गलातियों 4:26 - राना थारु नयाँ नियम

²⁶ पर स्वर्गको यरूशलेम अब्राहामकी बैयर सारा कता हए, और बोको लौंणा टहालुवा नाए हएं। जा यरूशलेम हमरी अइया कता हए, जो बिश्वास करत हएं।

परमेस्वर को सच्चो वचन

²⁶ लेकिन स्वर्गिय यरूसलेम आजाद है, और बौ हमारी अईय्या है।

गलातियों 4:26 Iomraidhean Croise

यूहन्ना 8:36

उइसीयए परमेश्वरको लौंणा तुमके छुटकारा दइदेहए कहेसे तुम नेहात्तओ छुटकारा पाबैगे।

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

रोमियों 6:18

और परमेश्वर तुमके पापको शक्तिसे छुणाएके कारणसे तुम परमेश्वरके दास बनिगए, ताकी तुम बहे करओ जो सही हए।

गलातियों 4:22

पबित्र-शास्त्रमे जा लिखो हए, कि अब्राहामके दुई लौंणा रहएं; बोको एक बच्चाको जनम हागारसे भओ रहए, जो एक टाहलुनिया रहए। और दुस्रो बच्चाको जनम सारासे भओ रहए, जो टाहलुनिया नाए रहए।

गलातियों 4:25

हागार सीनै पहाडके दर्शात हए, जो अरब देशमे हए। बो आजको यरूशलेम सहर कता हए, जौनके आदमी मोशाको नियम कानुनके गुलाम हएं।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

फिलिप्पी 3:20

पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

हिब्रू 12:22

पर तुम त सियोन पहाडमे आए हओ, जहाँ स्वर्गको यरूशलेम हए, जो जिन्दा परमेश्वरको सहर हए। जहाँ लाखओं स्वर्गदूत आनन्द मनाए करत हएं।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

प्रकाश 12:1

जब बो खतम हुइगओ, तओ हुवाँ एक बादरमे भओ अचम्मोको चिन्हा देखो जाए सकत रहए। काहेकी जोनीमे एक बैयर देखा पणी, जौन अइसो लत्ता पैँधे रहए, जो सूर्य कता चम्कत रहए। बो अपनी मुणमे एक मुकुट पैँधे रहए जोमे बाह्र तारा रहएं।

प्रकाश 17:5

बक माथेमे एक नाउँ लिखो रहए: जोको एक गुप्त अर्थ रहए। जा अइसे रहए, “मए बडो सहर बेबिलोन हओं। मए सब वेश्यनकी अइया हओं और संसारके सब घिनौनो चिजनको स्रोत हओं।”

प्रकाश 21:2

मए पबित्र सहरके फिर देखो, जोकी स्वर्गको यरूशलेम रहए, जो सहर परमेश्वरके ठिनसे स्वर्ग मैसे तरे आत रहए। बो सहरके एक दुल्हीन कता तयार करोगओ रहए, जौनके लत्ता पैँधाओगओ रहए और सिंगार करोगओ रहए और जो दुलहासे बेहा करनके ताहीं तयार हए।

प्रकाश 3:12

जौन आदमी बुराइके हराए देबैगो, बे परमेश्वरके बे महापबित्र ठाउँके खम्बा कता होमंगे, जौनको मए सेवा करत हओं और बे जाके कब्ही नाए छोडंगे। मए हुवाँ बक शरीरमे परमेश्वरको नाउँ लिखंगो। और परमेश्वरको सहरको नाउँ लिखंगो जौनके स्वर्गको यरूशलेम कहोजात हए। जा बो सहर हए, जो स्वर्गसे, अर्थात्, मिर परमेश्वरसे तरे आत हए। मए हुवाँ बक् शरीरमे मिर नयाँ नाउँ फिर लिखंगो।