2 तिमोथी 4:8 - राना थारु नयाँ नियम

⁸ अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

परमेस्वर को सच्चो वचन

⁸ और अब परमेस्वर के संग होन को जीत को इनाम मोकै असियाय रौ है कि, जो न्याई प्रभु, मोकै बौ दिन देगो और नाय सिरफ मेरे ताहीं, बल्किन बे सबन के ताहीं जो उनके संग प्यार कै असियाथैं।

2 तिमोथी 4:8 Iomraidhean Croise

मत्ती 24:36

“पर बो दिन और बो समयके बारेमे कोइ नाए जानत हए, नए स्वर्गके स्वर्गदूत, नए आदमीको लौंणा।

मत्ती 7:22

न्यायके दिनमे बहुत जनै मोसे कहामंगे; ‘प्रभु, प्रभु, का हम तुमर अधिकारसे अगमबाणी नाए बोले? का तुमर दओ भओ अधिकारसे भुत नाए निकारे? और का तुमर दओ भओ अधिकारसे मेलमेलके शक्तिशाली काम नाए करे?’

लूका 10:12

मए तुमसे कहात हओं, न्यायके दिनमे परमेश्वर सदोम सहरके आदमीनके जरुर दण्ड देबैगो। पर बो सहरके आदमीनके दण्ड सदोम सहरके आदमीनको दण्डको तुलनामे, बहुत जद्धा होबैगो।”

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

1 कोरिन्थी 3:13

जब ख्रीष्ट फिरसे आबैगो तओ आगी हर आदमीको करोभओ कामके दिखाबैगो। आगी जहे दिखाबैगो, कि बो आदमीको कामको कोइ मोल हए या नाए हए।

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

2 कोरिन्थी 5:2

नेहात्तओ हम जा शरीरमे रहानमे दुखि हएं और हम स्वर्गीय घर कता शरीर पानमे गजब इच्छा करत हएं।

फिलिप्पी 3:11

ताकी मए फिर मरो भओ मैसे जिन्दा करो जामओं।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

1 थेसलोनिकी 5:4

पर हे मेरे बिश्वासी ददाभइयओ, तुम त अंधियारोमे नाए हओ, कि प्रभुको फिरसे लौटके आनको दिन तुमर उपर चुट्टा हानी अचानक तुमर बिना तयारीको आएजाए।

2 थेसलोनिकी 2:8

तओ दुष्ट आदमी दिखाइ पणैगो, पर पिच्छु प्रभु येशू जब आबैगो, तओ बा एक हुकुमके द्वारा जो बाको मुँहुँसे निकरत हए और अपना आनको महिमासे दुष्ट आदमीके नाश करैगो।

1 तिमोथी 6:19

अइसे करके बे अपन अच्छो कामके अपन ताहीं सम्पति कता जोरंगे, जौन भबिष्यमे जाएके स्वर्गमे उनके ताहीं एक मजबुत घरको जग कता होबैगो। और बे सच्चो जीबन पामंगे, जौन जीबन हमेसाके ताहीं रहो रहाबैगो।

2 तिमोथी 1:10

पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 1:18

न्यायके दिन प्रभु ओनेसिफरसके अपनो महान दया दिखाबए। और तए अपनए अच्छेसे जानत हए, कि बो एफिसस सहरमे मिर कित्नो सहायता करी।

2 तिमोथी 2:5

अइसियए जब एक आदमी दुस्रेके बिरुद्ध दौडमे भाग लेतहए, तओ अगर बो दौडको नियमके पालन नाए करत हए, तओ कोइ फिर बोके इनाम नाए देबैगो।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 12:11

हमके अनुशासनमे धरत पेती मन नाए पणत हए, बरु दुख दइ कता लगत हए। पर जासे सिख्जात हएं तओ हम शान्ति पातहए, काहेकी हम असल तरिकासे जीबन जीइन सुरु करत हएं।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

1 पतरस 1:4

परमेश्वर, अपने आदमीनके ताहीं धरो भओ प्रसस्त आशिषको आसरा करत हए। बा हमर ताहीं तयार करेभए सब अच्छे चीज पानके ताहीं हम आसरा करत हएं। बे चिजनके कोइ फिर नाश नाए करपाबैगो। बे कुछु चीज फिर नाए बिगाड पामंगे। बे चीज कभु फिर पुरानो या काम सुथ्रेके नाए होमंगे। परमेश्वर बे चिजनके तुमर ताहीं स्वर्गमे धरे हए।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।