प्रेरित 11:22 - राना थारु नयाँ नियम

²² जब जा खबर यरूशलेम सहरको मण्डलीमे पुगो, तओ मण्डलीके अगुवा बारनाबासके सिरिया परदेशको एन्टिओखिया सहरमे पठाए दइं।

परमेस्वर को सच्चो वचन

²² तौ उनकी खबर यरूसलेम की कलीसिया मैं पौहौंच गई, और तभई बे बरनबास कै अन्ताकिया मैं पनार दईं।

प्रेरित 11:22 Iomraidhean Croise

प्रेरित 11:1

गैर-यहूदी आदमी फिर परमेश्वरको बचनमे बिश्वास करी हएं कहान बारी बात औ चुनेभए चेला और यहूदिया परदेशमे प्रभुमे बिश्वास करन बारे बिश्वासी ददाभइया फिर सुनीं।

प्रेरित 11:19

स्तिफनसके मार डारनके बाद प्रभु येशूमे बिश्वास करन बारेनके सतावट भओके कारणसे बहुत जनै भागे और कित्नो आदमी फोनिके परदेशमे पुगे, कित्नो आदमी, साइप्रस टापू और कित्नो आदमी सिरिया परदेशको एन्टिओखिया सहरमे पुगे। सुरुमे बे परमेश्वरको बचन यहूदीनके इकल्लो सुनाइं।

प्रेरित 11:20

पर बे मैसे कुछ बिश्वासी साइप्रसके टापूसे और कुरेनी सहरके आदमी रहएं, जो सिरिया परदेशको एन्टिओखिया सहरमे आएके ग्रीक भाषा मस्कन बारे यहूदीनके फिर प्रभु येशूको अच्छो समाचार परचार करन लग्गए।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 11:27

बे दिनन्मे कुछ बिश्वासी जो अगमबक्ता रहएं, बे यरूशलेम सहरसे सिरिया परदेशको एन्टिओखिया सहरमे आए।

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 18:22

कैसरिया सहरमे आएपुगके पावल यरूशलेम सहरमे गओ तओ हुवाँको मण्डलीके आदमीनके सँग भेँटघाट करी और मण्डलीके नमस्कार करके बो सिरिया परदेशको एन्टिओखिया सहरमे गओ।

प्रेरित 6:5

जा बात सारी मण्डलीनको समुहके अच्छी लागी, और बे स्तिफनस नाउँको एक लोगके जो बिश्वास और पबित्र आत्मासे भरो रहए। और फिलिप, प्रखरस, निकनोर, तीमोन, पर्मिनाश और एन्टिओखियामे रहान बारो निकोलाउसके फिर चुनीं जो यहूदी मतमे आइगओ रहए।

प्रेरित 8:14

सामरिया सहरके आदमी परमेश्वरको बचन ग्रहण करलै हएं, कहिके सुनके यरूशलेम सहरमे भए चुनेभए चेला पत्रुस और यूहन्नानके बिनके ठिन पठाइं।

प्रेरित 9:27

पर बारनाबास शाऊलके अपने सँग चुनेभए चेलनके ठिन लैगओ। शाऊल, डगरमे प्रभुके देखो भओ और प्रभु बोसे बातचित करो भओ और दमस्कस सहरमे येशूको नाउँमे सहाससे परचार करो भओ, सब बात बारनाबास बिना डराएके उनके बताए दइ।

गलातियों 2:11

जब एक दिन केफास सिरिया परदेशको एन्टिओखिया सहरमे आओ, तओ मए बोको सबके अग्गु बिरोध करो, मए अन्य बिश्वासीनके अग्गु बोके डाँटो, काहेकी बो सही काम नाए करत रहए।

1 थेसलोनिकी 3:6

पर हबए तिमोथी जो तुमर ठिनसे हमरे हियाँ आएके तुमर बिश्वास और प्रेमको अच्छो समाचारको परचार करी। और जा बातके फिर सुनाइ, कि तुम रोज प्रेमसे हमके याद करत हओ, और हमके भेँटनके इच्छा करत हओ, जैसे हम फिर तुमके देखनकी इच्छा करे।