प्रेरित 10:41 - राना थारु नयाँ नियम

⁴¹ सबए आदमीनके त बा नाए दिखानो, पर बा जिन्दा होनके बाद, बाके सँग खानपिन करन बारेनके ठिन दिखाइ पणो, काहेकी परमेश्वर हमके जा घटनाको साक्षी बनानके ताहीं हमके पहिलीएसे चुनी रहए।

परमेस्वर को सच्चो वचन

⁴¹ सब लोगन कै नाय बल्कि उन गभन कै जिन्हैं परमेस्वर पहले से चुन लई रहै, मतलब हमकै जो बाके मरे भैन मैं से जी उठन के बाद बाके संग खाईं पीं।

प्रेरित 10:41 Iomraidhean Croise

लूका 24:30

जब येशू बिनके सँग खान बैठो, तओ बा रोटी लैके आशीर्वाद दइ, और तोणके बिनके देन लागो।

लूका 24:48

तुम जे सब बातके साक्षी हओ।

यूहन्ना 14:17

बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

यूहन्ना 14:19

जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे।

यूहन्ना 14:22

यहूदा इस्करियोत नाए, बल्कि औरो यहूदा कहान बारो चेला येशूसे कही, “हे प्रभु, काहे तुम हमर ठिन इकल्लो अपनएके प्रकट करैगे, और संसारके आदमीके ठिन काहे प्रकट नाए होबैगे?”

यूहन्ना 15:16

तुम मोके नाए चुनेहओ बल्कि मए तुमके चुनो और तुमर फरा टिकाउ होबए कहिके मए तुमके नियुक्त करके पठान डटो हओं, काहेकी तुम मिर चेला हओ और तुम मोसे सम्बन्धमे रहाबैगे तओ जो कुछ दौवासे माँगैगे बो तुमए देबैगो।

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

यूहन्ना 21:13

येशू आगीके ढिँगै जाएके रोटी लैके बिनके दइ, और उइसी करके मछ्री फिर दइ।

प्रेरित 1:4

एकचोटी जब बे एकए सँग रहएं, तओ येशू चेलनसे भेँटके उनके आज्ञा दइ, “यरूशलेम सहरसे कहुँ मत् जैयओ, पर बो बरदानके आसरा करियओ जो मिर दौवा तुमके देनके प्रतिज्ञा करी रहए।”

प्रेरित 10:39

बा यहूदिया परदेशमे और यरूशलेम सहरमे करेभए सब बातकी हम साक्षी हएं। यरूशलेम सहरमे यहूदी अगुवा बाके क्रूसमे टंगलाएके मारीं।

प्रेरित 13:31

और बहुत दिनतक येशू गालील परदेश मैसे यरूशलेम सहरमे आन बारे अपन चेलनके ठिन दिखाइ देतए रहो। और अब आदमीनके ठिन जेहीँ इकल्ले साक्षी रहएं। काहेकी जे येशूके देखी रहएं।