प्रेरित 11:23 - राना थारु नयाँ नियम

²³ बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

परमेस्वर को सच्चो वचन

²³ जब बौ आयकै देखी कि परमेस्वर लोगन कै कैसी सामर्थ्य और अनुग्रह दई है, तौ बौ मन मैं भौत खुस भौ और सबसे पूरे दिल से प्रभु के ताहीं बफादार और सच्चो होन की नहोरे करी।

प्रेरित 11:23 Iomraidhean Croise

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

मर्कूस 2:5

येशू अपने उपर बिनको बिश्वास देखके बो मनैसे कही, “ए लौंणा, तेरे पाप क्षमा हुइगए।”

यूहन्ना 15:4

तुम मोएमे रहाओ, और मए तुमरमे रएहओं। जैसी अंगुरको हँगा रुखामे नाए रहिके फरा नाए फराए पातहए, उइसीयए तुम फिर अगर मोएमे नाए रएहओ कहेसे तुम फिर कुछु नाए करपए हओ।”

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 14:26

और हुवाँ पानीजहाजसे सिरिया परदेशको एन्टिओखिया सहरमे लौटिगए, जहाँसे उनके परमेश्वरको अनुग्रहमे सौँपके बो कामके ताहीं पठाओ गओ रहए, जोके बे अब पुरा करके लौट आए रहएं।

प्रेरित 15:40

पर पावल सिलासके चुनलै, और बिश्वासी ददाभइयनसे परमेश्वरको अनुग्रहमे अपनएके सौँपके एन्टिओखिया सहरसे चलो गओ।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 4:36

योसेफ नाउँ भओ एक आदमी रहए। बो लेबी घरानाको रहए और साइप्रसके टापूसे रहए। चुनेभए चेला बोसे बारनाबास कहिके बुलात रहएं, जौनको अर्थ हए, एक अइसो आदमी जो दुस्रेनके उत्साहित करत हए।

रोमियों 12:8

जोके उत्सहा देनको बरदान मिलो हए तओ बो उत्सहा देनमे लगोरहाए; कोइके दान देनको बरदान मिलो हए कहेसे खुल्ला मनसे दान देबए, जोके अगुवापनको बरदान मिलो हए कहेसे अगुवाई करनमे गम्भीरतासे लागोरहाए। और जोके दया दिखानको बरदान मिलो हए कहेसे खुसीसे करनमे लागो रहाबए।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 1:17

का मए अइसे करत पेती स्थिरता नाए दिखाओ? का मए अपनो योजना बनात पेती संसारके आदमीन कता अभए “हाँ-हाँ” और पिच्छु “नाए-नाए” कहान बारो हओं?

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।

3 यूहन्ना 1:4

जबही फिर मए जा सुनत हओं, कि बे आदमी, जो मेरे लौंणालौंणीया हानी हएं, बे बहे तरिकासे जिइनडटे हएं, जो सचमे परमेश्वर हमएं दिखाइ हए, तओ जा मोके औ खुसी बनाए देत हए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।