इफिसियों 2:12 - राना थारु नयाँ नियम

¹² तुम आदमी बो समय ख्रीष्टके नाए जान्त रहओ और तुम परमेश्वरके चुनेभए आदमी इस्राएल देश कता नागरिकके रुपमे सम्बन्धित नाए रहओ और तुम परमेश्वरके आदमीनके सँग बाको प्रतिज्ञामे फिर सामिल नाए रहओ, और तुम बिना आसरा और बिना परमेश्वरके, जा संसारमे रहात रहओ।

परमेस्वर को सच्चो वचन

¹² बौ समय तुम मसीह से अलग रहौ, तुम दुसरे देस के रहौ और परमेस्वर के चुने भै इस्राएली आदमिन से जुड़े भै ना रहौ। जो वादा को वाचा परमेस्वर बाके लोगन के संग करी रहै बामै तुमरो कोई भी हिस्सा नाय रहै, तुम ऐसी दुनिया मैं रहत रहौ जो आसाहीन और परमेस्वर हीन रहै।

इफिसियों 2:12 Iomraidhean Croise

लूका 1:72

बा हमर पुर्खान्के दया दिखानके, और अपनो पबित्र करार याद करनके ताहीं आओ हए।

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

यूहन्ना 15:5

“अंगुरको रुखा महीँ हओं, तुम हँगा हओ। अगर कोइ मोएमे रएहए और मए बोमे रएहओं कहेसे बो बहुत फरा फराबैगो। काहेकी मोसे अलग हुइके तुम कुछु फिर नाए कर्पएहओ।

यूहन्ना 4:22

तुम सामरी आदमी बोको आराधना करत हओ, जोके तुम नाए चिन्हत हओ। और हम यहूदी आदमी बाके आराधना करत हएं जोके चिन्हत हएं, काहेकी उद्धार यहूदीसे आत हए।

प्रेरित 2:39

काहेकी प्रतिज्ञा तुमर ताहीं, तुमर सन्तानके ताहीं और दुर-दुरमे रहान बारो सबके ताहीं हए, जौनके प्रभु हमर परमेश्वर अपने ठिन बुलाबैगो।”

प्रेरित 28:20

जहे बात बुझानके और तुमर सँग भेँट करनके ताहीं मए तुमके हियाँ बुलाओ हओं। हम इस्राएल देशको आसरा, जोकी ख्रीष्ट हए, बहेके ताहीं मए अइसे साँकरसे बँधो हओं।”

प्रेरित 3:25

तुम सब बेहीं अगमबक्तनको और बहे करारके सन्तान हओ, जौन करार परमेश्वर तुमर पुर्खा अब्राहामसे अइसो करके बाँधी रहएं, ‘तेरे लौंणाके द्वारा पृथ्वीके सब परिवार आशिष पामंगे।’

रोमियों 9:8

जक अर्थ, जो बंश प्रकृतिके अनुसार जनम लेतहए, बे परमेश्वरको सन्तान नाए हएं, पर सिर्फ प्रतिज्ञाके सन्तान इकल्ले अब्राहामके सन्तान माने जात हएं।

गलातियों 4:8

बिते समयमे जब तुम परमेश्वरके नाए जानत रहओ, तुम बे चिजनके कमैया रहओ, जो ईश्वर नाए हएं।

इफिसियों 2:19

तुम गैर-यहूदी, परदेशी और बिराने नाए रहे, पर तुम परमेश्वरके पबित्र आदमीनके सँग अइसियए अब तुम बिदेशी और प्रवासी नाए हओ, पर सन्तनके सँग तुम सँगी-नगरिक और परमेश्वरको परिवारके सदस्य हओ।

इफिसियों 4:18

बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

कलस्सी 1:21

एक समय तुम परमेश्वरसे दुर रहओ। खराब चीज सोँचके खराबए काम करके तुम परमेश्वरके दुश्मन रहओ।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 थेसलोनिकी 4:13

हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

1 तिमोथी 1:1

मए, पावल जा चिट्ठीके लिखरहो हओं। हमर मुक्तिदाता परमेश्वर और जौनमे हम आसरा करत हएं बहे येशू ख्रीष्टको अधिकारसे बाको मए एक चुनो भओ चेला हओं।

हिब्रू 11:34

और आगी उनके नाए जलाए पाइ, तरबार उनके नाए काटपाइ। बे कमजोर रहएं और मजबुत हुइगए। युद्धमे शक्तिसे लडके अपने सबए दुश्मनको फौजके भगाइं।

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

हिब्रू 8:6

पर येशू ख्रीष्ट, हमर प्रधान पुजारीके दओगओ पुजारीको काम बे और प्रधान पुजारीको कामसे बहुत बडो हए। काहेकी येशू जौन नयाँ करारको मध्यस्थकर्ताको काम करीहए, बो पुरानो करारसे अच्छो हए। और अच्छो बातको प्रतिज्ञामे आधारित हए।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

1 पतरस 3:15

बरु तुम ख्रीष्टके अपनो जीबनको प्रभुके रुपमे आराधना करओ। और हम सबए बिश्वासी साझेदार होन आसराके बारेमे कोइ पुछीं कहेसे, बोके व्याख्या करनके रोजए तयार रहाओ।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।