याकूब 1:1 - राना थारु नयाँ नियम

¹ मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

परमेस्वर को सच्चो वचन

¹ परमेस्वर और प्रभु ईसु मसीह के सेवक याकूब के घाँईं से परमेस्वर के लोगन कै जो पूरी दुनिया मैं फैले भै हैं उनकै नमस्ते।

याकूब 1:1 Iomraidhean Croise

मत्ती 10:3

फिलिप और बारथोलोमाइ, थोमा और कर उठान बारो मत्ती, अल्फयसको लौंणा याकूब और थेदियस,

मत्ती 13:55

का बा कट्ठा मिस्तरीको लौंणा नाए हए? का इनकी अइयाकी नाउँ मरियम, और यिनको भइया याकूबको ददा, योसेफ, सिमोन और यहूदा नैयाँ।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मर्कूस 3:18

अन्द्रियास, फिलिप, बारथोलोमाइ, मत्ती, थोमा, अल्फयसको लौंणा याकूब, और थेदियस, सिमोन कनानी

लूका 22:30

ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”

लूका 6:15

मत्ती और थोमा, अल्फयसको लौंणा याकूब, और सिमोन कनानी।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

यूहन्ना 7:35

जा सुनके यहूदी समुहके अगुवा आपसमे कहीं, “जा कहाँ जानके समहरो हए, और हम इनके नाए पामंगे? शायद जे, बे यहूदी समुहनके आदमीनके ठिन जामंगे जो ग्रीक सहरमे तितरबितर बैठे हएं, और कि त ग्रीक भाषा मस्कन बारेके शिक्षा देन चाँहत हुइहए।

प्रेरित 1:13

और जब यरूशलेम सहरमे पुगे तओ बे घरको उपरको कोठामे गए। जो आदमी हुवाँ उपस्थित रहएं, बे जे रहएं; पत्रुस, यूहन्ना, याकूब, अन्द्रियास, फिलिप और थोमा, बारथोलोमाइ और मत्ती, अल्फयसको लौंणा याकूब और उग्रपन्थी दलको सिमोन कनानी और याकूबको लौंणा यहूदा रहएं।

प्रेरित 12:17

तओ पत्रुस उनके अपनो हातसे संकेत करी, कि चुप रहाओ; और उनके बताइ, कि प्रभु कौन रितिसे बोके जेलसे निकारके लाइ हए। फिर पत्रुस उनसे कही, “याकूब और बिश्वासी ददाभइयनके जा बताए दियओ।” तओ पत्रुस हुवाँसे निकरके दुस्रो ठाउँमे चलो गओ।

प्रेरित 15:13

जब बे मस्कन बन्द करीं, तओ याकूब कहान लागो, “ए बिश्वासी ददाभइया सुनओ।

प्रेरित 15:21

काहेकी पहिलेको पुस्तासे गाउँ-गाउँमे मोशाको नियम कानुनको परचार करन बारे आए हएं। काहेकी जा हर यहूदीको यहूदी सभाघरमे हर पबित्र दिनमे पढो जात हए।”

प्रेरित 15:23

और उनके सँगमे बे जा चिट्ठी लिखके पठाइं: “सिरिया परदेशको एन्टिओखिया सहरके और किलिकिया परदेशमे रहन बारे गैर-यहूदी बिश्वासी ददाभइयनके, चुनेभए चेला और मण्डलीके अगुवनके नमस्कार!

प्रेरित 2:5

बो समयमे, परमेश्वरको डर मानन बारे बादर तरए बहुत जाति रहएं, बे यहूदीके आदमी संसारको सब देशसे, तेवहार मनानके ताहीं आए रहएं और यरूशलेम सहरमे बैठे रहएं।

प्रेरित 21:18

दुस्रे दिन पावल हमर सँग याकूबके ठिन गओ। हुवाँ सबए मण्डलीके अगुवा इकट्ठा भए रहएं।

प्रेरित 23:26

“मनानिय बडो हाकिम फेलिक्सके, क्लौडियस लुसियसके तरफसे नमस्कार!

प्रेरित 26:7

हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं।

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

गलातियों 1:19

मए सिरफ एक चुनो भओ चेला और प्रभुको भइया याकूबसे मिलो।

गलातियों 2:12

पत्रुस गैर-यहूदी बिश्वासीनके सँग खानु खाए करत रहए। जबतककी यरूशलेम सहरसे याकूबके घेनसे पठाए गए कुछ बिश्वासी एन्टिओखिया सहरमे नाए आए, पर जब याकूबके द्वारा पठाए गए कुछ बिश्वासी यरूशलेम सहरसे आए। तओ बो उनके सँग मोल-तोल करन और खानु खान बन्द करदइ, काहेकी पत्रुस बे खतना करेभए यहूदीनको समुहसे डरात रहए।

गलातियों 2:9

और जे आदमी मण्डलीके खास अगुवा सम्झे जात रहएं, अर्थात् याकूब, पत्रुस (केफास) और यूहन्ना, बे कृपाको बो बरदानके पहिचानी जो मोके मिलो हए। बे मोके और बारनाबासके अपनो सहयोगी समझके हमके सहभागिताको दहिना हात दइं। बे जा बातके ताहीं सहमत भए, कि हम गैर-यहूदीके और खतना करेभए यहूदीनके बीचमे अच्छो समाचारके परचार करएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

2 तिमोथी 4:21

जाडोको मौसम आनसे पहिले आनके कोसिस कर। और हियाँ भए सब बिश्वासी भइया तोके अभिबादन पठाइ हएं। और युबुलस, पुडेस, लिनस, और क्लौडिया जे फिर तोके अभिबादन पठाइ हएं।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

1 पतरस 1:1

मए पत्रुस येशू ख्रीष्टको चुनो भओ चेला हओं। मए जा चिट्ठी परमेश्वरके चुनेभए आदमीनके लिखनडटो हओं, जो परदेशी कता हुइके पोन्टस, गलातिया परदेश, कापाडोकिया परदेश, एशिया परदेश और एशिया परदेशको बिथिनिया गाउँके फरक-फरक सहरमे बैठत हएं।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

प्रकाश 7:4

जब स्वर्गदूत मोहरको छाप लगाएडारीं, तओ कोइ मोके बताइ, कि बे आदमी जौननके माथेमे स्वर्गदूत परमेश्वरको मोहरको छाप लगाइं, उनकी संख्या एक लाख चवालीस हजार रहए। जे आदमी इस्राएल देशके सबए बाह्र कुलसे आए रहएं।