इफिसियों 2:18 - राना थारु नयाँ नियम

¹⁸ ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

परमेस्वर को सच्चो वचन

¹⁸ जौ सब ईसु मसीह के बजह से भौ कि हम सबै, यहूदि और दुसरी जाति, एक आत्मा मैं हुईकै परम दऊवा की मौजूदगी मैं आन ताहीं काबिल हैं।

इफिसियों 2:18 Iomraidhean Croise

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

यूहन्ना 10:9

फाटक महीँ हओं, अगर कोइ आदमी मिर सुध भितर घुसैगो कहेसे परमेश्वर बोके बचाबैगो, और बो भितर-बाहिर आनजान करैगो और खानके ताहीं खानु पाबैगो।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

रोमियों 8:15

काहेकी तुमके कमैयाको आत्मा नाए मिलो हए जो फिरसे परमेश्वरसे डराएजाए, पर जब परमेश्वर तुमके अपने सन्तानके रुपमे स्वीकार करलै तओ तुमएं परमेश्वरको आत्मा मिलो गओ। जोसे हम, “हे दौवा” कहिके बुलात हएं।

1 कोरिन्थी 12:13

हम यहूदी होएसे फिर, ग्रीक भाषा मस्कन बारे होएसे फिर, कमैया होएसे फिर, स्वतन्त्र होएसे फिर हम एकए पबित्र आत्मा द्वारा बप्तिस्मा पाएके कारणसे एकए शरीर भए हएं और हम सबए एकए आत्मा पाए हएं। जैसे हम सब एकए कटोरा मैसे पिइत हएं।

1 कोरिन्थी 8:6

पर हमर ताहीं केबल एकए परमेश्वर हए: अर्थात् दौवा, जौनके घेनसे सब चीज हएं, और हम परमेश्वरके ताहीं हएं, और एकए प्रभु हए, अर्थात् येशू ख्रीष्ट जौनके द्वारा सब चीज भए, और जौनके द्वारा हमके जीबन दओगओ हए।

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

इफिसियों 3:12

ख्रीष्ट सँग हमर सम्बन्धको कारण और बाके उपर हमर बिश्वासके कारणसे, अब हम परमेश्वरको उपस्थितिमे हिम्मत और आत्माबिश्वाससे आएसकत हएं।

इफिसियों 3:14

जहे कारणसे, दौवा परमेश्वरके अग्गु मए प्राथना करत हओं,

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

कलस्सी 1:12

और दौवा परमेश्वरके धन्यबाद करत रहाबओ, और स्वर्गके राज्यमे बाको पबित्र आदमीनके मिलन बारो चीज तुमके फिर मिलन बारो लायक बनाइ हए।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।

याकूब 3:9

जहे जिभसे हम प्रभु और दौवा परमेश्वरको स्तुति करत हएं, और जहे जिभसे परमेश्वरको रुपमे सृष्टि करेभए आदमीनके सराप देत हएं।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।