गलातियों 3:17 - राना थारु नयाँ नियम

¹⁷ जौन बात मए तुमके कहान चाँहत हओं बो जा हए, कि परमेश्वर अब्राहामके सँग प्रतिज्ञा बाँधनके चार सओ तीस साल पिच्छु मोशाको नियम कानुन दइ, बो प्रतिज्ञाके प्रमाणित करनके ताहीं जो परमेश्वर करी रहए। पर हम जा नाए कहे सकत हएं, काहेकी अब मोशाको नियम कानुन हए। जहेमारे परमेश्वरको प्रतिज्ञाको कोइ मोल नाए हए। परमेश्वरको बो प्रतिज्ञा अभौफिर बलियो हए, और परमेश्वरके जाके पुरा करनके हए।

परमेस्वर को सच्चो वचन

¹⁷ मेरे कहेन को मतलब जौ है कि जो वाचा कै परमेस्वर अग्गुए से ठहराए दई रहै, बाकै जौ नियम जो चार सौ तीस साल बाद दौ गौ, खारिज नाय कर सकथै और नाय बाके वादा कै बेकार ठहराए सकथै।

गलातियों 3:17 Iomraidhean Croise

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

प्रेरित 7:6

परमेश्वर अइसेफिर कही, ‘तेरे सन्तान बिदेशमे जाएके बैठंगे। और बे उनके कमैया बनाए लेमंगे और चार सओ सालतक उनके सँग खराब ब्यबहार करंगे।’

रोमियों 3:25

परमेश्वर, ख्रीष्ट येशूके हमर ताहीं पाप क्षमाको बलिदान स्वरुप दइके ख्रीष्टको खुन हमर ताहीं बहाओ गओ हए कहिके बिश्वास करन बारे आदमीनको पाप मिटाए दइ हए। परमेश्वर पापको सजाय ख्रीष्टमे दइके अपनएके न्यायी दिखाइ। परमेश्वर ख्रीष्ट आनसे पहिले अपनो गुस्सा थामके आदमीके पापको सजाय नाए दइ।

रोमियों 3:3

अगर कुछ यहूदी परमेश्वरमे बिश्वासयोग्य नाए रहएं तओ का भओ? तओ का जाको मतलब जा हए, कि परमेश्वर उनके सँग करो भओ अपनो बाचाके पुरा करनमे बिश्वासयोग्य नाए होबैगो?

1 कोरिन्थी 1:12

मिर कहानको मतलब जा हए, कि तुम मैसे कोइ त अपनएके “मए पावलको चेला हओं,” कोइ “मए अपोल्लोसको चेला हओं,” कोइ “मए केफासको चेला हओं” और कोइ “मए ख्रीष्टको चेला हओं” कहात हओ।

1 कोरिन्थी 1:17

काहेकी ख्रीष्ट मोके बप्तिस्मा देनके ताहीं नाए बल्कि अच्छो समाचार सुननके पठाइ हए, और जब मए अच्छो समाचारके परचार करत हओं, तओ मए मस्कनके ताहीं अपनो सिप प्रयोग नाए करत हओं। नत्, आदमी मिर उपर सिर्फ मेरे सिपके कारण मोके बिश्वास करते, और बे क्रूसमे ख्रीष्टको मृत्युकी शक्ति नाए जन्ते।

1 कोरिन्थी 10:19

मए का कहानके कोसिस कर रहो हओं? का मए जा कहे रहो हओं, कि मूर्ति सच्चो परमेश्वर हए, जौनके ताहीं बलि चढाओ जातहए और जे बलिदान कुछ मोलके होत हएं?

1 कोरिन्थी 7:29

हे मेरे बिश्वासी ददाभइयओ, मए जा कहात हओं, कि जा संसारमे हमरे ठिन जद्धा समय नाए हए, बहेमारे तुमरी बैयर हए या नाए हए, जाके बारेमे जद्धा परेसान मतहोबओ। लेकिन प्रभुको सेवा करनके बारेमे सोँचत रहाओ।

2 कोरिन्थी 1:20

काहेकी परमेश्वरके सब प्रतिज्ञा ख्रीष्टमे पुरा होत हए। जहेमारे परमेश्वरके महिमाके ताहीं हम “आमेन” कहात हएं।

2 कोरिन्थी 9:6

जा बात याद करओ, “थोरी बोन बारो थोरीए कटनी करत हए और प्रसस्तसे बोन बारो प्रसस्तसे कटनी करत हए।”

गलातियों 3:15

हे मेरे बिश्वासी ददाभइयओ, मए साधारण जीबनसे उदाहरण दइ रहो हओं। जब दुई आदमी एक समझौता करत हएं, और बे जाको प्रमाणित करत हएं। तओ अइसो कोइ फिर नाए हए, जो बो समझौताके बदल पाबए।

गलातियों 3:21

का जाको अर्थ जा हए, कि मोशाको नियम कानुन प्रतिज्ञनके बिरुद्ध हए? कभी फिर नाए! काहेकी नियम कानुन हमके कभी फिर नाश नाए होन बारो जीबन देत हुइतो कहेसे हमके जाके पालन करके परमेश्वर सँग धर्मी ठहिराए जाए सकत रहएं।

गलातियों 5:16

पर मए तुमसे कहात हओं, कि तुमके पबित्र आत्माको अगुवाईके अनुसार जीइनके जरुरी हए, तओ तुम बे खराब कामनके नाए करैगे, जो तुमर शारीरिक इच्छा करन चाँहत हए।

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

इफिसियों 2:12

तुम आदमी बो समय ख्रीष्टके नाए जान्त रहओ और तुम परमेश्वरके चुनेभए आदमी इस्राएल देश कता नागरिकके रुपमे सम्बन्धित नाए रहओ और तुम परमेश्वरके आदमीनके सँग बाको प्रतिज्ञामे फिर सामिल नाए रहओ, और तुम बिना आसरा और बिना परमेश्वरके, जा संसारमे रहात रहओ।

इफिसियों 4:17

जहेमारे बो अधिकारके साथ जो प्रभु मोके दइ हए, मए तुमके जा बतात हओं, कि जैसे अबिश्वासी आदमी अपन मनको बेकारको रितिमे चल्त हएं, तुम अबसे उइसो मत् जीइबओ।

कलस्सी 2:4

जा मए जहेमारे कहात हओं, कि कोइ आदमी तुमके अपनो झुठो शिक्षामे नाए फसाए पाबए।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

हिब्रू 7:18

काहेकी पुरानो मोशाको नियम कानुन कुछ नाए करपान बारो और काम नाए लगन बारो होनके कारणसे खारेज करोगओ हए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।