प्रेरित 11:26 - राना थारु नयाँ नियम

²⁶ जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

परमेस्वर को सच्चो वचन

²⁶ जब बासे भेंटा भौ, तौ बाकै अन्ताकिया मैं लैगौ, और पूरो एक साल तक दोनों कलीसिया के लोगन संग मिले और एक बड़े झुंड कै पढ़ाई। ऐसो अन्ताकिया मैं रहै कि चेलन कै पहले मसीह कहो जात रहै।

प्रेरित 11:26 Iomraidhean Croise

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

यूहन्ना 2:2

येशू और बाके चेला फिर बो बेहाको निउतो पाइ रहएं।

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

प्रेरित 11:20

पर बे मैसे कुछ बिश्वासी साइप्रसके टापूसे और कुरेनी सहरके आदमी रहएं, जो सिरिया परदेशको एन्टिओखिया सहरमे आएके ग्रीक भाषा मस्कन बारे यहूदीनके फिर प्रभु येशूको अच्छो समाचार परचार करन लग्गए।

प्रेरित 11:22

जब जा खबर यरूशलेम सहरको मण्डलीमे पुगो, तओ मण्डलीके अगुवा बारनाबासके सिरिया परदेशको एन्टिओखिया सहरमे पठाए दइं।

प्रेरित 11:27

बे दिनन्मे कुछ बिश्वासी जो अगमबक्ता रहएं, बे यरूशलेम सहरसे सिरिया परदेशको एन्टिओखिया सहरमे आए।

प्रेरित 11:29

अगाबसको भबिष्यबाणी सुनके प्रभुके चेला यहूदिया परदेशमे भए बिश्वासी ददाभइयनके ताहीं अपनो क्षेमता अनुसार दान देनके निर्णय करीं।

प्रेरित 14:20

पर जब चेला पावलके चारौ घेन ठाणीगए, तओ बो उठके गाउँमे गओ और दुस्रे दिन बारनाबासके सँग डर्बी सहरमे चलोगओ।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

प्रेरित 14:28

तओ फिर पावल और बारनाबास बहुत दिनतक एन्टिओखियाके मण्डलीनके चेलन सँग बैठे।

प्रेरित 18:27

तओ फिर अपोल्लोस अखैया परदेशमे जानके बिचार करी। और एफिसस सहरमे भए प्रभुमे बिश्वासी ददाभइया चेलनके जानके ताहीं उत्सहा दइं और अपोल्लोसके स्वागत करीयओ कहिके हुवाँ बैठन बारे चेलनके एक चिट्ठी फिर लिखदइं। अखैया परदेशमे पुगके अपोल्लोस हुवाँ प्रभुको अनुग्रहके कारणसे बिश्वासमे आएभएनके बहुत मदत करी।

प्रेरित 19:9

पर कित्ने आदमी मन कठोर करके प्रभुमे बिश्वास करनसे इन्कार करदइं। उल्टए बे प्रभुको दओ भओ मुक्ति पान बारो डगरके सबएके अग्गु बदनाम करीं। जहेमारे पावल, बिनको यहूदी सभाघरमे जानए छोड दइ और प्रभुमे बिश्वास करन बारे चेलन्के अपने सँग लैगओ। तओ फिर पावल टुरान्नस स्कुलमे दिनएदिन आदमीन सँग भेँटके मुक्तिके बारेमे बादबिबाद करी।

प्रेरित 20:1

जा हुलदङ्गा शान्‍त हुइके पिच्छु पावल प्रभु येशूके चेलनके जम्मा करके बिनको बिश्वासमे हौसला मिलए करके शिक्षा, दइके बिदा भओ और फिर माकेडोनिया परदेशको इलाका घेन गओ।

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

प्रेरित 21:4

चेलनके ढुणके बिनके सँग हम सात दिन हुवाँ बैठे। पावल यरूशलेम सहरमे नाए जाए करके, बे पबित्र आत्माको अगुवाइसे बिन्ती करीं।

प्रेरित 26:28

उत्कएमे राजा अग्रिपास पावलसे कही, “का इत्का बातसे तए मोके ख्रीष्टियन बनान कोसिस करत हए?”

प्रेरित 6:1

बे दिनन्मे चेलनको संख्या बढतए गओ, तओ हिब्रू भाषा मस्कन बारे आदमीनके बिरुद्धमे ग्रीक भाषा मस्कन बारे यहूदी चेला गनगन करन लागे, कि प्रत्येक दिन खान बारी चीज बाँटत पेती बिनके बिधुवनको वास्ता नाए भओ।

प्रेरित 6:5

जा बात सारी मण्डलीनको समुहके अच्छी लागी, और बे स्तिफनस नाउँको एक लोगके जो बिश्वास और पबित्र आत्मासे भरो रहए। और फिलिप, प्रखरस, निकनोर, तीमोन, पर्मिनाश और एन्टिओखियामे रहान बारो निकोलाउसके फिर चुनीं जो यहूदी मतमे आइगओ रहए।

प्रेरित 9:19

और खानु खाएके बो फिरसे बल पाइ। शाऊल बहुत दिनतक दमस्कस सहरमे भए चेलनके सँग रहो।

प्रेरित 9:38

लुड्डा गाउँ योप्पा गाउँके ढिँगै हए करके चेला पता पाइं। तओ बे पत्रुस ठिन, दुई आदमीनके अइसे कहिके पठाइं, “दया करके हमरे ठिन जल्दी आएदेओ।”

1 कोरिन्थी 11:18

काहेकी सुरुवातमे मए जा सुनो, कि जब तुम आराधनाके ताहीं मण्डलीमे इकट्ठा होत हओ, तओ तुममे फुट होत हए और मोके भरोसा हए, कि जामे कुछ सच्चाई हए।

1 कोरिन्थी 12:12

काहेकी जैसी शरीर एक हए, और बक बेढम अंग हएं, और शरीरको सम्पूर्ण अंग बेढम होएसे फिर शरीर एकए हए, अइसियए ख्रीष्ट और बाके उपर बिश्वास करन बारेनके सँग हए।

1 कोरिन्थी 14:23

अगर मण्डली एकठिन इकट्ठा होए, और सबके-सब फरक-फरक भाषा बोलएं, और जो फरक-फरक भाषा नाए समख पातहएं या गैर-बिश्वासी आदमी मण्डली भितर होएं, तओ बे जरुर सोँचत हएं, कि तुम बौराइगए हओ।

1 कोरिन्थी 4:17

जहेमारे मए तिमोथीके तुमर ठिन पठाओ हओं जो प्रभुमे मिर प्रिय और बिश्वासयोग्य लौंणा हए, और मए हर ठिहा हर एक मण्डलीमे शिक्षा देए अनुसार, तुम येशू ख्रीष्टमे कैसो ब्यबहार करत हओ कहिके बो तुमके याद दिलाबैगो।

इफिसियों 3:15

बा बहे हए जो सबए बिश्वासीनको परिवारको दौवा हए जो स्वर्ग और पृथ्वीमे हएं।

याकूब 2:7

बे आदमी बेहीं हएं, जो येशू ख्रीष्टके असल नाउँके बिरुद्ध खराब बात मस्कत हएं, जौनसे तुम सम्बन्ध धरे हओ।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

1 पतरस 4:16

पर कोइ ख्रीष्टियन भओके कारण दुख उठात हए कहेसे बो नाए सर्माबए, पर ख्रीष्टियन भओके कारण बो परमेश्वरके धन्यबाद देबए।

1 यूहन्ना 2:27

तुमर ताहीं ख्रीष्टके द्वारा पबित्र आत्मा दओगओ हए, और बा तुमर भितर रहात हए। तुमरमे पबित्र आत्मा रहानतक कोइ फिर तुमके सत्यके बारेमे नाए सिखान पणैगो, काहेकी पबित्र आत्मा तुमके सब बात सिखात हए। बाको सिखाइ बात सच्चो होत हए, पर झुठो नाए होत हए। जहेमारे ख्रीष्टके सँग एकजुट हुइके बने रहाओ, जैसेकी पबित्र आत्मा तुमके करन कही हए।

प्रकाश 3:18

तभीमारे, मए तोके सल्लाहा देहओं, कि आगीसे शुद्ध भओ सोनो मोसे खरिद, ताकी तए नेहात्तओ धनी बनपाबए। तोके अपनए लगान ताहीं सेतो लत्ता फिर किनन पणैगो, जौनके कारण तेरे सँग लता होबए और तए सरममे नाए पडए। और तोके तेरे आँखीमे लगानके ताहीं कुछ मलम फिर किनन पणैगो, ताकी तए देख पाबए।