प्रेरित 16:23 - राना थारु नयाँ नियम

²³ बहुत पैना मारनके बादमे, बे पावल और सिलासके जेलमे पुगाए दइं। जेलको हाकिमके आज्ञा दइं, कि जे दुई जनै नाए निकर पामएं करके थुनओ।

परमेस्वर को सच्चो वचन

²³ खूब पिटाई के बाद, उनकै कैदखाना मैं डरबाए दईं और दरोगा से कहीं कि उनकै तंग करकै रखियो।

प्रेरित 16:23 Iomraidhean Croise

मत्ती 26:48

बाके पकणाए देन बारो उनके एक संकेत दइ रहए, “जौन आदमीके मए चुमंगो, बा बहे हए, बहेके पकणीयओ।”

लूका 21:12

पर जे सब बात होनसे अग्गु आदमी तुमके पकणंगे, और सतामंगे, और तुमके यहूदी सभाघरमे सौँपदेहएं, और जेलमे डार देहएं। तुमके मिर नाउँको खातिर राजा और हाकिमके अग्गु पुगाए देहएं

प्रेरित 12:18

जब सुबेरे भओ तओ जेलके सिपाहीन्के बीचमे बहुत हलचल होन लागो, कि पत्रुस कहाँ गओ।

प्रेरित 12:4

राजा हेरोद पत्रुसके पकणके जेलमे डारदइ, और लख्बारीके ताहीं, चार-चार सिपाहीनके चार टोली बनाएके चार ठाउँमे खटाइ। यहूदीनको निस्तार तेवहारके पिच्छु पत्रुसको न्याय करनके ताहीं आदमीनके अग्गु लानके राजा हेरोदको बिचार रहए।

प्रेरित 16:27

जेलको हाकिम निधसे जगीगओ, और हुवाँ बो सबए ढोका खुले देखी। सब कैदी भाग्गए सोँचके बो अपनो हत्या करन बिचार करके अपनो तरबार निकारी।

प्रेरित 16:36

तओ जेलको हाकिम पावलके जा बात सुनाइ, “सहरके हाकिम तुमके छोडदेनके आदेश दइ हएं। तभीमारे अब निकरके शान्तिसे जाओ।”

प्रेरित 5:18

और चुनेभए चेलनके पकणके जेलमे थुन दइं।

प्रेरित 5:23

“हम जेलके महा साबधानीसे ताला लगाओ भओ, और चौकीदारनके बाहिर ठाणे देखे। पर जब द्वार खोलके देखे, तओ हम भितर कोइके नाए पाए।”

प्रेरित 8:3

तओ शाऊल घर-घरमे घुसके मण्डलीके सतान लागो रहए। बो बिश्वासी लोग और बैयरनके घिसियात लैजाएके जेलमे डारत रहए।

प्रेरित 9:2

तओ बो “दमस्कस सहरको यहूदी सभाघरके सासकनके मिर परिचए देत पत्र लिखदेबओ,” कहिके अनुरोध करी। “कोइ फिर लोग और बैयर आदमीके, जौनकोइ ख्रीष्टके डगरमे नेँगत हएं, बे सबके ढुण-ढुण सबके पकणके यरूशलेम सहरमे ल्यानके पामओं,” करके बो अधिकार माँगी।

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 6:5

कुटाइ-चुटाइमे, कैदमे, हुलदङमे, मेहेनतमे, निँधानोमे, भुँखेमे,

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।