प्रेरित 18:7 - राना थारु नयाँ नियम

⁷ बो समयसे लैके पावल यहूदीनको यहूदी सभाघरमे जान छोड दइ। बो यहूदी सभाघरके जौँणे परमेश्वरको भक्ति करन बारो गैर-यहूदी तीतस युस्तस नाउँ भओ एक जनै ग्रीक आदमीको घरमे पावल सिखानके ताहीं गओ।

परमेस्वर को सच्चो वचन

⁷ जौ बजह से बौ उन्हैं छोड़ दई और तीतुस यूस्तुस नाओं के एक गैर यहूदि के घर मैं रहन लगो, जो परमेस्वर की आराधना करे करत रहै; बाको घर सभाघर के बगल मैं रहै।

प्रेरित 18:7 Iomraidhean Croise

यूहन्ना 9:31

हम जानत हएं, कि परमेश्वर पापीनको बात नाए सुनत हए, पर बा आदर करन बारो परमेश्वरको भक्त और बाकी इच्छा अनुसारको काम करन बारेनको बात सुन्तहए।

प्रेरित 10:2

बो परमेश्वरको आराधना करत रहए, बो और बोको अपनो सारा परिवार समेत परमेश्वरको डर मन्त रहएं। और गरीब आदमीनके बहुत दान देत रहएं और घरी-घरी परमेश्वरसे प्राथना करत रहएं।

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

प्रेरित 13:42

जब पावल और बारनाबास यहूदी सभाघरसे निकरन डटे रहएं, आदमी बिनसे बिन्ती करन लागे, कि आन बारो पबित्र दिनमे हमके जा बात फिरसे सुनाओ जाए।

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

प्रेरित 17:4

अइसियए उन मैसे कित्ने यहूदी प्रभुमे बिश्वास करीं और अइसियए परमेश्वरको डर मानन बारे ग्रीक देशके आदमी और नाउँ चले भए प्रमुख बैयर फिर प्रभुमे बिश्वास करके पावल और सिलासके सँग लग गइं।

कलस्सी 4:11

और येशू फिर, जोके युस्तस कहात रहएं, तुमके नमस्कार पठाइ हए। खतना करेभए यहूदी बिश्वासी मैसे केबल जे तीन आदमी परमेश्वरको राज्यके ताहीं मेरे सँग काम करन बारे हएं और मोके उत्सहा देत हएं।