प्रेरित 2:3 - राना थारु नयाँ नियम

³ तओ उनके अग्गु अइसो आगीको ज्वाला देखाइ पणो, जौन ज्वालाको आकार जिभ कता रहए। और बो अलग-अलग हुइके सबके उपर पणो।

परमेस्वर को सच्चो वचन

³ फिर बे देखीं कि आगी की जीभ कैसी दिखाए रइ है जो फैल गई और हुँआँ सबै आदमी कै छुइ लई।

प्रेरित 2:3 Iomraidhean Croise

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

मत्ती 3:15

तओ येशू बिनसे कही, “अइसियए होनदेओ, परमेश्वरको हरेक इच्छा पुरा करन हमके हबए अइसियए करन पणैगो।” जा बात मानके यूहन्ना येशूके बप्तिस्मा दइ।

लूका 24:32

बे आपसमे कहीं, “जब येशू डगरमे हमके सम्झात रहए, और पबित्र-शास्त्रको अर्थ हमके सम्झात रहए, तओ हमर मन उत्सहा और आसरासे भरो रहए।”

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 2:11

क्रेट टापूके आदमी और अरब देशके आदमी फिर हएं। हम चहुँ यहूदी होएं चहुँ यहूदी धर्म लएभए औरे जातके आदमी हएं, जे परमेश्वरको करन बारो शक्तिशाली चमत्कारके बारेमे बोलो भओ अपनो-अपनो भाषामे सुनरहे हएं।”

प्रेरित 2:2

तओ स्वर्गसे इक्बरी जोडसे हबा चलो और हबाको अबाज आओ। और बे, जौन घरमे बैठे रहएं बो घरमे हबासे भरीगओ।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

याकूब 3:6

जिभ एक आगी हानी हए, जा शरीरको बो भाग हए, जो बहुत दुष्ट हए, और जा एक आदमीको पुरो शरीर नाश करदेत हए, जा नरककी आगीसे लैके हमर पुरो जिन्दगिमे आगी लगाए देतहए।

प्रकाश 11:3

बो समय मए अपने दुई साक्षीन्के एक हजार दुई सओ साठी दिननके ताहीं मेरे सन्देशनकी घोषणा करनको अधिकार देमंगो। बे शोक करन बारो लत्ता पैँधे होमंगे।”

प्रकाश 14:6

और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।