प्रेरित 18:21 - राना थारु नयाँ नियम

²¹ पावल अइसे कहिके बिनसे बिदा भओ, “अगर परमेश्वरको इच्छा भओ कहेसे मए फिर तुमर ठिना आमंगो।” तओ फिर बो एफिसस सहरसे समुन्दरके डगर हुइके गओ।

परमेस्वर को सच्चो वचन

²¹ लेकिन जौ कहकै, बौ उनकै छोड़ दई, जैसो बौ कही, “अगर परमेस्वर की इच्छा भइ तौ मैं तुमरे झोने आंगो।” और बौ इफिसुस से रवाना भौ।

प्रेरित 18:21 Iomraidhean Croise

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

मर्कूस 6:46

आदमीनके बिदा करके बा डँगामे परमेश्वरसे प्राथना करन गओ।

लूका 9:61

दुस्रो फिर कहीं, “प्रभु, मए तिर पिच्छु लागंगो, पर पहिले अपन घर बारेनसे मोके बिदा लेनदेओ।”

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

प्रेरित 18:19

तओ तिनौ जनै एफिसस सहरमे गए, तओ पावल, प्रिस्‍किला और अकिलासके हुनै छोड दइ। जब पावल हुवाँ रहए बो यहूदी सभाघरमे जाएके यहूदीनसे बादबिबाद करन लागो।

प्रेरित 18:20

यहूदी आदमी पावलके कुछ दिनतक उन्हिन सँग बैठन्के बिन्ती करीं, पर बो नाए मानी,

प्रेरित 18:24

हुनए अलेक्जेन्ड्रिया सहरमे जन्मो भओ अपोल्लोस नाउँ भओ एक जनै यहूदी एफिसस सहरमे आओ। बो बहुत अच्छेसे मस्कन जानन बारो आदमी रहए और बोके पबित्र-शास्त्रको बहुत ज्ञान रहए।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।

प्रेरित 19:17

जा बात एफिसस सहरमे रहान बारे यहूदी और ग्रीक भाषा मस्कन बारे आदमी सुनके सब डराइगए। तओ बे प्रभु येशूको नाउँको महिमा करीं।

प्रेरित 19:21

जा घटना पिच्छु, पावल माकेडोनिया परदेश और अखैया परदेशके बिश्वासीनसे भेँटनके बाद यरूशलेम सहरमे जानके फैसला करी। बो कही, “यरूशलेम सहरमे जएहओं तओ मए रोम सहरमे फिर जानपणैगो।”

प्रेरित 20:16

एशिया परदेशमे समय बितानके बिचार नाए हुइके कारणसे बे एफिसस सहरमे बिना घुसके जानके बिचार करीं। काहेकी बे पेन्तिकोस तेवाहरको दिन यरूशलेम सहरमे पुगन बे अड्बाडात रहएं।

प्रेरित 21:14

पावलके नाए रोकपाएके हम “प्रभुको इच्छा पुरा होबए” करके हम चुप लागे।

प्रेरित 21:29

बे अइसे जहेमारे कहीं, काहेकी एफिसस सहरके त्रोफिमस कहान बारो एक आदमी बिनके सँग बजारमे देखी रहए बहेके पावल मन्दिर भितर लाइ रहए कहिके बे सोँचीं।

रोमियों 1:10

और रोज अपनी प्राथनामे बिन्ती करत हओं, कि हर परकारसे अभौफिर तुमर ठिन आनको मिर यात्रा परमेश्वरको इच्छासे सफल होए।

रोमियों 15:32

और परमेश्वरको इच्छासे आनन्दसे तुमर ठिन आएके तुमर सँगको संगतीसे मए फिरसे ताजा हुइपामओं।

1 कोरिन्थी 15:32

मए एफिसस सहरमे बहुत जद्धा कठिनाइको अनुभब करो हओं, बे आदमीनके कारण जो आदमी मेरे बिरोध कर रहे हएं, जोकी भयङकर जनाबर कता हएं। अगर जा सिर्फ आदमीनको बिचारमे आधारित हए तओ बो कठिनाइसे का हासिल करो? कुछ फिर नाए। जहेमारे अगर जा सच हुइतो, कि मरे भए आदमी फिरसे जिन्दा नाए होत हएं, तओ अच्छो हुइतो कि हम आदमीनको कहाइको अनुसरण करत हएं, कि जो जा कहात हएं, “आओ, हम खामएं पिमएं, काहेकी अगर हम कल मरिगए तओ जाको अन्त हुइ जाइगो।”

1 कोरिन्थी 16:7

काहेकी हियाँसे निकरके थोरीए देरतक नाए भेँटंगे, पर प्रभुको इच्छा हुइगओ कहेसे बहुत दिन तुम्रीयए सँग बैठंगे कहिके आसरा करेहओं।

1 कोरिन्थी 16:8

पर मए पेन्तिकोसको तेवहार तक एफिसस सहरमे बैठंगो।

1 कोरिन्थी 4:19

पर प्रभु चाहैगो तओ मए तुमर ठिन जल्दीए आमंगो, और सिर्फ जाके ताहीं इकल्लो नाए कि, बे घमण्डी आदमी कैसे बात कर रहे हएं, बल्कि उनको शक्तिके फिर जाननके ताहीं आमंगो।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

इफिसियों 1:1

मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।

हिब्रू 6:3

अगर परमेश्वरको अनुमति भओ कहेसे मए तुमके बिश्वासमे मजबुत होनके शिक्षा देमंगो।

याकूब 4:15

जहेमारे तुमके जाको सट्टामे कहान पणो, “अगर प्रभुको इच्छा भओ कहेसे हम बचंगे, और अइसो-अइसो काम करंगे।”

1 पतरस 3:17

अगर हमर अच्छो कामके कारण हम दुख उठात हएं और जा हमर ताहीं परमेश्वरको इच्छा हए कहेसे जा ठिक हए। बो हमर खराब कामके कारणसे दुख पानसे अच्छो हए।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 2:1

येशू मोसे अइसेफिर कही, “एफिसस सहरके मण्डलीके स्वर्गदूतके जा सन्देश लिख: मए बहे हओं, जो सात ताराके अपने दहिना हातमे लएहओं, और सात सोनोके दियनके बीचमे नेँगत हओं। जो मए तोसे कहात हओं बोके सुन: