनके चुनी जो निर्बल हएं, ताकी उनके सरममे पारए जो बलवान हएं।

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

1 कोरिन्थी 3:19

काहेकी बो बात जो जा संसारके आदमी समझत हएं, कि ज्ञानवान हएं। पर जा ज्ञान परमेश्वरके अग्गु मुरखता हए, जा उइसीयए हए जैसे पबित्र-शास्त्र कहात हए, “कुछ आदमी सोँचत हएं, कि बे ज्ञानवान हएं, पर परमेश्वर उनको अपनो चतुर योजनन्के इस्तमाल उनके हरानके ताहीं करत हए।”

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

फिलिप्पी 3:19

बिनको अन्त बिनाश हए, और बे शरीरको इच्छाके पुरा करनके ताहीं इकल्लो जीइत हएं। बे सरम लागन बारो काम करनके बारेमे घमण्ड करत हएं और बे हमेसा पृथ्वीके चीजके बारेमे सोँचत रहात हएं।

2 थेसलोनिकी 2:9

दुष्ट आदमी शैतानको शक्तिके सँग आत हए बो सब मेलके झुठे चमत्कारको चिन्हा और अदभुत काम करैगो जोसे आदमी जा सोँचत लगंगे, कि जा परमेश्वर कररहो हए।

1 तिमोथी 4:1

पर पबित्र आत्मा प्रष्टसे कहात हए, कि आखिरी समयमे कुछ आदमी ख्रीष्टको सन्देशमे बिश्वास नाए करंगे। बे भुतनके सन्देशमे बिश्वास करंगे जो उनके भणकात हए, और बे झुठो सन्देशमे बिश्वास करंगे जो भुतके घेनसे आत हए।

याकूब 1:17

काहेकी हरेक असल बरदान और हरेक असल दान हमर दौवा परमेश्वरके घेनसे आतहए, जौन स्वर्गमे सब बादरमे भओ ज्योतिके सृष्टि करी। परमेश्वर हमेसा एकए हानी रहात हए, और बो छाहीं हानी नाए बद्लत हए।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

यहूदा 1:19

तुमके एकजुटमे नाए होनदेन बारे आदमी जेहीँ हएं। बिनको दुष्ट शारीरिक इच्छा बिनके अधिनमे करत हए और बिनमे पबित्र आत्मा नाए हए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 2:24

पर थिआटीरा सहरमे तुम बाँकी आदमी बो झुठो शिक्षाके नाए माने हओ। तुम बे बातनके स्वीकार नाए करेहओ जौनके बे कहात हएं, “बहुत महत्त्वपूर्ण चीज जो शैतान देतहए।” मए तुमसे कहात हओं, कि मए औ कुछ महत्त्वपूर्ण आदेश तुमके नाए कहामंगो, जा बाहेक कि तुम मोएमे मजबुत हुइके बिश्वास करे रहाओ जब तक मए नाए अएहओं।

प्रकाश 9:11

एक राजा हए, जो उन्हएं नियंत्रित करत हए। बो बहे शैतानको दूत हए, जौन गहिरो कुण्डाके खोली रहए। हिब्रू भाषामे बक नाउँ एबाड्डोन हए, और ग्रीक भाषामे बक नाउँ अपोल्‍लियोन हए, जोको अर्थ हए, “जौन नाश करत हए।”