हिब्रू 11:16 - राना थारु नयाँ नियम

¹⁶ पर बे औ अच्छो देश अर्थात्, एक स्वर्गीय देशको इच्छा करत हएं। जहेमारे, बिनको परमेश्वर हओं कहान बारी बातमे परमेश्वर गर्ब करत रहए, काहेकी बा बिनके ताहीं एक सहर तयार करदइ हए।

परमेस्वर को सच्चो वचन

¹⁶ लेकिन बे एक उत्तम मतलब स्वर्गिय देस के अभिलासी रहैं, जहेमारे परमेस्वर उनको परमेस्वर कहबान मैं नाय सरमाथै, काहैकि बौ उनके ताहीं एक सहर तैयार करी है।

हिब्रू 11:16 Iomraidhean Croise

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

मर्कूस 12:26

मरके जिन्दा उठान बारी बातके बारेमे, का तुम मोशाको नियम कानुनको किताब नाए पढे हओ? जौन किताबमे परमेश्वर आगी लागो भओ भिथ्रा मैसे मोशासे बात करत हए, हुवाँ परमेश्वर कहात हए, कि बा हबए फिर अब्राहामको परमेश्वर, इसहाकको परमेश्वर और याकूबको परमेश्वर हए।

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

लूका 20:37

पर मरे आदमी फिरसे जिन्दा हुइके उठंगे कहान बारी बात मोशा फिर भिथ्राके बारेमे परमप्रभुके अब्राहामको परमेश्वर, इसहाकको परमेश्वर और याकूबको परमेश्वर करके पुकारत पेती दिखाइ दइ।

यूहन्ना 14:2

मिर दौवा परमेश्वरके घरमे बैठन बारे बहुत ठिहा हएं और मए तुमर ताहीं ठिहा तयार करन डटो हओं। अगर उइसो नाए हुइतो कहेसे मोके तुमर ताहीं जा बात कहानए नाए पणतो।

प्रेरित 7:32

‘मए तेरो पुर्खा, अब्राहाम, इसहाक और याकूबको परमेश्वर हओं।’ तओ मोशा डरसे काँपिगओ, हियाँतककी बाके घेन देखनतक आँट नाए करपाइ।

फिलिप्पी 3:20

पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

2 तिमोथी 4:18

और प्रभु मोके हर एक खराबीसे बचाबैगो, और परमेश्वर मोके स्वर्गमे लैजाबैगो जहाँ बा राजाके रुपमे राज्य करत हए और बाको महिमा सदादिन होतए रहाबए। आमेन।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।

हिब्रू 11:10

काहेकी बो हरदम रहान बारो जगमे बनो सहरमे रहानके ताहीं असियात रहए, जोके बनान बारो और निर्माण करन बारो परमेश्वरए हए।

हिब्रू 11:14

अइसे बात कहान बारे आदमी जा प्रष्ट दिखात हएं, कि बे अपने ताहीं एक देश ढुणरहे हएं, जो उनको होबैगो।

हिब्रू 11:40

काहेकी परमेश्वरके ठिन उनके ताहीं इकल्लो नाए, पर हमर ताहीं फिर एक असल योजना हए। परमेश्वर उनके हमसे इकल्लो सिद्ध बनानके चाँहत हए।

हिब्रू 12:22

पर तुम त सियोन पहाडमे आए हओ, जहाँ स्वर्गको यरूशलेम हए, जो जिन्दा परमेश्वरको सहर हए। जहाँ लाखओं स्वर्गदूत आनन्द मनाए करत हएं।

हिब्रू 13:14

काहेकी जा संसारमे हमर स्थायी सहर नाए हए, बल्कि पिच्छु हम आन बारो दिनको घरको आसरा करत हएं।

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

प्रकाश 21:2

मए पबित्र सहरके फिर देखो, जोकी स्वर्गको यरूशलेम रहए, जो सहर परमेश्वरके ठिनसे स्वर्ग मैसे तरे आत रहए। बो सहरके एक दुल्हीन कता तयार करोगओ रहए, जौनके लत्ता पैँधाओगओ रहए और सिंगार करोगओ रहए और जो दुलहासे बेहा करनके ताहीं तयार हए।