कलस्सी 1:22 - राना थारु नयाँ नियम

²² पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

परमेस्वर को सच्चो वचन

²² फिर भी बौ अपनी सारीरिक सरीर मैं मरन के जरिया तुमसे मेल कर लई कि तुमकै अपने सामने पवित्र, निस्कलंक और निर्दोस बनाएकै लाबै।

कलस्सी 1:22 Iomraidhean Croise

लूका 1:75

जब तक हम जिमंगे तबतक पबित्रतामे और धार्मिकतामे बाके अग्गु बाको सेवा कर पामएं।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

2 कोरिन्थी 4:14

काहेकी हम जानत हएं, कि प्रभु येशूके मृत्युसे जिन्दा करबान बारो हमके फिर येशू सँग जिन्दा करैगो और येशू ख्रीष्टए हमके तुमर सँग परमेश्वरके अग्गु ठाणके लैजाबैगो।

2 कोरिन्थी 5:18

जा सब परमेश्वरसे भओ हए, जौन हमके ख्रीष्टद्वारा अपने सँग फिरसे मेलमिलापमे लाइ, और बा हमके अपने बीचमे और आदमीनके बीचमे मेलमिलाप करान बारो सेवा दइ हए।

इफिसियों 1:4

संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

इफिसियों 5:27

बा अपनी मण्डलीनके ताहीं फिर मरिगओ ताकी बा अपने सब आदमीनके सिद्ध बनाए पाबए और बे सबके अपने उपस्थितिमे लाए पाबए, जौनन्मे कोइ दोष या पाप या कोइ औ खराब बात नाए हुइहए; बल्कि, बे पबित्र और सिद्ध होमंगे।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 10:20

जब ख्रीष्ट मरो, तओ बा हमके अनन्त जीबन देनके नयाँ डगर खोलदइ। बा पर्दासे छिरके डगर खोली, बोको अर्थ जा हए, कि बा एक बलीके रुपमे अपनएके चढाएके अइसे करी।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।