हिब्रू 6:4 - राना थारु नयाँ नियम

⁴ जौन अपनो बिश्वास छोडत हए, बिनके फिरसे पश्‍चताप करनको अवस्थामे नाए लाओजाए सकत हए। बे एकचोटी परमेश्वरको सच्चाईके चिनहीं, और स्वर्ग मैसे बरदान पाइं। और बे दुस्रे जनैनके सँग पबित्र आत्मा पाइगए हएं।

परमेस्वर को सच्चो वचन

⁴ जो लोग अपने बिस्वास कै छोड़ देथैं, उनकै दुबारा पस्चाताप करन के ताहीं कैसे लाओ जाए? बे पहले परमेस्वर के उजीते मैं रहैं; बे स्वर्गिय दान को सुआद चखीं और पवित्र आत्मा के भागीदार बने।

हिब्रू 6:4 Iomraidhean Croise

मत्ती 12:45

तओ बो भुत जातहए और अपनसे फिर जद्धा खराब औ सात भुतनके अपन सँग बुलात हए, और आदमीक भितर घुसके बे डेरा धरत हएं, और बो आदमीको पिच्छु कि दसा पहिलेसे फिर खराब होत हए, जा समयके दुष्ट आदमीके सँग फिर अइसियए होबैगो।”

मत्ती 5:13

येशू कही, “तुम जा पृथ्वीके आदमीनके ताहीं नुन कता हओ; पर अगर नुनको स्वाद गइ भओ कहेसे कासे फिर नुनाइन करैगो? और बो त बाहिर फेकन और आदमीके टाँगसे कुल्चन बाहेक और कुछु कामको नाए हुइहए।

यूहन्ना 15:6

अगर कोइ आदमी मोएमे नाए रएहए, बो हँगा कता काटो जाबैगो और फेँको जाबैगो। जब बे हँगा सुखत हएं तओ बो इकट्ठा करके डुँङदेत हए।

यूहन्ना 3:27

बप्तिस्मा देन बारो यूहन्ना जबाफ दइ, “जब तक आदमीके स्वर्गसे नाए दओ जएहए, तबतक बो कोइ चीज नाए करपए हए।

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

यूहन्ना 6:32

येशू उनसे कही, “नेहात्तओ मए तुमसे कहात हओं, कि तुमके स्वर्गसे रोटी देन बारो मोशा नाए हए, बल्कि स्वर्गसे तुमके सेतएमेत रोटी देन बारो मिर दौवा परमेश्वर हए।

प्रेरित 10:45

परमेश्वर अपनो पबित्र आत्माको बरदान गैर-यहूदी आदमीके उपर फिर अख्नाओ देखके पत्रुस सँग आएभए खतना करेभए बिश्वास करन बारे यहूदी बिश्वासी अचम्मो मानीं।

प्रेरित 11:17

जहेमारे जा स्पष्ट हए, कि परमेश्वर उनके फिर बहे दान दइ, जो हमके प्रभु येशू ख्रीष्टमे बिश्वास करनके द्वारा मिलो रहए; तओ मए कौन हओं जो परमेश्वरके रोक पैतो।”

प्रेरित 15:8

और मनके जाँचन बारो परमेश्वर उनके फिर हमरे अग्गु पबित्र आत्मा दइके दिखाइ, कि बा उनके अपने आदमीनके रुपमे स्वीकार करलै हए।

प्रेरित 8:20

तओ पत्रुस कही, “तए और तेरे रुपैया नाश होएं, काहेकी तए परमेश्वरको बरदान रुपैयासे किनन्के बिचार करो।

रोमियों 1:11

काहेकी मए तुमसे मिल्पामओं करके बहुत इच्छा करत हओं, ताकी मए तुमके कोइ आत्मिक बरदान दएपामओं और तुमके बिश्वासमे पक्को बनाए पामओं।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

गलातियों 3:2

मए तुमसे एक प्रश्न पुँछन चाँहत हओं; का तुम पबित्र आत्मा, मोशाको नियम कानुनके पालन करके मिलो? नाए! बिरकुल नाए! तुमके पबित्र आत्मा मिलो काहेकी तुम बहे सन्देशमे बिश्वास करे जो तुम ख्रीष्टके बारेमे सुने।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

इफिसियों 1:18

मए जा फिर प्राथना करत हओं, कि बा सच्चाईके सम्झनमे तुमर मदत करैगो ताकी तुम बाको महिमाको धनके जान पाबओ, कि बो आसरा जो तुमके दओगओ हए, जब परमेश्वर तुमके चुनी रहए। और ताकी तुम जानपाबओ, कि बे आशिष कित्ने महान और महिमामय हएं जौनको प्रतिज्ञा परमेश्वर अपने पबित्र आदमीसे करीहए।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

इफिसियों 3:7

और बाको शक्तिशाली काम अनुसार परमेश्वर मोके सेँतएमे अपनो अनुग्रह दइ, जो परमेश्वरको अनुग्रह और बडी शक्तिसे मोके काम दओगओ हए, और मोके अच्छो समाचार फैलानके ताहीं दास बनाओ गओ हए।

इफिसियों 4:7

पर ख्रीष्ट हम मैसे हर आदमीनके बाको काम पुरा करनके ताहीं अलग-अलग खास बरदान दइ हए।

1 तिमोथी 4:14

बहे बातके याद कर, जब मण्डलीको अगुवाको समुह अपन हात तिर उपर धरी रहएं और परमेश्वर उनके तिर खास योग्यताके बारेमे बतानके ताहीं सन्देश दइ रहए। बो योग्यताके हेल्हा मत् करए।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

2 तिमोथी 4:14

अलेक्जेन्डर जो लोहोरा रहए बो मोके बहुत तरिकासे मोके चोट पुगाइ हए। प्रभु बोके बोको दुष्ट कामके अनुसार बदला देबैगो।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

1 यूहन्ना 5:16

अगर कोइ अपन बिश्वासी भइयाके पाप करत देखत हए, और बो पाप मृत्यु घेन नाए लैजतहए कहेसे, बो अपन भइयाके ताहीं परमेश्वरसे प्राथना करदेबए। और परमेश्वर बोके माफ करैगो, और बोके बा जीबन देहए। मए उनके बारेमे बोलरहो हओं, जोको पाप मृत्यु घेन नाए लैजात हए। अइसे पाप फिर हएं जो मृत्यु घेन लैजात हएं, मए बोके जा पापके बारेमे प्राथना करन नाए कहात हओं।