प्रेरित 3:17 - राना थारु नयाँ नियम

¹⁷ “मेरे बिश्वासी ददाभइया, मोके पता हए, कि तुम और तुमर अगुवा येशूके अन्जानमे मारे। काहेकी तुमके पता नाए रहए, कि बा ख्रीष्ट रहए।

परमेस्वर को सच्चो वचन

¹⁷ “अब मेरे दोस्तौ, मोकै पता है कि तुम और तुमरे मुखिया ईसु के संग जो करीं बौ तुमरी अग्यानता के कारड़ रहै।

प्रेरित 3:17 Iomraidhean Croise

लूका 23:13

तओ पिलातस, मुखिया यहूदी पुजारीनके, सासकनके, और जनतनके बुलाएके उनसे कही,

लूका 23:34

तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।

यूहन्ना 15:21

पर जे सब कुछ, आदमी तुमके मेरे चेला होनेके कारण सतामंगे, काहेकी बे मोके पठान बारो परमेश्वरके नाए चिन्त हएं।

यूहन्ना 16:3

और अइसे बे जाकेमारे करंगे, कि बे नए दौवाके जानी हएं नए मोके जानत हएं।

यूहन्ना 7:52

पर औ जनै बोसे कहीं, “का तए फिर गालील परदेशको हए? पबित्र-शास्त्रमे ढुणके देख, तओ तए देखैगो, कि गालील परदेशसे अगमबक्ता कोइ नाए आबैगो।”

प्रेरित 13:27

यरूशलेम सहरके आदमी और उनके अगुवा येशू ख्रीष्टके नाए चिन पाइं। और बे अगमबक्तनको बो बचनके नाए सम्झीं, जौनके बे हर पबित्र दिनमे पढत रहएं। जहेमारे बे येशूके दोषी ठहिराइं और बाके मृत्युदण्ड दइके बे धर्मशास्त्रमे बाके बारेमे लिखेभए बातके पुरा करीं।

प्रेरित 22:5

प्रधान यहूदी पुजारी और जम्मए यहूदी सभाघरके यहूदी अगुवनको समुहके फिर मिर पक्षमे गवाही देत हएं, प्रधान यहूदी पुजारीके द्वारा दमस्कस गाउँमे यहूदी समुहके भइयनसे चिट्ठी पाएके मए बो हुवाँके बिश्वासी ददाभइयनके बाँधके यरूशलेम सहरमे लाएके सजाए देनके ताहीं दमस्कस सहरमे गओ रहओं।”

प्रेरित 26:9

होन ता, मए फिर नासरतको येशूके बिरोध करन पणत हए कहिके सम्झे रहओं।

प्रेरित 28:21

जा सुनके बे कहीं, “तेरे बारेमे हम यहूदिया परदेशके आदमीनसे कोइ चिट्ठी फिर नाए पाए हएं और नए त कोइ बिश्वासी ददाभइया आएके हमके तेरे बिरोधमे कुछ खराब बात बोली हएं और नए सुनाइ हएं।

प्रेरित 7:40

और मोशाको ददा हारूनसे कही, ‘हमर ताहीं अइसो देवता बना जो हमर मिश्रदेशमे लौटके जानके ताहीं अग्गु-अग्गु चलए; काहेकी जा मोशा जो हमके मिश्रदेशसे निकरके लाइ हए, हम नाए जान्त हएं बोके का भओ?’

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

2 कोरिन्थी 3:14

और उनको मन कठोर हुइगओ रहए, काहेकी आजको दिनतक पुरानो करार पढत पेती बो घुँघट रहिरहाबैगो। बो घुँघट ख्रीष्टमे बिश्वास करनके द्वारा इकल्लो हटत हएं।

इफिसियों 4:18

बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

फिलिप्पी 1:22

पर अगर शरीरमे जिन्दा हामंगो कहेसे मए ख्रीष्टके ताहीं अच्छो काम करपामंगो। मए नाए जानत हओं, कि जामैसे कौनछो अच्छो हए।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।