गलातियों 3:14 - राना थारु नयाँ नियम

¹⁴ ख्रीष्ट अइसो जाकेमारे करी, ताकी गैर-यहूदीनके बहे आशिष मिलए, जौनको प्रतिज्ञा परमेश्वर अब्राहामके सँग येशू ख्रीष्टके द्वारा करी रहए, और ख्रीष्टमे बिश्वासके द्वारा, हम परमेश्वरको आत्मा पामएं, जौनको परमेश्वर हमके देनके प्रतिज्ञा करी रहए।

परमेस्वर को सच्चो वचन

¹⁴ मसीह जौ हुकम इसलै दई कि परमेस्वर अब्राहम कै जो आर्सिवाद देन को वादा करी रहै बौ गैर यहूदिन कै ईसु मसीह के जरिये से दौ जाए सकथै, ताकी बिस्वास के जरिये से हम परमेस्वर के जरिये वादा करो गौ आत्मा पाए सकैं।

गलातियों 3:14 Iomraidhean Croise

लूका 11:13

तुम खराब हुइके अपन लौंणालौंणीयाके अच्छी चीज देन जानत हओ कहेसे, स्वर्गमे होन बारो तुमर दौवासे मागन बारेके कित्तो जद्धा पबित्र आत्मा देबैगो।”

लूका 24:49

और मए अपनए तुमर उपर पबित्र आत्मा पठामंगो, जौनको प्रतिज्ञा मिर दौवा करी हए। पर तुमके तबतक जहे सहरमे आसरा करनके होबैगो जब तक तुम स्वर्गसे शक्ति नापए हओ।”

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

प्रेरित 2:33

अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

प्रेरित 5:32

जा सब बातके हम साँक्षी हएं, काहेकी परमेश्वर अपनो आज्ञापालन करन बारेनके दओ भओ पबित्र आत्मा फिर साँक्षी दइ रहो हए।”

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

2 कोरिन्थी 1:22

और बा हमर उपर अपन छाप लगाइ हए, और हमर ह्रदयमे बैनाके रुपमे पबित्र आत्मा दइ हए।

गलातियों 3:16

अइसियए, परमेश्वर अपनो प्रतिज्ञा अब्राहाम और अपने सन्तानके सँग करी; पबित्र-शास्त्रमे जा नाए लिखो हए, “और बोको सन्तानसे,” पर जा एक आदमीके बारेमे बात करत हए, जब जा कहात हए कि “संसारके सब आदमी तिर एक सन्तानके माध्यमसे आशिष पामंगे” और जा आदमी ख्रीष्ट हए।

गलातियों 3:2

मए तुमसे एक प्रश्न पुँछन चाँहत हओं; का तुम पबित्र आत्मा, मोशाको नियम कानुनके पालन करके मिलो? नाए! बिरकुल नाए! तुमके पबित्र आत्मा मिलो काहेकी तुम बहे सन्देशमे बिश्वास करे जो तुम ख्रीष्टके बारेमे सुने।

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

इफिसियों 2:22

हे गैर-यहूदीके बिश्वासी, काहेकी तुम ख्रीष्टके सँग एकजुट हओ, जहेमारे तुमके फिर परमेश्वरके औरे आदमीनके सँग जोडो जाएरहो हए। ताकी तुम एक अइसो घर बन्जाबओ जहाँ पबित्र आत्माको शक्ति द्वारा परमेश्वर रहात हए।

इफिसियों 3:16

मए प्राथना करत हओं, कि बाकी महिमाकी धन अनुसार शक्तिसे तुमके जा दान देबए और बाको आत्मा तुमके शान्ति देबए ताकी तुम अपनी आत्मामे मजबुत होबओ।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।