प्रेरित 18:23 - राना थारु नयाँ नियम

²³ बो एन्टिओखिया सहरमे कुछ दिन बैठो। तओ फिर बो एन्टिओखिया सहरसे गलातिया परदेश और फ्रिगिया परदेशको ठाउँ होतए गओ और ठाउँ-ठाउँमे भए प्रभुके सब चेलनके बिश्वासमे बलियो बनाइ।

परमेस्वर को सच्चो वचन

²³ हूँना कुछ समय बितान के बाद। बौ सबै चेलन कै मजबूत करत भै, गलातिया और फ्रूगिया छेत्र से चले गौ, सबै विस्वासियन कै मजबूत करत रहो।

प्रेरित 18:23 Iomraidhean Croise

लूका 1:3

माननीय थियोफिलस, मए फिर जे सब बातके ध्यानसे जाँच करो हओं। और मोके जा अच्छो लागो, कि मए तुमर ताहीं जा घटनाके क्रम अनुसार लिखो।

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

लूका 22:43

तओ स्वर्गसे एक स्वर्गदूत येशूके तागत देनके ताहीं बाके ठिन दिखाइ पणो।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 15:32

यहूदा और सिलास अपनए फिर अगमबक्ता रहएं। बे प्रभुमे बिश्वासी ददाभइयनके बहुत सहास देतए उनको बिश्वास मजबुत बनाइं।

प्रेरित 15:41

फिर बे पुरे सरिया और किलिकिया परदेशमे गए और मण्डलीके बिश्वासीनके मजबुत करतए गए।

प्रेरित 16:40

जेलसे निकरनके बाद पावल और सिलास लिडियाके घरमे गए। हुवाँ बे प्रभुमे बिश्वासी ददाभइयनसे भेँटघाट करीं, और बिनके उत्सहा दइके हुवाँसे चलेगए।

प्रेरित 16:6

पबित्र आत्मा पावल, सिलास और तिमोथीके एशिया परदेशके इलाकामे परचार करन जानसे रोकके कारणसे, बे फ्रिगिया और गलातिया परदेश हुइके गए।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।

प्रेरित 2:10

और फ्रिगिया, पामफिलिया परदेश, मिश्रदेश और कुरेनी सहरके ढिँगै लिबिया देशके भागसे लैके और आसपिसके क्षेत्रके और रोम सहरको आदमी यरूशलेम घेन आन बारे यहूदी,

1 कोरिन्थी 16:1

अब येरुशलेम सहरमे परमेश्वरके आदमीनके ताहीं इकट्ठा करे जाएरहे धनके बारेमे तुमर प्रश्नके बारेमे जो पबित्र आदमीके ताहीं करोजात हए, जैसो मए गलातिया परदेशके मण्डलीनके बताओ रहओं, उइसीयए तुम फिर करओ।

गलातियों 1:2

मए जा बे मण्डलीनके या बिश्वासी ददाभइयनको समुहके लिखरहो हओं, जो गलातिया परदेशमे हएं।

गलातियों 1:9

जैसे हम पहिले कहीडारे हएं, उइसीयए मए अभौफिर कहात हओं, कि बो अच्छो समाचारके छोडैगे, जोके तुम ग्रहण करेहओ, अगर कोइ और बोको बिपरित अच्छो समाचारके परचार करैगो कहेसे परमेश्वर बोके दण्ड देबैगो।

गलातियों 4:14

और जबकी मए बिमार रहओं, तओ तुम परेसान रहओ, पर तहुँफिर तुम मोके घृणा नाएकरे और नए त मोके दुर करे। तओ तुम परमेश्वरको एक स्वर्गदूतके अथवा येशू ख्रीष्टके ग्रहण करे कता तुम मोके ग्रहण करे।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 थेसलोनिकी 4:18

जहेमारे जे बातसे तुम एकदुस्रेके उत्सहा दए करओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।