2 थेसलोनिकी 2:15 - राना थारु नयाँ नियम

¹⁵ जहेमारे हे मेरे बिश्वासी ददाभइयओ, बिश्वासमे स्थिर रहाओ; और बेहीं सन्देशमे बिश्वास करत रहाओ, जो हम तुमके सिखाए रहएं जब हम तुमरसँग रहएं या जब हम चिट्ठी पठाए रहएं।

परमेस्वर को सच्चो वचन

¹⁵ तौ, हमरे भईय्यौ और बहेनियौ, मजबूती से ठाड़े रहबौ और बे सच्चाई की सिक्छा कै थामें रहबौ जो रीत हम तुम्हैं सिखाए, अपने उपदेस और हमरी चिट्ठी मैं।

2 थेसलोनिकी 2:15 Iomraidhean Croise

रोमियों 16:17

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

1 कोरिन्थी 11:2

मए तुमर तारिफ करत हओं। काहेकी तुम मोके हर समयमे याद करत रहात हओ; और जो शिक्षा मए तुमके दओ हओं, उनके साबधानीसे पालन कररहे हओ।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

1 कोरिन्थी 16:13

साबधान रहाओ, बिश्वासमे स्थिर रहाओ, सहासी आदमी बनओ, बिश्वासमे मजबुत बनओ।

फिलिप्पी 4:1

जहेमारे हे मेरे बिश्वासी ददाभइयओ, मए तुमसे बहुत प्रेम करत हओं, और मए तुमसे भेँटनको आसरा करत हओं, जौन मिर आनन्द और मुकुट हओ। हे मेरे प्यारे भइयओ, प्रभुमे अपनो बिश्वासमे मजबुत रहाओ।

2 थेसलोनिकी 2:2

अगर तुम सुनत हओ, कि प्रभुको दिन पहिलीयएसे आइगओ हए, तओ तुम मत् घबणीयाबओ या मतडराओ। काहेकी कोइ अइसो एक भबिष्यबाणीके रुपमे या एक सन्देशमे या एक कोइ चिट्ठीमे कहे सकत हए, जैसेकी बो हमरे घेनसे आओ हए।

2 थेसलोनिकी 3:14

अगर कोइ हमर जा चिट्ठीको सन्देशके नाए मानए, तओ बे आदमीनके चिने रहाबओ और बिनसे मेलमिलाप मत् करओ, ताकी बो शरमको महसुस करए।

2 थेसलोनिकी 3:6

हे मेरे बिश्वासी ददाभइया, हम तुमके बहे अधिकारसे आज्ञा देत हएं जो येशू ख्रीष्ट हमके दइ, कि अइसे कोइ फिर भइया या बहिनियासे मेलमिलाप मत् करओ, जो अल्छी हएं, और जो हम तुमके सिखाए बे आदेशको पालन नाए करत हएं।

तीतुस 1:9

और बे, येशू ख्रीष्टके बारेमे बिश्वासयोग्य सन्देशमे मजबुतसे बिश्वास करन बारे होन पणो, जो हम बोके सिखाए हएं। बिनके अइसे करनके चाहो, ताकी बे दुस्रेनके सही शिक्षाके पालन करनके ताहीं हौसला दइ पामएं, और सँगए-सँग उनके साबित करपामएं, कि बे गलत हएं।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।