हिब्रू 4:12 - राना थारु नयाँ नियम

¹² परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

परमेस्वर को सच्चो वचन

¹² परमेस्वर को बचन जिंदो, मजबूत, और दुईधारी तलवार जो प्राँड़, आत्मा, गाँठी-गाँठी और गूदा-गूदा कै अलग करकै सबै तरहन से काटथै, और जहाँ मन, आत्मा मिलथै बौ मन की इच्छा और बिचारन कै जाँचन मैं सक्छम है।

हिब्रू 4:12 Iomraidhean Croise

लूका 8:11

जा कहानीको मतलब जा हए: “बीज परमेश्वरको बचन हए।

यूहन्ना 12:48

मिर बात सुनके फिर बिश्वास नाए करहए कहेसे बोके ताहीं एक जनै न्याय करन बारो हए। जौन बात कहो बहे बात अन्तके दिनमे न्याय करैगो।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

प्रेरित 2:37

जब आदमी जा बात सुनीं, तओ बे अपनएके बहुत दोषी महसुस करीं, तओ पत्रुस और चुनेभए चेलासे बे पुँछीं, “हे, बिश्वासी ददाभइया, हम का करएं?”

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 5:33

तओ जब सभाके सदस्य जा सुनीं तओ बे बहुत दिक्काइगए और चुनेभए चेलनके मारन चाही।

प्रेरित 7:38

जहे मोशा एक अगुवाके रुपमे हमर पुर्खनके सँग रहए जब बे मरुभूमिमे एकए सँग इकट्ठा रहएं, जौन जंगली इलाकामे मण्डलीके बीच बो स्वर्गदूतके सँग सीनै पहाडमे बोसे बात करी। और पहाडमे मोशाके जीबन दायक बचन मिलो और बो उनके हमतक पुगाइ।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

इफिसियों 5:13

पर जब दुष्ट आदमी तुमर अच्छो ब्यवहारके देखत हएं तओ उनको खराब ब्यबहार स्पष्ट हुइजात हए, जाको परिमाण स्वरुप बे अपने खराब कामके छोड देमंगे, और तुम्हएं कता अच्छे बन्जामंगे।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

इफिसियों 6:17

जैसे एक सैनिक अपने मुणके, लडाइमे बचानके ताहीं टोप लगाए होतहए, उइसीयए परमेश्वर तुमके शैतानसे बचाबए। जैसे एक सैनिक अपनएके बचानके ताहीं एक तरबार लेतहए, उइसीयए अपनएके बचानके ताहीं परमेश्वरको बचनके प्रयोग करए। जाके पबित्र आत्मा तुमके देतहए।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

हिब्रू 13:7

अपन अगुवाको याद करओ, जौन परमेश्वरको बचन तुमके सुनाइ हए। बिचार करओ, कि बे कैसे जीबन बिताइं और मरे, तुम फिर उन्हीनकता परमेश्वर प्रतिको बिश्वास दिखाओ।

हिब्रू 6:5

बे अनुभव करीं, कि परमेश्वरको सन्देश अच्छो हए और बे भबिष्यमे आन बारो समयको शक्ति अनुभव करी हएं।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

प्रकाश 1:16

बाको दाहिना हात, सात तारनके पक्णे रहए, और बाको मुँहुँसे दुनौ घेन पैनो धार बारो तरबार निक्रो रहए। बाको अनुहार दुपहारको उजियारो कता रहए जैसे सूर्य चम्कत हए।

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 19:21

तओपिच्छु घोडामे बैठो भओ बो आदमी बोको मुँहुँसे निक्रो भओ तरबार इस्तमाल करके औ सबके मारी। तओ बादरमे उणन बारे चिरैंया तबतक लहासको बुट्टी खाइं जब तक उनको पेट नाए भरोगओ।

प्रकाश 2:16

जहेमारे पाप करन छोडके परमेश्वर घेन घुम, अगर तए अइसो काम करन बन्द नाए करैगो, तओ मए जल्दीए आमंगो और बे आदमीनके बिरुद्ध बो तरबारसे लडंगो, जो मिर मुँहुँसे निक्रत हएं, जो मिर बचन हए।

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

प्रकाश 20:4

और फिरसे मए कुछ सिंहासन देखो, जोमे बैठन बारेनको मुण कटो गओ रहए, काहेकी बे येशूको सन्देश और परमेश्वरको बचनके परचार करी रहएं। जे राक्षस या बोको मूर्तिको आराधना नाए करी रहएं, और जे अपनो माथोमे और हातनमे राक्षसको छाप नाए लगाए रहएं। बे फिरसे जिन्दा भए रहएं और सिंहासनमे बैठे रहएं। परमेश्वर बिनके राज्य करनके अधिकार दइ, और बे ख्रीष्ट सँग एक हजार बर्षतक राज्य करीं।