गलातियों 2:14 - राना थारु नयाँ नियम

¹⁴ पर जब मए देखो, कि बे जो करत रहएं, बो अच्छो समाचारको सच्चाईके सँग अन्तर बिरोधमे रहए तओ मए सार्बजनिक रुपसे केफाससे कहो, “तुम एक यहूदी समुह हुइके फिर गैर-यहूदी समुहनको रिति-रिवाजको पालन करत हओ। और यहूदी समुहनको रिति-रिवाजको पालन नाए करत हओ। पर अगर तुम, जोकी एक यहूदी हओ, अइसो करैगे, तओ फिर तुम गैर-यहूदी समुहनके हम यहूदी समुहनको रिति-रिबाजके पालन करनके ताहीं दबाब काहे डारत हओ?”

परमेस्वर को सच्चो वचन

¹⁴ और जब मैं जौ देखो कि बे आदमी सुसमाचार की सच्चाई मैं नाय चल पाए रहे हैं, तौ मैं सबन के सामने पतरस से कहो, “तुम एक यहूदि हुईकै गैर यहूदि के हानी जिंदगी जी रहै हौ तौ का तुम गैर यहूदियन कै यहूदिन के तराहनी जिंदगी जीन ताहीं मजबूर कर सकथौ?”

गलातियों 2:14 Iomraidhean Croise

प्रेरित 10:28

तओ पत्रुस बिनसे कही, “हम जाति-जातिके आदमीके आदमी सँग सँगत कर्नो, वा उनके भेँट करन एक यहूदी आदमीनके ताहीं हमर नियम कानुनके बिरुद्ध हए कहान बारी बात तुम सबके पतए हए। पर कोइ फिर आदमीके अशुद्ध नाए ठहिरान पणत हए कहिके अब परमेश्वर मोके दिखाइ हए।

प्रेरित 15:1

कुछ यहूदी बिश्वासी, यहूदिया परदेशसे एन्टिओखीया सहरमे आए और बिश्वासी ददाभइयनके सिखान लागे: “अगर मोशाको दओ भओ नियम कानुनको रिति अनुसार तुमर खतना नाए हुइहए तओ तुम उद्धार नाए पए हओ।”

प्रेरित 15:24

हमरे बीचसे गए कोइ-कोइ आदमी शिक्षा दइके तुमके दुख दइं कहान बारी बात हम सुनेहएं। पर हम बे आदमीनके नाए पठाए हएं।

प्रेरित 15:5

पर बारनाबास और पावलकी बात सुनके प्रभुमे बिश्वास करेभए कुछ फरिसीनको समुह अइसे कहीं, “गैर-यहूदीसे आन बारे चेलनके, यहूदी रिति अनुसार खतना करन पणेहए और उनके मोशाको दओ भओ नियम कानुन पुरा पालन करन पणहए।”

रोमियों 14:14

प्रभु येशूमे बिश्वास करके कारणसे जा बात मए पक्का जानत हओं, कि कोइ फिर भोजन अपनए अशुद्ध नाए होत हए, पर जो बोके अशुद्ध सम्झत हए बोके ताहीं अशुद्ध हए।

गलातियों 1:18

फिर तीन बर्ष पिच्छु मए येशूसे चुनो भओ चेला पत्रुससे मिलनके ताहीं यरूशलेम सहरमे गओ, और बोकेसँग पन्ध्र दिनतक रहो।

गलातियों 1:6

मए दुखी हओं, कि परमेश्वर तुमके ख्रीष्टको अनुग्रहसे अपने आदमी होनके ताहीं बुलाइ बासे तुम इतनो जल्दी घुमिगए, और एक अलग शिक्षा जोसे कुछ आदमी “अच्छो समाचार” कहात हएं, और तुम बोके बिश्वास करनके या स्वीकार करनके सुरु करदए हओ।

गलातियों 2:3

पर मिर सँगी तीतस, जोकी एक ग्रीक भाषा मस्कन बारो रहए, बोको खतना कभी फिर नाए भओ रहए। पर यरूशलेम सहरके मण्डलीके अगुवा बोके स्वीकार करीं। बे खतना करबानके ताहीं बोके उपर कोइ दबाब नाए डारीं।

गलातियों 2:5

उनके अधीनमे होनके हम अस्वीकार करदए। जहेमारे कि तुम अच्छो समाचारको सच्चाईमे लगातार बने रहाबओ।

गलातियों 2:7

पर बे सब अगुवा बुझीगए, कि परमेश्वर जैसे पत्रुसके यहूदी आदमीनके अच्छो समाचार परचार करनके ताहीं छानी रहए, उइसी करके बो हमरे खतना करेभए गैर-यहूदी आदमीनके फिर अच्छो समाचार परचार करनके छानी हए।

गलातियों 2:9

और जे आदमी मण्डलीके खास अगुवा सम्झे जात रहएं, अर्थात् याकूब, पत्रुस (केफास) और यूहन्ना, बे कृपाको बो बरदानके पहिचानी जो मोके मिलो हए। बे मोके और बारनाबासके अपनो सहयोगी समझके हमके सहभागिताको दहिना हात दइं। बे जा बातके ताहीं सहमत भए, कि हम गैर-यहूदीके और खतना करेभए यहूदीनके बीचमे अच्छो समाचारके परचार करएं।

गलातियों 6:12

यहूदी आदमीनके खुसी बनानके ताहीं बे तुमके खतना करनके दबाब करत हएं। बे जा करत हएं, ताकी ख्रीष्ट येशू क्रूस मरो, जा बातमे बिश्वास करके इकल्लो मुक्ति पातहएं करके परचार करनको कारण बिनके नाए सतामएं।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 तिमोथी 5:20

जो आदमी पाप करत हएं, तोके बे आदमीनके सब बिश्वासीनके अग्गु डाँटनके चाहो, ताकी औ बिश्वासी फिर डरामएं।

हिब्रू 12:13

और इतएउतए देखनसे अच्छो, बरु तुम बो सुधो डगरमे जाओ जो येशूके ठिन पुगात हए, ताकी हमर बीचमे जो आदमी आत्मिक रितिसे कमजोर हएं, बे आदमी डगर नाए भुलएं। पर उनको बिश्वास मजबुत हुइजाबए।

हिब्रू 9:10

काहेकी बे आदमीनको खानो और पिइनो और आदमीनके बाहिरी रुपमे शुद्ध बनान बारो बहुत मेलके पुरानो चलनके हँदानके बारेमे इकल्लो कहात हएं। जे रितीरिबाज बिनके परमेश्वरको नयाँ करार सुरु नाए भएतक पालन करन पणैगो।