प्रेरित 19:9 - राना थारु नयाँ नियम

⁹ पर कित्ने आदमी मन कठोर करके प्रभुमे बिश्वास करनसे इन्कार करदइं। उल्टए बे प्रभुको दओ भओ मुक्ति पान बारो डगरके सबएके अग्गु बदनाम करीं। जहेमारे पावल, बिनको यहूदी सभाघरमे जानए छोड दइ और प्रभुमे बिश्वास करन बारे चेलन्के अपने सँग लैगओ। तओ फिर पावल टुरान्नस स्कुलमे दिनएदिन आदमीन सँग भेँटके मुक्तिके बारेमे बादबिबाद करी।

परमेस्वर को सच्चो वचन

⁹ लेकिन उनमैं से कुछ जिद्दी रहैं और बिस्वास ना करत रहैं, पूरे समूह से बे प्रभु के रहा के बारे मैं बुरी बात कहीं। जौ बजह से पौलुस उनकै छोड़ दई और चेलन कै अपने संग लैगौ, और रोजाना बौ तुरन्नुस की स्कूल मैं बात-चीत करतो।

प्रेरित 19:9 Iomraidhean Croise

मत्ती 15:14

बिनके छोड देओ, बे अन्धरा अगुवा हएं। अन्धरा अन्धाके डुरियाबैगो तओ, बे दोनए गड्डामे गिरेहएं।”

मत्ती 16:4

खराब और व्यभिचारी पिढी शक्तिशाली काम मागत हएं, पर योनाको शक्तिशाली चमत्कार बाहेक और चिन्हा बिनके नाए देहओं।” और बिनके छोडके बा चलोगओ।

मत्ती 26:55

बो समय येशू भिडसे कही, “डाँकुके पकणन कता मोके पकणन तरबार और लठ्ठु लैके तुम काहे आए? मए सब दिन यरूशलेमको मन्दिरमे शिक्षा देत बैठत रहओं, तओ तुम मोके नाएपकणे।

यूहन्ना 12:40

“परमेश्वर उनकी आँखीनके अन्धरा करदइ, ताकी बे नाए देख पामएं, और बिनको मन कठोर करदइ, ताकी बे समझ नाए पामएं। नत बे मिर घेन घुमजैते और मए उनके चंगाइ करदेतो।”

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 14:4

पर बो नगरके आदमीनमे मनमुटाब हुइगओ रहए; जासे कित्ने आदमी त यहूदीनके घेन, और कित्ने चुनेभए चेलनके घेन हुइहए।

प्रेरित 17:4

अइसियए उन मैसे कित्ने यहूदी प्रभुमे बिश्वास करीं और अइसियए परमेश्वरको डर मानन बारे ग्रीक देशके आदमी और नाउँ चले भए प्रमुख बैयर फिर प्रभुमे बिश्वास करके पावल और सिलासके सँग लग गइं।

प्रेरित 19:23

बो समयमे मुक्ति पान बारो डगरके बारेमे परचार भओ जाकेमारे एफिसस सहरमे बहुत हलचल मचो।

प्रेरित 19:30

पावल फिर खेलको मैदान भितर जाएके आदमीनसे बात करन चाँहत रहए। पर चेला बोके नाए जान दइं

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

प्रेरित 22:4

मए प्रभुको डगरमे नेँगन बारे आदमीनके मरन तक सताओ। और लोग और बैयर दुनौके बाँधके जेलमे डारदओ।

प्रेरित 24:21

एकए इकल्लो दोष जो मेरे बिरुद्धमे लगाए सकत हएं, बो जा हए, कि जब मए आँगनमे ठाणके चिल्लातए कहो रहओं, ‘परमेश्वर मरे भए आदमीनके फिरसे जिन्दा करैगो कहान बारी बातमे मए बिश्वास करनके कारणसे आज तुमर अग्गु मिर मुद्दा चलरहो हए।’”

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”

प्रेरित 7:51

ए हठी आदमी तुम, बाको बात माननके और सुनन्से इन्कार करत हओ, तुम रोजए पबित्र आत्माके बिरोध करत हओ। जैसे तुमर पुर्खा करत रहएं।

प्रेरित 9:2

तओ बो “दमस्कस सहरको यहूदी सभाघरके सासकनके मिर परिचए देत पत्र लिखदेबओ,” कहिके अनुरोध करी। “कोइ फिर लोग और बैयर आदमीके, जौनकोइ ख्रीष्टके डगरमे नेँगत हएं, बे सबके ढुण-ढुण सबके पकणके यरूशलेम सहरमे ल्यानके पामओं,” करके बो अधिकार माँगी।

रोमियों 11:7

तब्ही जा बहे हए जो भओ हए: तहुँफिर इस्राएल देशमे रहान बारे परमेश्वरमे सही होनके कोसिस करीं, पर बे सफल नाएभए, पर जौन आदमीनके परमेश्वर चुनी बे बाके सँग धर्मी घोषित भए। और बाँकी इस्राएलीन्के जिद्दी बनाओ दओगओ और परमेश्वरकी बात सुनन्से इन्कार करदइं।

रोमियों 9:18

जहेमारे बा जौनके चाँहत हए बहेक उपर दया करत हए। और जौनके चाँहत हए बोके कठोर बनाए देतहए।

1 कोरिन्थी 16:9

काहेकी अभौफिर हियाँपर बहुतसे आदमी हएं जो परमेश्वरको बचन सुनन चाँहत हएं, और मिर हियाँ रहान बहुत बडो मौका हए। हियाँतककी, हियाँपर परमेश्वरके कित्ने दुस्मन फिर हएं।

1 तिमोथी 6:5

और एकदुस्रेके सँग खतम नाए होन बारो लडाइसे उनको दिमाग खराब हुइगओ हए। और बे नाए समझ पातहएं, कि सच्चो का हए। बे सोचत हएं, कि परमेश्वरको सेवा करन धनी होनको तरिका हए।

2 तिमोथी 1:15

तए जानत हए, कि एशिया परदेशमे रहान बारे कोइ बिश्वासी मोके छोड दइ हएं, जौन मैसे फुगेलस और हर्मोगेनस हएं।

2 तिमोथी 3:5

बे अइसे ब्यबहार करंगे जैसे बे नेहात्तओ परमेश्वरके सम्मान करत हएं, पर बे परमेश्वरकी शक्तिके उनको खराब जीबनके बदलनसे इन्कार करंगे; बे आदमीनसे बच।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

हिब्रू 3:13

जब तक पबित्र-शास्त्रमे “आजको दिन” कहान बारी बात हए, तबतक हर दिन एक-दुस्रेनके हौसला देबओ। पाप तुमके धोखा नाएदेबए और तुमर ह्रदय कठोर नाए होबए।

2 पतरस 2:12

पर जे झुठे गुरु जंगली जानबर कता हएं। जे जानबर कैसे सोँचत हए करके नाए जानत हएं, और बे केबल पकणके मारन उदेश्यसे इकल्लो बने होत हएं। जे आदमी, जो बिनको दिमाकमे आत हए बहे करत हएं, और बे नाए बुझीभइ बातको फिर अपमान करत हएं। बे नेहात्तओ नष्ट होमंगे।

2 पतरस 2:2

परमेश्वरके बहुतसे आदमी जे शिक्षनको दुष्ट कामको अनुसरण करत हएं, और बिनको करोगओ कामके कारण आदमी परमेश्वरके तरफ लैजान बारो सत्य डगरके बारेमे बदनाम करंगे।

यहूदा 1:10

पर परमेश्वरको आराधना नाए करन बारे आदमी नाए बुझी भइ बातके बुराइ करके खराब शब्द प्रयोग करत हएं, और जब बे जंगली जानबर कता ब्यबहार करत हएं और बिना सोँचेसम्झे उनके पता भइ बात करत हएं, तओ परमेश्वर बिनके दण्ड देबैगो।