गलातियों 6:12 - राना थारु नयाँ नियम

¹² यहूदी आदमीनके खुसी बनानके ताहीं बे तुमके खतना करनके दबाब करत हएं। बे जा करत हएं, ताकी ख्रीष्ट येशू क्रूस मरो, जा बातमे बिश्वास करके इकल्लो मुक्ति पातहएं करके परचार करनको कारण बिनके नाए सतामएं।

परमेस्वर को सच्चो वचन

¹² जो आदमी तुमकै खतना करन के ताहीं मजबूर कर रहे हैं, बे दिखाबा और घमंड करथैं। जहे बजह से कि लोग मसीह के क्रूस के ताहीं उनकै सताओ नाय जाए।

गलातियों 6:12 Iomraidhean Croise

मत्ती 23:27

मोशाको नियम कानुन सिखान बारे और फरिसीनको समुह, तुम कपटीयओ! परमेश्वर तुमके दण्ड देहए, काहेकी तुम चुना लागएभए गड्डा कता हओ, जो बाहिर अच्छो दिखात हए, पर भितर घेन मरे आदमीनके हड्डा और सब अशुद्धसे भरे होत हएं।

मत्ती 23:28

अइसियए तुम फिर बाहिर आदमीनके अग्गु धर्मी दिखात हओ, पर भितर कपटी और अधर्म कामसे भरेहओ।”

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

मत्ती 5:10

धन्य हएं बे, जौन धार्मिकताके जीबन जिनके ताहीं सताए जात हएं, काहेकी स्वर्गको राज्य बिन्हिको हए।

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:2

जहेमारे जब तुम दान देत हओ, तओ बडो दिखानके ताहीं मत् करओ, जैसी कपटी यहूदी सभाघरको गल्लीमे करत हएं ताकी आदमी उनकी बढाइ करएं, मए तुमसे सच्चो कहात हओं, कि बे जो करीं, आदमीनसे प्रसंसा पाएडारी हएं।

मत्ती 6:5

जब तुम प्राथना करैगे तओ कपटी आदमी कता मत् होओ काहेकी आदमीनके दिखानके ताहीं सभाघरमे और सडकके चौराहोमे ठाणके प्राथना करन उनके अच्छो लगत हए। नेहात्तओ मए तुमसे कहात हओं, कि बे अप्नो प्रतिफल पाएडारी हएं।

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

लूका 20:47

बे बिधुवानको घर हणप करदेत हएं, और देखावटीके ताहीं परमेश्वरसे लम्बो प्राथना करत हएं। नेहात्तओ परमेश्वर उनके बहुत भारी दण्ड देबैगो।”

यूहन्ना 7:18

अपनो बातसे मस्कन बारो त अपनो प्रसंसा ढुणत हए। पर जौन अपनएके पठान बारोके प्रसंसा ढुणत हए, बो आदमी इमान्दार होतहए, और बोमे थोरी फिर बेमानी नाए होत हए।

प्रेरित 15:1

कुछ यहूदी बिश्वासी, यहूदिया परदेशसे एन्टिओखीया सहरमे आए और बिश्वासी ददाभइयनके सिखान लागे: “अगर मोशाको दओ भओ नियम कानुनको रिति अनुसार तुमर खतना नाए हुइहए तओ तुम उद्धार नाए पए हओ।”

प्रेरित 15:5

पर बारनाबास और पावलकी बात सुनके प्रभुमे बिश्वास करेभए कुछ फरिसीनको समुह अइसे कहीं, “गैर-यहूदीसे आन बारे चेलनके, यहूदी रिति अनुसार खतना करन पणेहए और उनके मोशाको दओ भओ नियम कानुन पुरा पालन करन पणहए।”

2 कोरिन्थी 10:12

अपनी तारिफ अपनए करन बारे कोइ-कोइ आदमी सँग हम अपनएके एकए दर्जामे धरन नाए चाँहत हएं, और अपनएके बिनके सँग जाँचन हम सहास नाए करत हएं। पर बे अपनए-अपनएके एक-दुस्रे सँग नापके देखत पेती और जाँचत पेती बे मुरख बन्जात हएं।

2 कोरिन्थी 11:13

काहेकी अइसे आदमी सच्चे चुनेभए चेला नाए हएं पर बे छल काम करन बारे हएं, और ख्रीष्ट येशूसे चुनेभए चेलानके भेष लैके नेँगन बारे इकल्ले हएं।

गलातियों 2:14

पर जब मए देखो, कि बे जो करत रहएं, बो अच्छो समाचारको सच्चाईके सँग अन्तर बिरोधमे रहए तओ मए सार्बजनिक रुपसे केफाससे कहो, “तुम एक यहूदी समुह हुइके फिर गैर-यहूदी समुहनको रिति-रिवाजको पालन करत हओ। और यहूदी समुहनको रिति-रिवाजको पालन नाए करत हओ। पर अगर तुम, जोकी एक यहूदी हओ, अइसो करैगे, तओ फिर तुम गैर-यहूदी समुहनके हम यहूदी समुहनको रिति-रिबाजके पालन करनके ताहीं दबाब काहे डारत हओ?”

गलातियों 2:3

पर मिर सँगी तीतस, जोकी एक ग्रीक भाषा मस्कन बारो रहए, बोको खतना कभी फिर नाए भओ रहए। पर यरूशलेम सहरके मण्डलीके अगुवा बोके स्वीकार करीं। बे खतना करबानके ताहीं बोके उपर कोइ दबाब नाए डारीं।

गलातियों 5:11

हे मेरे बिश्वासी ददाभइयओ, मए परचार करत हओं, कि खतना जरुरी नाए हए, जैसेकी यहूदी समुहको नियम कानुन माँग करत हए और जहेमारे मोके यहूदीनके द्वारा सताओ मिल रहो हए; अगर मए ख्रीष्टको मृत्युके बारेमे परचार करनके छोडके जा परचार करतो, कि आदमीनके खतना करोजान चाहो। तओ मए यहूदी समुहनके ताहीं अपमानको कारण नाए हुइतो।

गलातियों 6:13

हियाँतककी बे खतना करेगए बिश्वासी फिर मोशाको नियम कानुनके पालन नाए करत हएं, पर बे चाँहत हएं, कि तुमर खतना करोजाए ताकी बे दुस्रे यहूदी समुहनके अग्गु घमण्डसे जा बताए पामएं, कि तुमर खतना उनके मारे भओ हए।

फिलिप्पी 1:15

कुछ आदमी त डाह और दुस्रेके सँग लडाइ करके ख्रीष्टके बारेमे अच्छो समाचारके परचार करत रहएं। और कोइ आदमी ख्रीष्टके बारेमे अच्छो समाचारको परचार करनके अच्छो मनसे मेरी मदत करत रहएं।

फिलिप्पी 2:4

तुम सब अपने भलाइके इकल्लो मत् ढुणओ, पर औरनके भलोके ताहीं फिर चिन्ता करओ।

फिलिप्पी 3:18

काहेकी बहुत आदमी अइसे चलत हएं, जौननके बारेमे मए तुमसे घरी-घरी कहो हओं, और अभौफिर रोए-रोएके कहात हओं, कि उनको ब्यबहार दिखात हए, कि बे क्रूसमे ख्रीष्टको मृत्युको सन्देशके बिरोध करत हएं।

कलस्सी 2:23

जे नियम एक बुद्धिमान तरिका और अपनएके परमेश्वरको आराधना करनमे समर्पित दिखात हए। पर जा नियम आदमीनके बिनको खराब इच्छाके नियन्त्रण करनके मदत नाए करत हए।