याकूब 1:26 - राना थारु नयाँ नियम

²⁶ अगर कोइ आदमी अपनएके धर्मी समझतहए, पर अपनो जिभके लगाम नाए लगात हए, कहेसे बो अपनएके धोखा देतहए, और बोको धरम-करम व्यर्थ होतहए।

परमेस्वर को सच्चो वचन

²⁶ अगर कोई अपने आपकै धर्मी समझै, और अपनी जीभ मैं लगाम नाय लगाबै, पर अपने दिल कै धोका देबै, तौ बाको धर्म बेकार है।

याकूब 1:26 Iomraidhean Croise

मत्ती 15:9

बे व्यर्थमे मिर आराधना करत हएं, और बिनको शिक्षा आदमीनको सिखाओ बिधि इकल्लो हए।”

मर्कूस 7:7

बे व्यर्थमे मोके आदर देनके ताहीं आराधना करत हएं, और बिनको शिक्षा आदमीनको सिखाइ भइ बिधि इकल्लो हए।’

लूका 8:18

बहेमारे होसियार होबओ, कि तुम कैसे सुन्त हओ। काहेकी अगर कोइके मिर शिक्षा बुझनको चहाना हए, परमेश्वर उनके औ जद्धा ज्ञान देहए। काहेकी जौनक ठिन हए, बोके औ दओ जाबैगो। पर जौन मिर शिक्षाके बुझनके जद्धा चहाना नाए करत हए, परमेश्वर बोसे, बो ज्ञान फिर दुर लैजाबैगो, जो बोके ठिन थोरीयए हए।”

1 कोरिन्थी 15:15

जासे जद्धी हम परमेश्वरके बारेमे ठगन बारे ठहिरत हएं। काहेकी परमेश्वर, ख्रीष्टके मरो मैसे जिन्दा करी कहिके हमीं साक्षी दए हएं। पर अगर मरे मैसे जिन्दा नाए हुइते कहेसे परमेश्वर बाके फिर मरे मैसे जिन्दा नाए करतो।

1 कोरिन्थी 15:2

परमेश्वर तुमके, बो अच्छो समाचारके द्वारा उद्धार दइहए। और अगर तुम बो अच्छो समाचारमे बिश्वास करतए रहे कहेसे परमेश्वर तुमके बचाबैगो। अगर तुम अइसे नाए करत हओ तओ तुम बिना कामको बिश्वास करे हओ।

1 कोरिन्थी 3:18

अगर तुम मैसे कोइ फिर जा सोँचत हए, कि बो आदमी जा संसारके आदमीनको बिचारके अनुसार समझदार हए, तओ तुमके जा संसारके आदमी उनको बिचारमे अपनएके मुरख बनानके होबैगो, ताकी तुम सचमे परमेश्वरके बिचारमे ज्ञानवान हुइ पाबओ।

गलातियों 2:6

फिर यरूशलेम सहरकी मण्डलीके अगुवा जो सन्देश मए सिखात रहओं, बोके बदलनके ताहीं मोके मजबुर नाए करीं। मोके जा बातसे कोइ फरक नाएहए, कि बे अगुवा कौन हएं।

गलातियों 2:9

और जे आदमी मण्डलीके खास अगुवा सम्झे जात रहएं, अर्थात् याकूब, पत्रुस (केफास) और यूहन्ना, बे कृपाको बो बरदानके पहिचानी जो मोके मिलो हए। बे मोके और बारनाबासके अपनो सहयोगी समझके हमके सहभागिताको दहिना हात दइं। बे जा बातके ताहीं सहमत भए, कि हम गैर-यहूदीके और खतना करेभए यहूदीनके बीचमे अच्छो समाचारके परचार करएं।

गलातियों 3:4

का तुमर सब दु:ख बेकार हुइगए? मए नेहात्तओ आसरा करत हओं, कि जा बेकार नाए होए।

गलातियों 6:3

अगर कोइ सोँचत हए, कि बो अगुवा हए, पर अगर बो सचमे अगुवा नाए हुइहए कहेसे बो अपनएके धोखा दइ रहो हए।

इफिसियों 4:29

कोइ छिया बात तुमर मुँहुँसे नाए निक्रए, बल्कि बेहीं बातके कहामएं जो आदमीनके ताहीं जरुरी हए ताकी उनके बिश्वासमे मजुबुत बनानमे मदत करए। तओ जो कुछ फिर तुम कहाबैगे बा तुमर सुनन बारेनको भलो करैगो।

इफिसियों 5:4

और कोइ फिर लाज लागन बारो बात कर्नो, व्यर्थ बातचित कर्नो और अस्लिल मजाकमे हँसनो तुमर मुँहुँमे सोभा नाए देतहए, काहेकी जा तुमर ताहीं ठिक नाए हए, पर तुमके परमेश्वरके धन्यबाद देन चाहो।

कलस्सी 4:6

उनसे हमेसा नम्र हुइके बातचित करओ, और अइसो बात करओ, कि बो तुमर बातमे ध्यान देबए। अगर तुम अइसो करे कहेसे तुमर बिश्वासके बारेमे तुमके प्रश्न करन बारेनके कैसे जबाफ देनके हए, सो तुम सिखजाबैगे।

याकूब 1:19

हे मेरे बिश्वासी ददाभइयओ, जा बात जानलेओ: हर एक आदमी सुननके ताहीं जल्दी और मस्कनमे होसियार और गुस्सानमे कम होन पणत हए।

याकूब 1:22

पर परमेश्वरके बचन पालन करन बारे होबओ, और सुनन बारे इकल्लो हुइके अपनएके धोखा मतदेओ।

याकूब 2:20

पर हे मुरख आदमीउ, का तुम जा फिर नाए जानत हओ, कि भले काम बिना बिश्वास बेकामको हए?

1 पतरस 3:10

काहेकी पबित्र शास्त्रमे लिखो हए, “अगर एक आदमी अपनो जीबनको आनन्द लेन चाँहत हए, और अच्छे दिन देखनके चाँहत हए कहेसे, बोके खराब बात करनसे होसियार होन पणैगो और बोके बे बात मस्कनके छोडन पणैगो जो सच्चे नाए हएं।