कलस्सी 3:25 - राना थारु नयाँ नियम

²⁵ काहेकी जो फिर खराब काम करन बन्द नाए करैगो, परमेश्वर बोके दण्ड देबैगो, परमेश्वर कोइके पक्षपात नाए करत हए।

परमेस्वर को सच्चो वचन

²⁵ काहैकि परमेस्वर सबको न्याय एकै तखरी से करैगो, जो बुरो करथै, बौ अपनी बुराई को फल पागो; हूँना कोई के संग भेद-भाव नाय होगो।

कलस्सी 3:25 Iomraidhean Croise

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

लूका 20:21

बे बासे पुछीं “महान गुरु, हम जानत हएं, तुम ठिक-ठिक बोलत हओ और ठिक-ठिक सिखात हओ, और कोइको पक्षपात नाए करत हओ, पर सच्चाईसे परमेश्वरको डगर सिखात हओ।

प्रेरित 10:34

तओ पत्रुस कहान लागो, “नेहात्तओ परमेश्वर सबए आदमीनसे बरोबर ब्यबहार करत हए। जा बात अब मोके पता भओ।

रोमियों 2:11

काहेकी परमेश्वर सब आदमीनके एक समान ब्यबहार करत हए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

इफिसियों 6:8

काहेकी तुम जान्त हओ, कि जो कोइ जैसो अच्छो काम करैगो, चहुँ दास होए चहुँ स्वतन्त्र आदमी, बोको पुरुस्कार बो प्रभुसे पाबैगो।

इफिसियों 6:9

अइसियए हे मालिकओ, तुमके कामदारनके धम्कि नाए देन चाहो, बल्कि तुमके अपनो कामदारनके सँग उइसे ब्यबहार करनके चाहो, जैसे मए उनसे कहो हओं, कि बे तुमरसँग ब्यबहार करएं। काहेकी तुम जान्त हओ, कि उनको और तुमर दुनौको मालिक स्वर्गमे हए, और बा कोइको पक्षपात नाए करत हए।

कलस्सी 4:1

हे मालिकओ, अपने-अपने कमैयनके सँग बिना पक्षपात करे अच्छो ब्यबहार करओ, जा समझके कि स्वर्गमे तुमर फिर एकए इकल्लो मालिक हए।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

2 थेसलोनिकी 1:6

काहेकी परमेश्वर हमेसा धार्मिकतासे न्याय करत हए, परमेश्वर बे आदमीनमे दु:ख लाबैगो, जौन तुमए दुख दइ हएं।

फिलेमोन 1:18

और अगर बो कुछु फिर चीजके ताहीं, तेरो कर्जीदार हए, तओ मए तोए चुकाए देमंगो।

हिब्रू 2:2

स्वर्गदूतसे दओ भओ मोशाको नियम कानुन सब दिन सत्य साबित भओ हए, और मोशाको नियम कानुनके हरेक उलंघनमे और अनाज्ञाकारिके काममे परमेश्वर आदमीनके सजाय दइ।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।