याकूब 1:2 - राना थारु नयाँ नियम

² हे मेरे बिश्वासी ददाभइयओ, जब तुममे बहुत किसिमके परीक्षा आमंगे, तओ जाके बडो खुसीको बात समझीयओ।

परमेस्वर को सच्चो वचन

² मेरे भईय्यौ, जब तुम अलग-अलग परिक्छा मैं पड़ौ तौ जाकै भौत खुसी कि बात समझौ,

याकूब 1:2 Iomraidhean Croise

प्रेरित 5:41

तओ येशूके खातिर अपमान सहानके लायक ठहिरे करके आनन्द मनात बे यहूदी सभाघर मैसे निकरके गए।

रोमियों 5:3

इतकए इकल्लो नाए हए, पर जब हम परेसानीमे होत हएं तहुँफिर आनन्दित होत हएं। काहेकी हमके पातहए, कि हम समस्यामे होत पेती, हम सहनसील होन सिखत हएं।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

फिलिप्पी 2:18

उइसी तुम फिर आनन्दित होबओ, और मेरे सँग आनन्द मनाओ।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

याकूब 1:16

हे मेरे प्यारे बिश्वासी ददाभइयओ, मुरख मतबनओ।

याकूब 1:19

हे मेरे बिश्वासी ददाभइयओ, जा बात जानलेओ: हर एक आदमी सुननके ताहीं जल्दी और मस्कनमे होसियार और गुस्सानमे कम होन पणत हए।

याकूब 5:11

देखओ, धिरज करन बारेनके हम धन्यके कहात हएं। तुम अय्यूब नाउँ भओ आदमीको धिरज करोके बारेमे त सुने हओ, और प्रभुके घेनसे बोके जो इनाम मिलो, बोके फिर तुम जानत हओ। जोसे हमके पता चलो, कि प्रभु करुणा और दयासे भरो हए।

2 पतरस 2:9

परमेश्वर पहिलेके समयमे करेभए जे सब काम हमके जा दिखात हए, कि धार्मि जीबन जीइन बारे आदमी समस्यामे पणत हएं तओ प्रभु परमेश्वर जरुर सुरक्षित करत हए। और हम जा फिर पक्का होन सकत हएं, कि बा सबए आदमीनको न्याय करन बारो दिन नाए आनतक बा दुष्ट आदमीनके लगातार सजाय देबैगो।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।