2 पतरस 2:3 - राना थारु नयाँ नियम

³ जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

परमेस्वर को सच्चो वचन

³ और लालच मैं जे झूठे गुरुजी तुमकै झूठ-मूठ की कहानियाँ बतायकै तुमसे फायदा उठांगे। भौत दिन से उनको न्याई मरगौ है, और उनको बिनास करन बारो पूरी तरह से जग्गौ है!

2 पतरस 2:3 Iomraidhean Croise

मत्ती 23:14

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम बिधुवनको घर लुटत हओ, और तुम अपनएके धर्मी दिखानके ताहीं लम्बो-लम्बो प्राथना करत हओ जहेमारे दुस्रे आदमीनसे जद्धा तुमके दण्ड मिलैगो।

लूका 18:8

मए तुमसे कहात हओं, परमेश्वर तुरन्त बिनको न्याए करैगो; काहेकी जब मए, आदमीको लौंणा लौटंगो, तओ मोए पृथ्वीमे कितने आदमी मिलंगे जौनमे बिश्वास होबैगो?”

लूका 20:20

बे मौका ढुँणन लागे, और धर्मी हुइके चुपरन बारे जासुसके बे बाके ठिन पठाइं। येशू कही बातमे बाके फसाएके अधिकारीनके और हाकिमके हातमे बाके पकणाएदेनको मौका ढुणत रहएं।

लूका 22:47

येशू मसकतए रहए तओ एक भिड हुवाँ आएगै। बाह्र चेला मैसे एक जनै यहूदा इस्करियोत कहान बारो अग्गुअग्गु आओ। येशूके चुम्मन करन ताहीं बो बाके ढिँगै आओ।

यूहन्ना 2:16

और कबुतर बेचन बारेनसे बा कही, “हियाँसे जम्मए लैजाओ। मिर दौवाको भवनके व्यापारको घर मतबनाओ।”

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

1 थेसलोनिकी 2:5

तुम जानत हओ, कि हम नए त कभी कोइसे अच्छो बात करके फसाए हएं, और नए त हम तुमसे धन पानके ताहीं लोभ करेहएं। परमेश्वर जाको साक्षी हए, कि हम अइसे नाए रहएं।

1 थेसलोनिकी 5:3

जब आदमी कहात होमंगे, “शान्ति हए, और हम सुरक्षामे हएं,” तओ बो समय अचानक बे आदमी बणे दुखको महसुस करंगे, जा अइसियए इक्बरी हुइहए जैसी कोइ एक गरबबती स्त्रीके इक्बरी व्यथा लागजात हए। और बे बो बडो दुःखसे बचनाए पामंगे।

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

1 तिमोथी 6:5

और एकदुस्रेके सँग खतम नाए होन बारो लडाइसे उनको दिमाग खराब हुइगओ हए। और बे नाए समझ पातहएं, कि सच्चो का हए। बे सोचत हएं, कि परमेश्वरको सेवा करन धनी होनको तरिका हए।

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

1 पतरस 2:8

और पबित्र-शास्त्रमे अइसेफिर लिखो हए, “जा पत्थर आदमीनके भिमेमे गिराबैगो, जा एक पत्थर हए, जौन बिनके गिराबैगो।” बे अइसे गिरत हएं, काहेकी बे परमेश्वरको बचन पालन करनसे अस्वीकार करत हएं। परमेश्वर बिनके ताहीं जहे योजना बनाइ हए।

1 पतरस 5:2

जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

2 पतरस 1:16

जब हम चुनेभए चेला तुमके हमर प्रभु येशू ख्रीष्टको शक्ति और आगमनको बारेमे परचार करे रहएं, तओ चलाँख हुइके हम तुमर ताहीं बनाए भए, लिखी कहानी नाए बताए रहएं। बरु हम अपनए ख्रीष्टको बडो महिमा देखे हएं।

2 पतरस 2:1

बहुत समय पहिले इस्राएलीनके बीचमे देखा पणे झुठे अगमबक्ता कता, झुठे गुरु फिर तुमर बीचमे देखा पणंगे। बे झुठे शिक्षामे फसँगे, जो आदमीनके ख्रीष्टमे बिश्वास करनसे रोकंगे। जे झुठा गुरु, उद्धार करन बारो ख्रीष्टके अपनो मालिकके रुपमे स्वीकार करनके फिर इन्कार करंगे जो बिनको पापको शक्तिसे मुक्त करी। अइसियए बे अचानक अपनएके नष्ट करंगे।

2 पतरस 2:9

परमेश्वर पहिलेके समयमे करेभए जे सब काम हमके जा दिखात हए, कि धार्मि जीबन जीइन बारे आदमी समस्यामे पणत हएं तओ प्रभु परमेश्वर जरुर सुरक्षित करत हए। और हम जा फिर पक्का होन सकत हएं, कि बा सबए आदमीनको न्याय करन बारो दिन नाए आनतक बा दुष्ट आदमीनके लगातार सजाय देबैगो।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।

यहूदा 1:15

बा सबए आदमीनको न्याय करैगो और सबए अधर्मी आदमीनको करोभओ सबए अनैतिक और दुष्ट काम और बाके बिरुद्धमे पापी आदमीनको बोलो भओ अपमानित शब्दनको दण्ड देबैगो।”

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।