याकूब 1:12 - राना थारु नयाँ नियम

¹² बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

परमेस्वर को सच्चो वचन

¹² धन्य हैं बे जो परिक्छन ले वफादार रहथैं, काहैकि जब बे ऐसी परिक्छा पास करन मैं कामयाब होथैं, तौ बे अपने इनाम मतलब जिंदगी के मुकुट कै पांगे जो कि परमेस्वर अपने प्रेम करन बारेन से वादा करी है।

याकूब 1:12 Iomraidhean Croise

मत्ती 10:22

मिर नाउँके कारण तुम सबसे घृणित हुइहओ। पर जो अन्त तक स्थिर रएहए, बोको उद्धार हुइहए।

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

लूका 6:22

धन्य हओ तुम, जब आदमीको लौंणाके खातिर आदमी तुमसे दुसमनी करंगे, और बहिष्कार करंगे, और गिल्ला करंगे, और तुमके खराब बताएके, तुमर नाउँके बदनामी करंगे।

रोमियों 5:4

परमेश्वर हमके स्वीकार करत हए, काहेकी हम धिरज करन सिखे हएं और बा हमके स्वीकार करत हए जहेमारे हमएं आसरा हए।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

1 कोरिन्थी 8:3

पर कोइ परमेश्वरके प्रेम करत हए कहेसे परमेश्वर बोके जानत हए।

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

हिब्रू 11:17

बिश्वाससे अपनो परीक्षा होत अब्राहाम अपनो लौंणा इसहाकके बलि चढानके ताहीं तयार रहए। और परमेश्वर अब्राहामसे जा लौंणाके बारेमे प्रतिज्ञा करी रहए तहुँफिर अपनो इकल्लो लौंणाको बलि चढान बो तयार भओ।

हिब्रू 12:5

तुम बे उत्सहाके बचनके भुलिगए हओ जो परमेश्वर अपने बच्चनके रुपमे तुमसे कही रहए, “हे मेरे लौंणा जब परमप्रभु, तुमर करेभए गल्ती दिखाइ कहेसे ध्यान देओ, और जब बो तुमके डाँटए तओ हार मत् मानओ।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

याकूब 5:11

देखओ, धिरज करन बारेनके हम धन्यके कहात हएं। तुम अय्यूब नाउँ भओ आदमीको धिरज करोके बारेमे त सुने हओ, और प्रभुके घेनसे बोके जो इनाम मिलो, बोके फिर तुम जानत हओ। जोसे हमके पता चलो, कि प्रभु करुणा और दयासे भरो हए।

1 पतरस 3:14

पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।