गलातियों 6:9 - राना थारु नयाँ नियम

⁹ हम भले काम करनमे निरास नाए होमएं, अगर हम कभी हार नाए मानंगे तओ परमेश्वरके समयमे इनाम पामंगे।

परमेस्वर को सच्चो वचन

⁹ हम अच्छो करन के ताहीं थके भै ना बनै, ठीक समय मैं हम कटनी काटंगे।

गलातियों 6:9 Iomraidhean Croise

मत्ती 10:22

मिर नाउँके कारण तुम सबसे घृणित हुइहओ। पर जो अन्त तक स्थिर रएहए, बोको उद्धार हुइहए।

मत्ती 24:13

पर जौन अपने जीबनके अन्त तक मिर उपर बिश्वास करेरएहए, बो बचाओ जाबैगो।

मत्ती 25:17

उइसी दुई सिक्का पान बारो फिर और दुई सिक्का कमाइ।

मत्ती 9:19

येशू उठके बिनके सँग गओ और चेला फिर येशूके पिच्छु गए।

मर्कूस 3:3

तओ येशू लुला हात भओ मनैसे कही, “सब आदमीनके बीचमे ठाण।”

लूका 18:1

हमेसा परमेश्वरसे प्राथना करन पणतहए और दुखी नाए होन पणत हए कहिके येशू अपन चेलनके बुझानके ताहीं अइसे कहानी कही:

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 4:1

जहेमारे परमेश्वरको कृपा द्वारा हमर सँग परमेश्वरको बचन परचार करन बारो सेवा भओके कारणसे हम हरेस नाए खात हएं।

2 कोरिन्थी 4:16

जहेमारे हम हरेस नाए खात हएं। हमर बाहिरी मनुष्यत्व नाश होतए जातहए, तहुँफिर हमर आत्मा दिनए-दिन नयाँ होत जातहए।

2 कोरिन्थी 9:6

जा बात याद करओ, “थोरी बोन बारो थोरीए कटनी करत हए और प्रसस्तसे बोन बारो प्रसस्तसे कटनी करत हए।”

इफिसियों 3:13

जहेमारे मए तुमसे बिन्ती करत हओं कि जो दुख तुमर ताहीं मोके हुइ रहो हए, उनके कारण हार मत् मानओ, बल्कि तुमके सम्मानित महसुस करनके चाहो, कि मए तुमर ताहीं जे बातन्को कष्ट सहनके तयार हओं।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

हिब्रू 12:3

जहेमारे येशूको उदाहरणके बारेमे बिचार करओ, बाके घृणा करन बारे पापी आदमीनसे बा इतनो बिरोध कैसे सहिहुइहए, ताकी तुम थकके हरेस नाएखाबओ।

हिब्रू 12:5

तुम बे उत्सहाके बचनके भुलिगए हओ जो परमेश्वर अपने बच्चनके रुपमे तुमसे कही रहए, “हे मेरे लौंणा जब परमप्रभु, तुमर करेभए गल्ती दिखाइ कहेसे ध्यान देओ, और जब बो तुमके डाँटए तओ हार मत् मानओ।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

याकूब 5:7

जहेमारे हे मेरे बिश्वासी ददाभइयओ, प्रभु नाए आनतक धिरजमे रहाओ। जैसे, किसानदार पृथ्वीको बहुमूल्य बालीको आसरा करतए प्रथम और अन्तिम बर्षा होन तक धिरज करत हए। ताकी फसल बढए, और कटनीके ताहीं तयार होबए।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

1 पतरस 3:17

अगर हमर अच्छो कामके कारण हम दुख उठात हएं और जा हमर ताहीं परमेश्वरको इच्छा हए कहेसे जा ठिक हए। बो हमर खराब कामके कारणसे दुख पानसे अच्छो हए।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”

प्रकाश 2:3

मए जानत हओं, कि तए मोएमे बिश्वास करेके कारणसे धर्यपुर्वक कष्ट सहो हए, तहुँफिर मिरमे तिर बिश्वास मजबुत हए।

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”