प्रेरित 6:3 - राना थारु नयाँ नियम

³ जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

परमेस्वर को सच्चो वचन

³ जहे बजह से भईय्यौ, आपन मैं से सात भले आदमिन कै जो पवित्र आत्मा और बुद्धि से भरे होमैं, छाँट लेबौ, कि हम उनकै जौ काम मैं लगाए देमैं।

प्रेरित 6:3 Iomraidhean Croise

मत्ती 23:8

पर कोइ तुमसे ‘महान गुरु,’ नाए कहामएं, काहेकी तुमर महाट्टर एकए हए, और तुम सब बिश्वासी भइया-बहिनियाके बराबर हओ।

यूहन्ना 21:23

जहेमारे जा बात बिश्वासी ददाभइयनमे फैलीगओ, कि बो दुस्रो चेला नाए मरैगो। तहुँफिर येशू बोसे जा नाए कही रहए, कि जा नाए मरैगो, बल्कि जा कही रहए, “अगर मए चाँहत हओ, कि जा मेरे लौटन तक जिन्दा रहाबए, तओ तोए का?”

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 1:21

बहेमारे जा जरुरी हए, कि एक अइसो आदमीके चुनो जाए, जो प्रभु येशूको करोभओ कामके हर समय गवाही देबए। और प्रभु येशूके यूहन्नाके माध्यमसे बप्तिस्माके दिनसेलैके येशूके स्वर्गमे उठाओ लैजानके दिनतक, जा आदमी हमर सँग प्रभु येशू मरके फिरसे जिन्दा भओ हए कहिके गवाही बनए।

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

प्रेरित 15:23

और उनके सँगमे बे जा चिट्ठी लिखके पठाइं: “सिरिया परदेशको एन्टिओखिया सहरके और किलिकिया परदेशमे रहन बारे गैर-यहूदी बिश्वासी ददाभइयनके, चुनेभए चेला और मण्डलीके अगुवनके नमस्कार!

प्रेरित 16:2

लुस्त्रा सहर और आइकोनियन सहरमे भए प्रभुमे बिश्वासी ददाभइया तिमोथीके अच्छो आदमी मानत रहएं।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

प्रेरित 22:12

“हननिया कहान बारो एक जनै मोशाको नियम कानुन अनुसार चलन बारो धर्मी आदमी रहए, और जौन यहूदियामे बैठन बारे सब जनैनसे आदर पाओभओ रहए।

प्रेरित 28:14

हुवाँ हम प्रभुमे बिश्वासी ददाभइयनके भेँटे। बे हमके एक हप्तातक बैठओ कहिके बिन्ती करीं। और अइसियए, उनके सँग रहानके बाद हम भूमि मार्गसे रोम सहर घेन अपनो यात्रा सुरु करे।

प्रेरित 6:2

तओ बाह्रऔ चुनेभए चेला यरूशलेमके अन्य बिश्वासीके अपने ठिन बुलाएके कहीं, “हम परमेश्वरको बचन परचार करन छोडके खबान-पिबानको सेवामे रहान ठिक नाए हए।

प्रेरित 6:5

जा बात सारी मण्डलीनको समुहके अच्छी लागी, और बे स्तिफनस नाउँको एक लोगके जो बिश्वास और पबित्र आत्मासे भरो रहए। और फिलिप, प्रखरस, निकनोर, तीमोन, पर्मिनाश और एन्टिओखियामे रहान बारो निकोलाउसके फिर चुनीं जो यहूदी मतमे आइगओ रहए।

प्रेरित 6:6

और इन्के चुनेभए चेलनके अग्गु लाइं और बे प्राथना करके अपनो हात बिनके उपर धरके काम करनके ताहीं बिनके नियुक्त करी।

प्रेरित 9:30

जा बात पता पाएके प्रभुमे बिश्वास करन बारे बिश्वासी ददाभइया शाऊलके कैसरिया सहरमे ल्याइं और बे हुवाँसे बोके ताहीं जहाजसे टार्सस सहरमे जानके ब्यबस्था करीं, जो बोको अपनो गाउँ रहए।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 16:3

फिर, जब मए हुवाँ रहामंगो तओ मए बेहीं आदमीनके पठामंगो, जौनके तुम भरोसा करके चुने रहओ, कि बे भेँटी यरूशलेम सहरके मण्डलीनमे लैके जामएं। मए उनके सँग एक चिट्ठी पठामंगो, ताकी हुवाँके बिश्वासीनसे उनको परिचय करबाए पामओं।

इफिसियों 5:18

और दारु पिइके दरोहा बने मत् रहाओ काहेकी जा आदमीनके असभ्य, अनियंत्रित तरिकासे ब्यबहार करनको कारण बन्त हए बल्कि, पबित्र आत्माके तुम्हएं नियंत्रित करनके देओ।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

याकूब 1:17

काहेकी हरेक असल बरदान और हरेक असल दान हमर दौवा परमेश्वरके घेनसे आतहए, जौन स्वर्गमे सब बादरमे भओ ज्योतिके सृष्टि करी। परमेश्वर हमेसा एकए हानी रहात हए, और बो छाहीं हानी नाए बद्लत हए।

3 यूहन्ना 1:12

मण्डलीमे हर कोइ कहात हए, कि डेमेत्रियस एक अच्छो आदमी हए, काहेकी बो परमेश्वरको सत्य बचन अनुसार जीइत हए, और हम जा फिर कहात हएं, कि बो एक अच्छो आदमी हए, और तुम जानत हओ, कि हमर गवाही सत्य हए।